แปลความหมาย​ สูเราะฮ์ Al-Mursalāt - الترجمة الكيروندية - สารานุกรมอัลกุรอาน

SURATU L-MURSALAAT

อายะฮ์: 1

وَٱلۡمُرۡسَلَٰتِ عُرۡفٗا

Jewe Allah, Ndarahiye ku miyaga y’urukurikirane!

อายะฮ์: 2

فَٱلۡعَٰصِفَٰتِ عَصۡفٗا

No ku miyaga y’igihuhusi!

อายะฮ์: 3

وَٱلنَّٰشِرَٰتِ نَشۡرٗا

No ku bamalayika bajejwe ikwiragiza ry’ibicu vy’imvura mu kirere!

อายะฮ์: 4

فَٱلۡفَٰرِقَٰتِ فَرۡقٗا

No ku bamalayika bajana ijambo ry’Imana Allah ritandukanya ukuri n’ikinyoma, rigatandukanya ikirekuwe n’ikizira!

อายะฮ์: 5

فَٱلۡمُلۡقِيَٰتِ ذِكۡرًا

No ku bamalayika bashikiriza ubutumwa barungikanwe ku Ntumwa z’Imana Allah;

อายะฮ์: 6

عُذۡرًا أَوۡ نُذۡرًا

Kugira ngo bakureho ivyitwazo ku bagarariji, babagabishe no ku bihano vy’Imana Allah!

อายะฮ์: 7

إِنَّمَا تُوعَدُونَ لَوَٰقِعٞ

Mu vy’ukuri ibi vyose mwagabishijweko^[1], nta nkeka ko bizoba ata gisivya.

[1] Mu vyerekeye izuka ry’ibiremwa, iharurirwa ryavyo, no ku vyerekeye impera y’umwe wese ku co yakoze. Ivyo vyose rero, nta nkeka ko bitegerezwa kuba.

อายะฮ์: 8

فَإِذَا ٱلنُّجُومُ طُمِسَتۡ

Igihe inyenyeri zazimye, ntizisubire kwaka;

อายะฮ์: 9

وَإِذَا ٱلسَّمَآءُ فُرِجَتۡ

Igihe n’ijuru ryase imigaga;

อายะฮ์: 10

وَإِذَا ٱلۡجِبَالُ نُسِفَتۡ

Igihe n’imisozi yanyitse;

อายะฮ์: 11

وَإِذَا ٱلرُّسُلُ أُقِّتَتۡ

Igihe n’Intumwa z’Imana zahawe umwanya wo kwagiriza abo zarungitsweko;

อายะฮ์: 12

لِأَيِّ يَوۡمٍ أُجِّلَتۡ

Ni ku musi uwuhe zirindirijweko kubagiriza?

อายะฮ์: 13

لِيَوۡمِ ٱلۡفَصۡلِ

Ni ku musi w’ubutungane ku biremwa.

อายะฮ์: 14

وَمَآ أَدۡرَىٰكَ مَا يَوۡمُ ٱلۡفَصۡلِ

Mbega, ni igiki cokumenyesha uwo musi w’ubutungane uwo ari wo?

อายะฮ์: 15

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma umusi w’umuhero.

อายะฮ์: 16

أَلَمۡ نُهۡلِكِ ٱلۡأَوَّلِينَ

Mbega, ntitwahoneje abahakanyi b’aho hambere ku kubera igarariza ryabo ry’Intumwa!

อายะฮ์: 17

ثُمَّ نُتۡبِعُهُمُ ٱلۡأٓخِرِينَ

Hanyuma Tubakurikiza abandi bakurikiye mu nyuma, bakagarariza nkabo!

อายะฮ์: 18

كَذَٰلِكَ نَفۡعَلُ بِٱلۡمُجۡرِمِينَ

Ni nk’ukwo nyene rero Twebwe Allah, Tuzogira inkozi z’ikibi mu babangikanyamana b’i Makka bahakanye Intumwa y’Imana (nyakugira amahoro n’impuhwe z’Imana Allah).

อายะฮ์: 19

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma Imana Imwe Rudende Allah, Intumwa zayo, izuka ry’ibiremwa n’iharurirwa ryavyo.

อายะฮ์: 20

أَلَمۡ نَخۡلُقكُّم مِّن مَّآءٖ مَّهِينٖ

Mbega babangikanyamana! Twebwe Allah, ntitwabaremye mu mazi y’intanga agayitse!

อายะฮ์: 21

فَجَعَلۡنَٰهُ فِي قَرَارٖ مَّكِينٍ

Hanyuma Tuyashira mu gitereko gikingiwe c’umugore!

อายะฮ์: 22

إِلَىٰ قَدَرٖ مَّعۡلُومٖ

Gushika ku kiringo categekanijwe kizwi n’Imana Allah;

อายะฮ์: 23

فَقَدَرۡنَا فَنِعۡمَ ٱلۡقَٰدِرُونَ

Turaheza Tuyatunganyamwo ikiremwa-muntu gikwiye. Emwe! Ni Twebwe Allah, Abeza bo gutunganya indemo kurusha.

อายะฮ์: 24

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma ubushobozi bw’Imana Allah bwo kurema no kuzura abapfuye.

อายะฮ์: 25

أَلَمۡ نَجۡعَلِ ٱلۡأَرۡضَ كِفَاتًا

Mbega Twebwe Allah, ntitwagize isi kuba iyegeranirizo!

อายะฮ์: 26

أَحۡيَآءٗ وَأَمۡوَٰتٗا

Ry’abagihema bagendagenda kuri yo n’abasandavye bashingurwa muri yo!

อายะฮ์: 27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا

Tuyishirako n’imisozi ishimitse miremire kugira ngo iturure, Tubanywesha n’amazi meza y’umusarara!

อายะฮ์: 28

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma inema z’Imana Allah.

อายะฮ์: 29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

Abamalayika bacungereye umuriro wa Jahannamu, bazobwira abagarariji bati: “Nimugende muri vya bihano mwahora muhakana ko mutazohabwa;

อายะฮ์: 30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ

Nimugende mu gitutu c’umuriro wa Jahannamu gifise imfuruka zitatu;

อายะฮ์: 31

لَّا ظَلِيلٖ وَلَا يُغۡنِي مِنَ ٱللَّهَبِ

Si igitutu gikingira ubushuhe bw’uwo musi. Ntikizonabuza ko bababurwa n’urubeya rw’umuriro.

อายะฮ์: 32

إِنَّهَا تَرۡمِي بِشَرَرٖ كَٱلۡقَصۡرِ

Mu vy’ukuri uwo muriro wa Jahannamu, ucira amasase angana n’igorofa amahanga.

อายะฮ์: 33

كَأَنَّهُۥ جِمَٰلَتٞ صُفۡرٞ

Isase rimwe riva muri wo, riguruka rimeze nk’ingamiya z’ibara ryirabura rija gusa n’umuhondo.

อายะฮ์: 34

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma umusi w’izuka ry’ibiremwa n’intureka zawo.

อายะฮ์: 35

هَٰذَا يَوۡمُ لَا يَنطِقُونَ

Uwo musi w’izuka, ni umusi abahakanyi batazoronka ico bavuga cobungura.

อายะฮ์: 36

وَلَا يُؤۡذَنُ لَهُمۡ فَيَعۡتَذِرُونَ

Nta n’uburenganzira bazohabwa bwo kuvuga ngo biregure kuko batazoronka ico bireguza.

อายะฮ์: 37

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma ibizoshika ku musi w’umuhero.

อายะฮ์: 38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

Uwo musi, ni umusi wo gutandukanya ukuri n’ikinyoma, Twabakoranije mwebwe abagarariji mu bantu barungikiwe Intumwa Muhamadi (nyakugira amahoro n’impuhwe z’Imana Allah) hamwe n’abagarariji b’aho hambere.

อายะฮ์: 39

فَإِن كَانَ لَكُمۡ كَيۡدٞ فَكِيدُونِ

Nimwaba rero mufise uburyo bwo kwigobotora mu bihano, nimubukoreshe muheze mukire ibihano vy’Imana Allah.

อายะฮ์: 40

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma Imana Allah, Intumwa, Ibitabu vyayo n’umusi w’imperuka.

อายะฮ์: 41

إِنَّ ٱلۡمُتَّقِينَ فِي ظِلَٰلٖ وَعُيُونٖ

Mu vy’ukuri, abagamburukiramana batinya ibihano vy'Imana Allah mu kwubahiriza amabwirizwa yayo bakiri kw’isi, bazoba bari mu gatutu k'ibiti vy'ivyamwa katigera karenga, ahari n’inzuzi zitemba;

อายะฮ์: 42

وَفَوَٰكِهَ مِمَّا يَشۡتَهُونَ

N’ivyamwa bitandukanye mu vyo bipfuza;

อายะฮ์: 43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

Bazobwirwa n'Imana Allah bati: “Nimufungure mwongere munywe n’akayabagu kenshi, ku vyiza mwari mwarakoze kw’isi.

อายะฮ์: 44

إِنَّا كَذَٰلِكَ نَجۡزِي ٱلۡمُحۡسِنِينَ

Mu vy’ukuri Twebwe Allah, ukwo ni ko Duhemba abagwaneza”.

อายะฮ์: 45

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma umusi w’impera n’iharurirwa ry’ibiremwa.

อายะฮ์: 46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

Abahakanyi na bo bazoheza babwirwe bakiri kw’isi bati: “Nimufungure, muryoherwe akanya gato. Mu vy’ukuri, mwebwe muri inkozi z’ikibi”.

อายะฮ์: 47

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma Imana Allah.

อายะฮ์: 48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

Iyo babwiwe bati: “Enda rero nyabuna nimusenge mwunamire Imana Allah, ntibasenga ngo bayunamire”.

อายะฮ์: 49

وَيۡلٞ يَوۡمَئِذٖ لِّلۡمُكَذِّبِينَ

Ibihano nya bihano kuri uwo musi, ni ivy’abahakana bivuye inyuma Qor’ani n’amabwirizwa y’Imana Allah.

อายะฮ์: 50

فَبِأَيِّ حَدِيثِۭ بَعۡدَهُۥ يُؤۡمِنُونَ

Batemeye Qor’ani ntagatifu, ni ikihe gitabu inyuma ya Qor’ani bokwemera!