Salin ng mga Kahulugan Surah Az-Zukhruf - Salin sa Wikang Filipino (Bisaya) ng Sentro ng Rowad sa Pagsasalin - Numero ng Pahina 489 - Ensayklopedia ng Marangal na Qur-an

Az-Zukhruf

Ayah: 1

حمٓ

Ha Meem^[1].

[1]. Ang Qur'an gilangkuban sa mga letra gikan sa Arabikong mga Alpabeto. Ang mga Arabo niadtong panahona sa diha nga ginapakanaog ang Pinadayag dili hitupngan sa ilang Hingpit nga Kahibalo sa Arabikong pinulongan apan sa dihang nga sila gihagit wala gayud sila makahimo sa pagdala ug kapitulo nga susama sa Qur'an. Bisan pa niini nga kamatuoran, si Allāh ang Labing Nahibalo sa dugang kahulogan niining maong mga letra.

Ayah: 2

وَٱلۡكِتَٰبِ ٱلۡمُبِينِ

Ako (Dios) nanumpa pinaagi sa tin-aw nga Libro (ang Qur'an):

Ayah: 3

إِنَّا جَعَلۡنَٰهُ قُرۡءَٰنًا عَرَبِيّٗا لَّعَلَّكُمۡ تَعۡقِلُونَ

Sa pagkatinuod, Kami naghimo niini nga perpekto nga Qur’an sa Arabik (nga pinulongan), aron kamo makasabut.

Ayah: 4

وَإِنَّهُۥ فِيٓ أُمِّ ٱلۡكِتَٰبِ لَدَيۡنَا لَعَلِيٌّ حَكِيمٌ

Ug sa pagkatinuod, kini anaa sa Inahan sa mga Talaan (Al-Lauh Al-Mahfuz- ang Gipreserbar nga Papan) nga anaa Kanamo, Hataas, puno sa Kaalam.

Ayah: 5

أَفَنَضۡرِبُ عَنكُمُ ٱلذِّكۡرَ صَفۡحًا أَن كُنتُمۡ قَوۡمٗا مُّسۡرِفِينَ

Kami ba unya mupahilayo sa Pahinumdom (Qur’an) gikan kaninyo tungod kay kamo manga kataw-hang malinapason?

Ayah: 6

وَكَمۡ أَرۡسَلۡنَا مِن نَّبِيّٖ فِي ٱلۡأَوَّلِينَ

Pila ka mga Propeta ang Among gipadala taliwala kanhing mga katawohan?

Ayah: 7

وَمَا يَأۡتِيهِم مِّن نَّبِيٍّ إِلَّا كَانُواْ بِهِۦ يَسۡتَهۡزِءُونَ

Walay propeta nga miabot kanila, gawas nga sila kaniadto nagbugalbugal kaniya.

Ayah: 8

فَأَهۡلَكۡنَآ أَشَدَّ مِنۡهُم بَطۡشٗا وَمَضَىٰ مَثَلُ ٱلۡأَوَّلِينَ

Unya Among gilaglag sila nga mas kusgan kay kanila sa gahom, ug ang sugi-lanon sa karaang mga tawo naasoy na^[2],

[2]. Ang Qur'ān naghulagway sa pagkaguba sa mga naunang mga katilingban, sama sa `Ād, Thamūd, mga kababayan ni Lot, ug sa mga lumulupyo sa Madyan.

Ayah: 9

وَلَئِن سَأَلۡتَهُم مَّنۡ خَلَقَ ٱلسَّمَٰوَٰتِ وَٱلۡأَرۡضَ لَيَقُولُنَّ خَلَقَهُنَّ ٱلۡعَزِيزُ ٱلۡعَلِيمُ

Kon ikaw maga-pangutana kanila;
"Kinsa'y naglalang sa manga langit ug yuta?" Sila sa pagkatinuod maga-ingon; "Kini gilalang sa 'Allāh' ang Hingpit Gamhanan, ang Hingpit Nasayod."

Ayah: 10

ٱلَّذِي جَعَلَ لَكُمُ ٱلۡأَرۡضَ مَهۡدٗا وَجَعَلَ لَكُمۡ فِيهَا سُبُلٗا لَّعَلَّكُمۡ تَهۡتَدُونَ

Siya nga maoy nag-buklad sa yuta ingon nga inyong pahulayanan, ug naghimo ug mga kadalanan alang kaninyo aron kamo makatultol.