Salin ng mga Kahulugan Surah Āl-‘Imrān - Salin sa Wikang Fulani ng Al-Mukhtasar fī Tafsīr Al-Qur’an Al-Karīm - Numero ng Pahina 66 - Ensayklopedia ng Marangal na Qur-an

Ayah: 122

إِذۡ هَمَّت طَّآئِفَتَانِ مِنكُمۡ أَن تَفۡشَلَا وَٱللَّهُ وَلِيُّهُمَاۗ وَعَلَى ٱللَّهِ فَلۡيَتَوَكَّلِ ٱلۡمُؤۡمِنُونَ

Jaŋtii an Annabiijo, ko heɓunoo feddeeji ɗiɗi jeyaaɗi e gomɗimɓe ɓen; immorde e Banii Salamah e Banii Haaritha, fewndo ɓe lo'unoo, ɓe huli yiltagol ka hare tuma nde naafiqi en ruttinoo. Ko Allah woni Walloowo ɓen ɗon sabu tabitugol ngol e hare nden firta ko ɓe himmirnoo yiltagol. Ko Alla Tan woni gomɗimɓe ɓen haani tuuginorde e fiyakuuji maɓɓe ɗin.

Ayah: 123

وَلَقَدۡ نَصَرَكُمُ ٱللَّهُ بِبَدۡرٖ وَأَنتُمۡ أَذِلَّةٞۖ فَٱتَّقُواْ ٱللَّهَ لَعَلَّكُمۡ تَشۡكُرُونَ

Gomɗii Alla Wallii on e dow sirkooɓe ɓen ka hare Badri, tawi ko on waawaaɓe; sabu famɗugol limoore e joga. Hulee Alla, belajo'o, on yettay Neemaaji Makko ɗin e dow mo'on.

Ayah: 124

إِذۡ تَقُولُ لِلۡمُؤۡمِنِينَ أَلَن يَكۡفِيَكُمۡ أَن يُمِدَّكُمۡ رَبُّكُم بِثَلَٰثَةِ ءَالَٰفٖ مِّنَ ٱلۡمَلَٰٓئِكَةِ مُنزَلِينَ

Jaŋto an Annabiijo, tuma wi'annoɗaa gomɗimɓe ɓen ka hare Badri, hiɗa felliŋtinana ɓe ko ɓe nani e fii ɓeyditireede ko haɓa sirkooɓe ɓen: "Enee, yonaŋtaa on nde Alla Wallirta on Malaa'ikaaɓe guluuje tato jippiŋtiiɓe immorde ka Makko Kaŋko Seniiɗo On, ko wallitoo on e ndee hare?!".

Ayah: 125

بَلَىٰٓۚ إِن تَصۡبِرُواْ وَتَتَّقُواْ وَيَأۡتُوكُم مِّن فَوۡرِهِمۡ هَٰذَا يُمۡدِدۡكُمۡ رَبُّكُم بِخَمۡسَةِ ءَالَٰفٖ مِّنَ ٱلۡمَلَٰٓئِكَةِ مُسَوِّمِينَ

Pellet [ko non woniri], ɗum yonay on. No woodani on wewlere Ballal Alla goo : si on muññike e hare nden, on hulii Alla, on ɓeydiraama woɗɓe goo ardooɓe yaccaare ko wallitoo on e ayɓe ɓen; ɗum fow si waɗii, haray Joomi mon Walliray on guluuje jowi Malaa'ika maandiraaɓe e mun kañum e pucci mun; maandeeji feeñuɗi.

Ayah: 126

وَمَا جَعَلَهُ ٱللَّهُ إِلَّا بُشۡرَىٰ لَكُمۡ وَلِتَطۡمَئِنَّ قُلُوبُكُم بِهِۦۗ وَمَا ٱلنَّصۡرُ إِلَّا مِنۡ عِندِ ٱللَّهِ ٱلۡعَزِيزِ ٱلۡحَكِيمِ

Alla Waɗiraali ngal Ballal e ɓeydireede Malaa'ika si wanaa welo-welo wonannde on, e no ɓerɗe mon ɗeeƴira e ɗum. Si wanaa ɗum, ballal ngal tigiri newortaako ɗin sabuuji feeñuɗi ɗon tun, si ko woni, Ballal ngal tigiri ko ka Alla Iwrata, on Fooluɗo mo fooletaake, Ñeeñuɗo e Kuuɗe mun.

Ayah: 127

لِيَقۡطَعَ طَرَفٗا مِّنَ ٱلَّذِينَ كَفَرُوٓاْ أَوۡ يَكۡبِتَهُمۡ فَيَنقَلِبُواْ خَآئِبِينَ

Ngal Ballal ngal ɓe walliraa ka hare Badri, Alla Faandorike ngal halkugol fedde e ɓen yedduɓe hare nden, O Hoyna fedde goo, O Tikkinira ɓe fooleede nden; ɓe ruttoroo koyeera e jaasera.

Ayah: 128

لَيۡسَ لَكَ مِنَ ٱلۡأَمۡرِ شَيۡءٌ أَوۡ يَتُوبَ عَلَيۡهِمۡ أَوۡ يُعَذِّبَهُمۡ فَإِنَّهُمۡ ظَٰلِمُونَ

Tuma nde Nulaaɗo on huɗirnoo mawbe sirkooɓe ɓen halakuyee ɓaawo fooleede ɓe "Uhud", Alla Daalani mo: "Huunde alanaa ma e fiyaake maɓɓe on, ɗum ko juuɗe Alla woni, muñño haa ñalnde Alla Ñaawata hakkunde mo'on, maa O Hawrinndina ɓe e tuubugol silma, maa ɓe duumoo e keeferaaku O Leptira ɓe ɗum; pellet, kamɓe ko ɓe tooñooɓe hannduɓe e lepte".

Ayah: 129

وَلِلَّهِ مَا فِي ٱلسَّمَٰوَٰتِ وَمَا فِي ٱلۡأَرۡضِۚ يَغۡفِرُ لِمَن يَشَآءُ وَيُعَذِّبُ مَن يَشَآءُۚ وَٱللَّهُ غَفُورٞ رَّحِيمٞ

Ko Alla Woodani Tagugol Toppitoo kala ko woni ka kammuuli e ka leydi. Himo Haforana junuubi on mo O Muuyi e jeyaaɓe Makko ɓen, e yurmeende Makko, O leptira on mo O Muuyi Nunɗal Makko. Alla ko Haforanoowo kala tuubuɗo e jeyaaɓe Makko ɓen, yurmotooɗo ɓe.

Ayah: 130

يَٰٓأَيُّهَا ٱلَّذِينَ ءَامَنُواْ لَا تَأۡكُلُواْ ٱلرِّبَوٰٓاْ أَضۡعَٰفٗا مُّضَٰعَفَةٗۖ وَٱتَّقُواْ ٱللَّهَ لَعَلَّكُمۡ تُفۡلِحُونَ

Ko onon yo gomɗimɓe Alla e Nulaaɗo Makko on, woɗɗitee e ribaa -cowalle sowaaɗi e hoore ko*e jawle mon nyamlirton kunwano majjunooɓe gerdaynoo. Hulee Alla, ɗoftoɗon Yamirooje Makko, woɗɗitoɗon haɗaaɗi Makko; belajo'o, on dañan ko ɗaɓɓoton kon e moƴƴere aduna e laakara.

Ayah: 131

وَٱتَّقُواْ ٱلنَّارَ ٱلَّتِيٓ أُعِدَّتۡ لِلۡكَٰفِرِينَ

Waɗee hakkunde mon e ngen yiite maranaange heeferɓe ɓen, daɗndal. Ɗum non, ko gollugol ko moƴƴi, tertoo ko harmi.

Ayah: 132

وَأَطِيعُواْ ٱللَّهَ وَٱلرَّسُولَ لَعَلَّكُمۡ تُرۡحَمُونَ

Ɗoftoree Alla e Nulaaɗo Makko on e jokkugol Yamiraaɗi ɗin, woɗɗitoo haɗaaɗi ɗin. Beajo'o, on dañan Yumeede aduna e laakara.

Ilan sa mga Pakinabang ng mga Ayah sa Pahinang Ito:

• مشروعية التذكير بالنعم والنقم التي تنزل بالناس حتى يعتبر بها المرء.

Hino sar'inaa siftirgol neemaaji ɗin e lepte ɗen : ko Alla Jippini e yimɓe ɓen, no ɓe teskitora.

• من أعظم أسباب تَنَزُّل نصر الله على عباده ورحمته ولطفه بهم: التزامُ التقوى، والصبر على شدائد القتال.

Hino jeyaa e ko ɓuri mawnude e ko Ballal Alla ngal Jipporta e jeyaaɓe Makko ɓen: jaggitaade e kulol Alla, e jaggitaade muññagol saɗteende hare.

• الأمر كله لله تعالى، فيحكم بما يشاء، ويقضي بما أراد، والمؤمن الحق يُسَلم لله تعالى أمره، وينقاد لحكمه.

Fiyaake on fow e Juuɗe Alla woni: Hino Ñaawira mo ko O Muuyi O Yiɗi. Gomɗinɗo on tigiri, jebilaŋto Alla Toowuɗo On, Yamirooje Makko e Ñaawooje Makko.

• الذنوب - ومنها الربا - من أعظم أسباب خِذلان العبد، ولا سيما في مواطن الشدائد والصعاب.

Junuubi ɗin (wano ribaa), ko jeyaɗo ɗum e ko ɓuri mawnude e ko jaasiŋta jeyaaɗo; teŋtinii si ontigi no e saɗteende.

• مجيء النهي عن الربا بين آيات غزوة أُحد يشعر بشمول الإسلام في شرائعه وترابطها بحيث يشير إلى بعضها في وسط الحديث عن بعض.

Haɗugol ñaamude ribaa ngol jolii ka hakkunde Aayeeje Hare Uhudi, fii hollugol huftadinde Islaamu o e nder sariya e jokkondirde mum, tawde yoga makko no joopoo e yoga, ndeer yeewtere ndeya.