Salin ng mga Kahulugan Surah Al-Falaq - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Al-Falaq

Ilan sa mga Layon ng Surah:

الحث على الاعتصام بالله من الشرور.

Ang paghimok sa pangungunyapit kay Allāh laban sa mga kasamaan.

---

Ayah: 1

قُلۡ أَعُوذُ بِرَبِّ ٱلۡفَلَقِ

Sabihin mo, O Sugo: "Nagpapasanggalang ako sa Panginoon ng madaling-araw at nagpapakalinga ako sa Kanya

Ayah: 2

مِن شَرِّ مَا خَلَقَ

laban sa kasamaan ng nakasasakit kabilang sa mga nilikha.

Ayah: 3

وَمِن شَرِّ غَاسِقٍ إِذَا وَقَبَ

Nagpapasanggalang ako kay Allāh laban sa mga kasamaan na lumilitaw sa gabi gaya ng mga hayop at mga magnanakaw.

Ayah: 4

وَمِن شَرِّ ٱلنَّفَّٰثَٰتِ فِي ٱلۡعُقَدِ

Nagpapasanggalang ako sa Kanya laban sa kasamaan ng mga babaing manggagaway na umiihip sa mga buhol.

Ayah: 5

وَمِن شَرِّ حَاسِدٍ إِذَا حَسَدَ

Nagpapasanggalang ako sa Kanya laban sa kasamaan ng isang naiinggit kapag gumawa ito ng itinutulak sa kanya ng inggit."

Ilan sa mga Pakinabang ng mga Ayah sa Pahinang Ito:

• إثبات صفات الكمال لله، ونفي صفات النقص عنه.

Ang pagpapatibay sa mga katangian ng kalubusan para kay Allāh at ang pagkakaila ng mga katangian ng kakulangan palayo sa Kanya.

• ثبوت السحر، ووسيلة العلاج منه.

Ang katibayan ng panggagaway at ang kaparaanan ng paglulunas mula rito.

• علاج الوسوسة يكون بذكر الله والتعوذ من الشيطان.

Ang paglulunas sa pasaring ng demonyo ay sa pamamagitan ng pag-alaala at pagbanggit kay Allāh at pagpapakupkop [sa Kanya] laban sa demonyo.