Salin ng mga Kahulugan Ayah 15 Surah Tā-ha - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 15

إِنَّ ٱلسَّاعَةَ ءَاتِيَةٌ أَكَادُ أُخۡفِيهَا لِتُجۡزَىٰ كُلُّ نَفۡسِۭ بِمَا تَسۡعَىٰ

Tunay na ang Huling Sandali ay darating nang walang pasubali at magaganap. Halos ako ay magkubli nito para hindi malaman ang oras nito ng isang nilikha, subalit makakikilala sila sa mga palatandaan nito sa pamamagitan ng pagpapabatid ng Propeta sa kanila, upang gantihan ang bawat kaluluwa sa anumang ginawa nito na kabutihan man o kasamaan.

Ilan sa mga Pakinabang ng mga Ayah sa Pahinang Ito:

• وجوب حسن الاستماع في الأمور المهمة، وأهمها الوحي المنزل من عند الله.

Ang pagkatungkulin ng kagandahan ng pakikinig sa mga bagay na mahalaga. Ang pinakamahalaga sa mga ito ay ang kasi na ibinaba mula sa ganang kay Allāh.

• اشتمل أول الوحي إلى موسى على أصلين في العقيدة وهما: الإقرار بتوحيد الله، والإيمان بالساعة (القيامة)، وعلى أهم فريضة بعد الإيمان وهي الصلاة.

Nakasaklaw ang kauna-unahan sa kasi kay Moises sa dalawang batayan sa paniniwala: ang pagkilala sa paniniwala sa kaisahan ni Allāh at ang pananampalataya sa Huling Sandali (Araw ng Pagbangon), at sa pinakamahalagang tungkulin matapos ng pananampalataya: ang pagdarasal.

• التعاون بين الدعاة ضروري لإنجاح المقصود؛ فقد جعل الله لموسى أخاه هارون نبيَّا ليعاونه في أداء الرسالة.

Ang pagtutulungan sa pagitan ng mga tagapag-anyaya sa Islām ay kinakailangan para sa pagpapatagumpay sa nilalayon sapagkat nagtalaga nga si Allāh para kay Moises ng kapatid nitong si Aaron bilang propeta upang makipagtulungan ito sa kanya sa pagtupad sa pasugo.

• أهمية امتلاك الداعية لمهارة الإفهام للمدعوِّين.

Ang kahalagahan ng pagtataglay ng tagapag-anyaya sa Islām ng kasanayan sa pagpapaintindi sa mga inaanyayahan sa Islām.