Salin ng mga Kahulugan Ayah 64 Surah An-Naml - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 64

أَمَّن يَبۡدَؤُاْ ٱلۡخَلۡقَ ثُمَّ يُعِيدُهُۥ وَمَن يَرۡزُقُكُم مِّنَ ٱلسَّمَآءِ وَٱلۡأَرۡضِۗ أَءِلَٰهٞ مَّعَ ٱللَّهِۚ قُلۡ هَاتُواْ بُرۡهَٰنَكُمۡ إِن كُنتُمۡ صَٰدِقِينَ

O ang nagsisimula ng paglikha sa mga sinapupunan sa isang baitang matapos ng isang baitang, pagkatapos nagbibigay-buhay rito matapos ng pagbibigay-kamatayan dito, at ang nagtutustos sa inyo mula sa langit sa pamamagitan ng ulang pinabababa mula sa dako niyon at nagtutustos sa inyo mula sa lupa sa pamamagitan ng mga halamang pinatutubo rito ay isang sinasamba bang gumagawa niyon kasama kay Allāh?" Sabihin mo, O Sugo, sa mga tagapagtambal na ito: "Magbigay kayo ng mga patunay ninyo sa taglay ninyo na shirk kung kayo ay mga tapat sa anumang pinagsasabi ninyo na kayo ay nasa katotohanan."

Ilan sa mga Pakinabang ng mga Ayah sa Pahinang Ito:

• علم الغيب مما اختص به الله، فادعاؤه كفر.

Ang kaalaman sa Lingid ay kabilang sa natatangi kay Allāh kaya ang pag-aangkin nito ay kawalang-pananampalataya.

• الاعتبار بالأمم السابقة من حيث مصيرها وأحوالها طريق النجاة.

Ang pagsasaalang-alang sa mga kalipunang nauna kaugnay sa kinahantungan ng mga ito at mga kalagayan ng mga ito ay daan ng kaligtasan.

• إحاطة علم الله بأعمال عباده.

Ang pagkasaklaw ng kaalaman ni Allāh sa mga gawain ng mga lingkod Niya.

• تصحيح القرآن لانحرافات بني إسرائيل وتحريفهم لكتبهم.

Ang pagtutumpak ng Qur'ān sa mga pagkakalihis ng mga anak ni Israel at ang paglilihis nila sa mga kasulatan nila.