Salin ng mga Kahulugan Ayah 84 Surah Al-Qasas - Salin sa Wikang Filipino (Tagalog) ng Al-Mukhtasar fī Tafsīr Al-Qur’an Al-Karīm - Ensayklopedia ng Marangal na Qur-an

Ayah: 84

مَن جَآءَ بِٱلۡحَسَنَةِ فَلَهُۥ خَيۡرٞ مِّنۡهَاۖ وَمَن جَآءَ بِٱلسَّيِّئَةِ فَلَا يُجۡزَى ٱلَّذِينَ عَمِلُواْ ٱلسَّيِّـَٔاتِ إِلَّا مَا كَانُواْ يَعۡمَلُونَ

Ang sinumang naghatid ng magandang gawa sa Araw ng Pagbangon gaya ng pagdarasal, zakāh, pag-aayuno, at iba pa, ukol sa kanya ay ganting higit na mabuti kaysa magandang gawang iyon yayamang pag-iibayuhin para sa kanya ang magandang gawa ng sampung tulad nito. Ang sinumang naghatid ng masagwang gawa sa Araw ng Pagbangon gaya ng kawalang-pananampalataya, pakikinabang sa patubo, pangangalunya, at iba pa roon, walang igaganti sa mga gumawa ng mga masagwang gawa kundi ang tulad sa ginawa nila, nang walang karagdagan.

Ilan sa mga Pakinabang ng mga Ayah sa Pahinang Ito:

• كل ما في الإنسان من خير ونِعَم، فهو من الله خلقًا وتقديرًا.

Lahat ng nasa tao na kabutihan at mga biyaya ay mula kay Allāh ayon sa pagkakalikha at pagkakatakda.

• أهل العلم هم أهل الحكمة والنجاة من الفتن؛ لأن العلم يوجه صاحبه إلى الصواب.

Ang mga may kaalaman ay ang mga may karunungan at kaligtasan sa mga sigalot dahil ang kaalaman ay nagtutuon sa tagapagtaglay nito tungo sa tama.

• العلو والكبر في الأرض ونشر الفساد عاقبته الهلاك والخسران.

Ang pagmamataas at ang pagmamalaki sa lupa at ang pagpapalaganap ng kaguluhan, ang kahihinatnan nito ay ang kapahamakan at ang pagkalugi.

• سعة رحمة الله وعدله بمضاعفة الحسنات للمؤمن وعدم مضاعفة السيئات للكافر.

Ang lawak ng awa ni Allāh at ang katarungan Niya ay dahil sa pagpapaibayo sa mga magandang gawa para sa mananampalataya at kawalan ng pagpapaibayo sa mga masagwang gawa para sa mga tagatangging sumampalataya.