Salin ng mga Kahulugan Surah Al-Fātihah - Salin sa Wikang Filipino (Tagalog) - Ensayklopedia ng Marangal na Qur-an

Al-Fātihah

Ayah: 1

بِسۡمِ ٱللَّهِ ٱلرَّحۡمَٰنِ ٱلرَّحِيمِ

Sa ngalan ni Allāh,^[1] ang Napakamaawain, ang Maawain.

[1] Ang pangalang Allāh ay pangngalang pantanging ukol lamang sa tunay na Diyos.

Ayah: 2

ٱلۡحَمۡدُ لِلَّهِ رَبِّ ٱلۡعَٰلَمِينَ

Ang papuri ay ukol kay Allāh, ang Panginoon^[2] ng mga nilalang,^[3]

[2] Ang Panginoon (Rabb sa wikang Arabe) ay ang Tagapag-alaga, ang Tagalikha, ang Tagapagtustos, at ang Tagapangsiwa.
[3] Ang nilalang (`ālam sa wikang Arabe) ay ang bawat anumang iba pa kay Allāh, gaya ng tao, jinn, anghel, at iba pa.

Ayah: 3

ٱلرَّحۡمَٰنِ ٱلرَّحِيمِ

ang Napakamaawain, ang Maawain,

Ayah: 4

مَٰلِكِ يَوۡمِ ٱلدِّينِ

ang Tagapagmay-ari ng Araw ng Pagtutumbas.

Ayah: 5

إِيَّاكَ نَعۡبُدُ وَإِيَّاكَ نَسۡتَعِينُ

Sa Iyo [lamang] kami sumasamba at sa Iyo [lamang] kami nagpapatulong.

Ayah: 6

ٱهۡدِنَا ٱلصِّرَٰطَ ٱلۡمُسۡتَقِيمَ

Magpatnubay Ka sa amin sa landasing tuwid:

Ayah: 7

صِرَٰطَ ٱلَّذِينَ أَنۡعَمۡتَ عَلَيۡهِمۡ غَيۡرِ ٱلۡمَغۡضُوبِ عَلَيۡهِمۡ وَلَا ٱلضَّآلِّينَ

ang landasin ng mga biniyayaan^[4] Mo,^[5] hindi ng mga kinagalitan,^[6] at hindi ng mga naliligaw.^[7]

[4] Ang mga biniyayaan dito ay ang mga propeta, ang mga nagpapakatotoo, mga martir, at mga maayos.
[5] Sa istilo ng pagsasalin dito, ang mga panghalip na nagsisimula sa malaking titik gaya ng Ako, Ko, Akin, Ikaw, Mo, Iyo ay tumutukoy kay Allāh.
[6] Sila ay ang mga nakakilala sa katotohanan at hindi sumunod dito.
[7] Sila ay ang mga naligaw sa katotohan, na hindi napatnubayan.