Salin ng mga Kahulugan Surah Az-Zalzalah - Salin sa Wikang Telugu ni Abdur Rahim bin Muhammad - Ensayklopedia ng Marangal na Qur-an

సూరహ్ అజ్-జల్'జలహ్

Ayah: 1

اِذَا زُلْزِلَتِ الْاَرْضُ زِلْزَالَهَا ۟ۙ

భూమి తన అతి తీవ్రమైన (అంతిమ) భూకంపంతో కంపింపజేయబడినప్పుడు!^[1]

[1] ఇది మొదటి సారి బాకా ఊదబడినప్పుడు సంభవిస్తుంది.

Ayah: 2

وَاَخْرَجَتِ الْاَرْضُ اَثْقَالَهَا ۟ۙ

మరియు భూమి తన భారాన్నంతా తీసి బయట పడ వేసినప్పుడు!^[1]

[1] ఇది రెండవసారి బాకా ఊదబడినప్పుడు జరుగుతుంది. ఆ రోజు భూమి తనలో పాతబడిన వారినంతా బయట వేస్తుంది. వారంతా సజీవులై లేచి బయటికి వస్తారు.

Ayah: 3

وَقَالَ الْاِنْسَانُ مَا لَهَا ۟ۚ

మరియు మానవుడు: "దీనికి ఏమయింది?" అని అన్నప్పుడు.

Ayah: 4

یَوْمَىِٕذٍ تُحَدِّثُ اَخْبَارَهَا ۟ؕ

ఆ రోజు అది తన సమాచారాలను వివరిస్తుంది.^[1]

[1] దాని సమాచారాలు ఇలా ఉంటాయి, దైవప్రవక్త ('స'అస) అన్నారు: "ప్రతివ్యక్తి భూమిపై చేసిన కర్మలన్నింటికీ, అది సాక్ష్యమిస్తుంది: 'ఈ ఈ వ్యక్తి ఈ ఈ కర్మలు, ఈ ఈ రోజులలో చేసాడని, తెలుపుతుంది.' " (తిర్మి'జీ, ముస్నద్ అ'హ్మద్-2/374).

Ayah: 5

بِاَنَّ رَبَّكَ اَوْحٰی لَهَا ۟ؕ

ఎందుకంటే, నీ ప్రభువు దానిని ఆదేశించి ఉంటాడు.

Ayah: 6

یَوْمَىِٕذٍ یَّصْدُرُ النَّاسُ اَشْتَاتًا ۙ۬— لِّیُرَوْا اَعْمَالَهُمْ ۟ؕ

ఆ రోజు ప్రజలు తమ తమ కర్మలు చూపించబడటానికి వేర్వేరు గుంపులలో వెళ్తారు.

Ayah: 7

فَمَنْ یَّعْمَلْ مِثْقَالَ ذَرَّةٍ خَیْرًا یَّرَهٗ ۟ؕ

అప్పుడు, ప్రతివాడు తాను, రవ్వంత (పరమాణువంత) మంచిని చేసి ఉన్నా, దానిని చూసుకుంటాడు.^[1]

[1] జ'ర్రతున్: దీనికి వేర్వేరు వ్యాఖ్యానాలు ఇవ్వబడ్డాయి. 1) చీమకంటే చిన్న వస్తువు - షౌకానీ. 2) మానవుడు భూమిపై చెయ్యికొట్టి పైకిలేపిన తరువాత దానికి అంటుకునే దుమ్ము. 3) ఒక రంధ్రం నుండి వచ్చే సూర్యకిరణాలలో తేలియాడుతూ కనిపించే ధూళి. 4) పరమాణువు.

Ayah: 8

وَمَنْ یَّعْمَلْ مِثْقَالَ ذَرَّةٍ شَرًّا یَّرَهٗ ۟۠

మరియు అలాగే, ప్రతివాడు తాను రవ్వంత (పరమాణువంత) చెడును చేసి ఉన్నా, దానిని చూసుకుంటాడు.