Anlam tercümesi Sure Sûretu'l-Ğâşiye - الترجمة الفلبينية (تجالوج) - Kur'an-ı Kerim Ansiklopedisi

Al-Ghāshiyah

Ayet: 1

هَلۡ أَتَىٰكَ حَدِيثُ ٱلۡغَٰشِيَةِ

Nakarating ba sa iyo [O Sugo] ang sanaysay ng Tagalukob^[731]?

[731] na Araw ng Pagbangon, na babalot sa mga tao ng mga hilakbot

Ayet: 2

وُجُوهٞ يَوۡمَئِذٍ خَٰشِعَةٌ

May mga mukha sa Araw na iyon na nagtataimtim,

Ayet: 3

عَامِلَةٞ نَّاصِبَةٞ

na gumagawa [sa Mundo], na magpapakapagal [sa Kabilang-buhay],

Ayet: 4

تَصۡلَىٰ نَارًا حَامِيَةٗ

na masusunog sa isang apoy na napakainit,

Ayet: 5

تُسۡقَىٰ مِنۡ عَيۡنٍ ءَانِيَةٖ

na paiinumin mula sa isang bukal na pagkainit-init.

Ayet: 6

لَّيۡسَ لَهُمۡ طَعَامٌ إِلَّا مِن ضَرِيعٖ

Wala silang pagkain maliban sa mula sa isang matinik na halaman,

Ayet: 7

لَّا يُسۡمِنُ وَلَا يُغۡنِي مِن جُوعٖ

na hindi nagpapataba at hindi nakatutugon sa gutom.

Ayet: 8

وُجُوهٞ يَوۡمَئِذٖ نَّاعِمَةٞ

May mga mukha sa Araw na iyon na nagiginhawahan,

Ayet: 9

لِّسَعۡيِهَا رَاضِيَةٞ

na dahil sa pinagpunyagian ng mga ito ay nalulugod,

Ayet: 10

فِي جَنَّةٍ عَالِيَةٖ

sa isang harding mataas,

Ayet: 11

لَّا تَسۡمَعُ فِيهَا لَٰغِيَةٗ

na hindi sila makaririnig doon ng isang satsat.

Ayet: 12

فِيهَا عَيۡنٞ جَارِيَةٞ

Doon ay may bukal na dumadaloy.

Ayet: 13

فِيهَا سُرُرٞ مَّرۡفُوعَةٞ

Doon ay may mga kamang nakaangat,

Ayet: 14

وَأَكۡوَابٞ مَّوۡضُوعَةٞ

may mga kopang nakalagay,

Ayet: 15

وَنَمَارِقُ مَصۡفُوفَةٞ

may mga almohadon na nakahanay,

Ayet: 16

وَزَرَابِيُّ مَبۡثُوثَةٌ

at mga alpombrang ikinalat.

Ayet: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Kaya hindi ba sila tumitingin sa mga kamelyo kung papaanong nilikha ang mga ito,

Ayet: 18

وَإِلَى ٱلسَّمَآءِ كَيۡفَ رُفِعَتۡ

at sa langit kung papaanong inangat ito,

Ayet: 19

وَإِلَى ٱلۡجِبَالِ كَيۡفَ نُصِبَتۡ

at sa mga bundok kung papaanong itinirik ang mga ito,

Ayet: 20

وَإِلَى ٱلۡأَرۡضِ كَيۡفَ سُطِحَتۡ

at sa lupa kung papaanong inilatag ito?

Ayet: 21

فَذَكِّرۡ إِنَّمَآ أَنتَ مُذَكِّرٞ

Kaya magpaalaala ka [sa kanila, O Propeta Muḥammad]; ikaw ay isang tagapagpaalaala lamang.

Ayet: 22

لَّسۡتَ عَلَيۡهِم بِمُصَيۡطِرٍ

Hindi ka sa kanila isang tagapanaig [sa pagsampalataya].

Ayet: 23

إِلَّا مَن تَوَلَّىٰ وَكَفَرَ

Ngunit ang sinumang tumalikod at tumangging sumampalataya

Ayet: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

ay pagdurusahin siya ni Allāh ng pagdurusang pinakamalaki.

Ayet: 25

إِنَّ إِلَيۡنَآ إِيَابَهُمۡ

Tunay na tungo sa Amin ang pag-uwi nila.

Ayet: 26

ثُمَّ إِنَّ عَلَيۡنَا حِسَابَهُم

Pagkatapos tunay na sa Amin ang pagtutuos sa kanila.