Anlam tercümesi Sure Sûretu'l-Kıyâmeh - الترجمة الأوزبكية - مركز رواد الترجمة - Kur'an-ı Kerim Ansiklopedisi

Қиёмат сураси

Ayet: 1

لَآ أُقۡسِمُ بِيَوۡمِ ٱلۡقِيَٰمَةِ

Қиёмат кунига қасам ичаман.

Ayet: 2

وَلَآ أُقۡسِمُ بِٱلنَّفۡسِ ٱللَّوَّامَةِ

Маломатгўй нафсга қасам ичаман.

Ayet: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Инсон Бизни унинг суякларини ҳеч қачон тўплаёлмас, деб ўйлайдими?

Ayet: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Йўқ! Биз унинг бармоқ учларини ҳам асл ҳолига келтиришга Қодирмиз.

Ayet: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Балки, инсон олдинда фисқу фужур қилишни хоҳлар.

Ayet: 6

يَسۡـَٔلُ أَيَّانَ يَوۡمُ ٱلۡقِيَٰمَةِ

«Қиёмат куни қачон ўзи?» деб сўрар.

Ayet: 7

فَإِذَا بَرِقَ ٱلۡبَصَرُ

Кўз қамашганда.

Ayet: 8

وَخَسَفَ ٱلۡقَمَرُ

Ой тутилганда.

Ayet: 9

وَجُمِعَ ٱلشَّمۡسُ وَٱلۡقَمَرُ

Қуёш билан ой бирлаштирилганда.

Ayet: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Ўшал кунда инсон: «Қочар жой қаерда?» деб қолади.

Ayet: 11

كَلَّا لَا وَزَرَ

Йўқ! Паноҳ йўқдир!

Ayet: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

У кунда қарор топиш ёлғиз Парвардигорингизгадир.

Ayet: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

У кунда инсонга қилиб ўтган ишлари ҳақида ҳам, қолдириб кетган ишлари ҳақида ҳам хабар берилади.

Ayet: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Балки инсон ўзига қарши ўзи гувоҳдир.

Ayet: 15

وَلَوۡ أَلۡقَىٰ مَعَاذِيرَهُۥ

Гарчи узрларини тўкиб солса ҳам.

Ayet: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

Уни шошилтириб, тилингизни у билан қимирлатманг.

Ayet: 17

إِنَّ عَلَيۡنَا جَمۡعَهُۥ وَقُرۡءَانَهُۥ

Дарҳақиқат, уни жамлаб бериш ҳам, ўқитиб қўйиш ҳам Бизнинг зиммамизда.

Ayet: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Уни ўқиб берган пайтимизда ўқилишига қулоқ солиб туринг.

Ayet: 19

ثُمَّ إِنَّ عَلَيۡنَا بَيَانَهُۥ

Кейин уни баён қилиб бериш ҳам Бизнинг зиммамизда.

Ayet: 20

كَلَّا بَلۡ تُحِبُّونَ ٱلۡعَاجِلَةَ

Йўқ! Балки сизлар нақдни яхши кўрасизлар.

Ayet: 21

وَتَذَرُونَ ٱلۡأٓخِرَةَ

Охиратни эса тарк этасизлар.

Ayet: 22

وُجُوهٞ يَوۡمَئِذٖ نَّاضِرَةٌ

У кунда яшнаб турадиган юзлар бор.

Ayet: 23

إِلَىٰ رَبِّهَا نَاظِرَةٞ

(Улар) Парвардигорларига боқиб тургувчидир!

Ayet: 24

وَوُجُوهٞ يَوۡمَئِذِۭ بَاسِرَةٞ

У кунда тиришиб-буришган юзлар ҳам бор.

Ayet: 25

تَظُنُّ أَن يُفۡعَلَ بِهَا فَاقِرَةٞ

Ўзларига умуртқасини синдирадиган бир иш бўлишига ишониб турадилар.

Ayet: 26

كَلَّآ إِذَا بَلَغَتِ ٱلتَّرَاقِيَ

Йўқ! Жон ҳалқумга келган пайтда.

Ayet: 27

وَقِيلَ مَنۡۜ رَاقٖ

«Дам солиб қўядиган бирон кимса борми?» - деб қолинганда.

Ayet: 28

وَظَنَّ أَنَّهُ ٱلۡفِرَاقُ

Бунинг ажралиш эканини англаганида.

Ayet: 29

وَٱلۡتَفَّتِ ٱلسَّاقُ بِٱلسَّاقِ

Оёқ оёққа чалмашиб қолганда.

Ayet: 30

إِلَىٰ رَبِّكَ يَوۡمَئِذٍ ٱلۡمَسَاقُ

Ана ўша кунда ҳайдалиш ёлғиз Парвардигорингиз саридир.

Ayet: 31

فَلَا صَدَّقَ وَلَا صَلَّىٰ

Бас, у на тасдиқ этди ва на намоз ўқиди!

Ayet: 32

وَلَٰكِن كَذَّبَ وَتَوَلَّىٰ

Аксинча, ёлғонга чиқарди ва юз ўгирди.

Ayet: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Кейин гердайганича ўз аҳли сари кетди.

Ayet: 34

أَوۡلَىٰ لَكَ فَأَوۡلَىٰ

Ўлим бўлсин сенга, ўлим!

Ayet: 35

ثُمَّ أَوۡلَىٰ لَكَ فَأَوۡلَىٰٓ

Кейин яна ўлим бўлсин сенга, ўлим!

Ayet: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Инсон, бекор ташлаб қўйиламан, деб ўйлайдими?

Ayet: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

У тўкиладиган манийдан бир нутфа эмасмиди?

Ayet: 38

ثُمَّ كَانَ عَلَقَةٗ فَخَلَقَ فَسَوَّىٰ

Сўнгра лахта қон бўлди. Кейин (Аллоҳ уни) яратди ва расо қилди.

Ayet: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Кейин ундан эркак ва аёл жуфтларни қилди.

Ayet: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Шундай Зот ўликларни тирилтиришга Қодир эмасми?!