Anlam tercümesi Sure Sûretu'l-Âdiyât - الترجمة الياؤو - Kur'an-ı Kerim Ansiklopedisi

Al-‘Ȃdiyât

Ayet: 1

وَٱلۡعَٰدِيَٰتِ ضَبۡحٗا

Ngusilumbila hachi syasikuwutuka sili nkupumasika.

Ayet: 2

فَٱلۡمُورِيَٰتِ قَدۡحٗا

Ni syasikoposya moto mu ikotwa mwakwe (pakuwutuka m’maganga).

Ayet: 3

فَٱلۡمُغِيرَٰتِ صُبۡحٗا

Ni syasikwagungumuchila amagongo kumasikusiku.

Ayet: 4

فَأَثَرۡنَ بِهِۦ نَقۡعٗا

Nikututumya palakwepo luwundu lwejinji.

Ayet: 5

فَوَسَطۡنَ بِهِۦ جَمۡعًا

Nikulijinjilila palakwepo likuga (lya amagongo).

Ayet: 6

إِنَّ ٱلۡإِنسَٰنَ لِرَبِّهِۦ لَكَنُودٞ

Chisimu mundu kwa Ambujegwe (Allah) juŵele jwakanila (ukoto waakumpa).

Ayet: 7

وَإِنَّهُۥ عَلَىٰ ذَٰلِكَ لَشَهِيدٞ

Soni chisimu jwalakwe jukuŵichila umboni pa yalakweyo (kupitila mu itendo yakwe).

Ayet: 8

وَإِنَّهُۥ لِحُبِّ ٱلۡخَيۡرِ لَشَدِيدٌ

Soni chisimu jwalakwe pakuchinonyela chipanje juŵele jwakupelenganya nnope.

Ayet: 9

۞ أَفَلَا يَعۡلَمُ إِذَا بُعۡثِرَ مَا فِي ٱلۡقُبُورِ

Ana ngajukumanyilila pandema jaichikoposyedwa yaili m’malembe?

Ayet: 10

وَحُصِّلَ مَا فِي ٱلصُّدُورِ

Nikwisa kwilochesya papaswela yaili m’mitima?

Ayet: 11

إِنَّ رَبَّهُم بِهِمۡ يَوۡمَئِذٖ لَّخَبِيرُۢ

Chisimu lyele lisikulyo M’mbuje gwao (Allah) tachamanya abali syosope (syakwamba yaŵapanganyaga ŵanganyao).