مەنالار تەرجىمىسى سۈرە ئەئلا - ئۆزبەكچە تەرجىمىسى - ئالائۇددىن مەنسۇر - قۇرئان كەرىم ئىنىسكىلوپىدىيىسى

Аъло

ئايەت: 1

سَبِّحِ ٱسۡمَ رَبِّكَ ٱلۡأَعۡلَى

(Эй Муҳаммад алайҳис-салоту вас-салом), энг олий зот бўлмиш Парвардигорингизнинг номини (ҳар қандай айб-нуқсондан) покланг!

ئايەت: 2

ٱلَّذِي خَلَقَ فَسَوَّىٰ

У (барча нарсани) яратиб, расо қилиб қўйган Зотдир.

ئايەت: 3

وَٱلَّذِي قَدَّرَ فَهَدَىٰ

У (ҳар бир нарса учун муносиб йўлни) белгилаб, (у нарсани ўша йўлга) ҳидоят қилиб қўйган Зотдир.

ئايەت: 4

وَٱلَّذِيٓ أَخۡرَجَ ٱلۡمَرۡعَىٰ

У ўт-ўланни ундириб чиқариб,

ئايەت: 5

فَجَعَلَهُۥ غُثَآءً أَحۡوَىٰ

сўнг уни қорамтир хас-хашак қилиб қўйган Зотдир.

ئايەت: 6

سَنُقۡرِئُكَ فَلَا تَنسَىٰٓ

(Эй Муҳаммад алайҳис-салоту вас-салом), Биз сизни (Жаброил фаришта воситасида Қуръон) қироат қилдирурмиз. Бас, сиз (бирон оят)ни унутмассиз.

ئايەت: 7

إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ

Аллоҳнинг Ўзи (унутишингизни) хоҳлаган оятлардан бошқа (бирон оятни унутмассиз). Албатта У зот ошкора (сўз ва ишлар)ни ҳам, яширин нарсаларни ҳам билиб турур.

ئايەت: 8

وَنُيَسِّرُكَ لِلۡيُسۡرَىٰ

Биз сизни осон (Динга) муваффақ қилурмиз.^[1]

[1]Дарҳақиқат, Шариати Исломийя динларнинг ичида энг осон ва енгилидир. У буюрган барча аҳкомларни ҳар бир ақли расо киши ҳеч қийналмасдан адо этиши мумкин. Фақат ёлғиз Аллоҳга ва У зот юборган Қуръонга сидқидилдан иймон келтирган бўлса, бас.

ئايەت: 9

فَذَكِّرۡ إِن نَّفَعَتِ ٱلذِّكۡرَىٰ

Бас, агар панд-насиҳат фойда берса (кишиларга) панд-насиҳат қилинг! (Яъни, насиҳат кор қилмайдиган кимсаларга сўзингизни исроф қилманг!

ئايەت: 10

سَيَذَّكَّرُ مَن يَخۡشَىٰ

(Аллоҳдан) қўрқадиган киши панд-насиҳат олажак.

ئايەت: 11

وَيَتَجَنَّبُهَا ٱلۡأَشۡقَى

Бадбахт кимса эса ўзини у (насиҳат)дан четга олур.

ئايەت: 12

ٱلَّذِي يَصۡلَى ٱلنَّارَ ٱلۡكُبۡرَىٰ

Катта ўтга (дўзахга) кирадиган (бадбахт кимса ўзини насиҳатдан четга олур).

ئايەت: 13

ثُمَّ لَا يَمُوتُ فِيهَا وَلَا يَحۡيَىٰ

Сўнгра у жойда на ўла олур ва на яшай олур!

ئايەت: 14

قَدۡ أَفۡلَحَ مَن تَزَكَّىٰ

Дарҳақиқат, (куфру исёндан) пок бўлган киши нажот топгандир.

ئايەت: 15

وَذَكَرَ ٱسۡمَ رَبِّهِۦ فَصَلَّىٰ

Ва Парвардигорининг номини ёд этиб намоз ўқиган (ҳар бир киши нажот топгандир).

ئايەت: 16

بَلۡ تُؤۡثِرُونَ ٱلۡحَيَوٰةَ ٱلدُّنۡيَا

Йўқ, сизлар (эй кофирлар), ҳаёти дунёни устун қўюрсизлар!

ئايەت: 17

وَٱلۡأٓخِرَةُ خَيۡرٞ وَأَبۡقَىٰٓ

Ҳолбуки, Охират яхшироқ ва боқийроқдир.

ئايەت: 18

إِنَّ هَٰذَا لَفِي ٱلصُّحُفِ ٱلۡأُولَىٰ

Дарвоқеъ, бу (сурада мазкур бўлган панд-насиҳатлар) аввалги (пайғамбарларга нозил бўлган) саҳифаларда

ئايەت: 19

صُحُفِ إِبۡرَٰهِيمَ وَمُوسَىٰ

— Иброҳим ва Мусо саҳифаларида ҳам бордир.