مەنالار تەرجىمىسى سۈرە سۈرە تەكۋىر - الترجمة الياؤو - قۇرئان كەرىم ئىنىسكىلوپىدىيىسى

At-Takwîr

ئايەت: 1

إِذَا ٱلشَّمۡسُ كُوِّرَتۡ

Pandema jalichikulunjidwa lyuŵa (nikutyoka lilanguka lyakwe).

ئايەت: 2

وَإِذَا ٱلنُّجُومُ ٱنكَدَرَتۡ

Ni ndema jasichipatuka ndondwa.

ئايەت: 3

وَإِذَا ٱلۡجِبَالُ سُيِّرَتۡ

Ni ndema jagachijendesyedwa matumbi (paagachuŵa m’mangwakwe).

ئايەت: 4

وَإِذَا ٱلۡعِشَارُ عُطِّلَتۡ

Ni ndema jasichilechedwa ngamiya syana maŵele gepele.

ئايەت: 5

وَإِذَا ٱلۡوُحُوشُ حُشِرَتۡ

Ni ndema jaichisonganganyisyidwa inyama yamwitinji.

ئايەت: 6

وَإِذَا ٱلۡبِحَارُ سُجِّرَتۡ

Ni ndema jasichikolesyedwa mbwani moto.

ئايەت: 7

وَإِذَا ٱلنُّفُوسُ زُوِّجَتۡ

Ni ndema jajichilumbikanyisyidwa mitima (ku ilu yakwe).

ئايەت: 8

وَإِذَا ٱلۡمَوۡءُۥدَةُ سُئِلَتۡ

Ni ndema jachachiwusyidwa mwanache jwankwongwe jwaŵasichidwe ali jwaumi.

ئايەت: 9

بِأَيِّ ذَنۢبٖ قُتِلَتۡ

Kuti ŵawulajidwe ni ulemwachi?

ئايەت: 10

وَإِذَا ٱلصُّحُفُ نُشِرَتۡ

Ni ndema jaichipindikulidwa ikalakala (mugalembedwe masengo gamundu).

ئايەت: 11

وَإِذَا ٱلسَّمَآءُ كُشِطَتۡ

Ni ndema jalichitandukulidwa liwunde.

ئايەت: 12

وَإِذَا ٱلۡجَحِيمُ سُعِّرَتۡ

Ni ndema jauchikwisilidwa Moto Waukali.

ئايەت: 13

وَإِذَا ٱلۡجَنَّةُ أُزۡلِفَتۡ

Ni ndema jajichiŵandichisyidwa Mbepo.

ئايەت: 14

عَلِمَتۡ نَفۡسٞ مَّآ أَحۡضَرَتۡ

Mundu jwalijose tachimanyilila yayiche nayo.

ئايەت: 15

فَلَآ أُقۡسِمُ بِٱلۡخُنَّسِ

Basi ngusilumbila ndondwa syasikusisika muusi.

ئايەت: 16

ٱلۡجَوَارِ ٱلۡكُنَّسِ

(Ni) syasikwendaga (chilo kaneka) ni kusisika pakutiŵila.

ئايەت: 17

وَٱلَّيۡلِ إِذَا عَسۡعَسَ

Ni nguchilumbila soni chilo ndema jachikwika ni kutyoka.

ئايەت: 18

وَٱلصُّبۡحِ إِذَا تَنَفَّسَ

Ni ngukulumbila soni kumasikusiku ndema jakukulanguka.

ئايەت: 19

إِنَّهُۥ لَقَوۡلُ رَسُولٖ كَرِيمٖ

Chisimu aji (Qur’aniji) gaŵele maloŵe ga (kulungusyidwa ni) Ntenga Jwakuchimbichika (Jibulilu).

ئايەت: 20

ذِي قُوَّةٍ عِندَ ذِي ٱلۡعَرۡشِ مَكِينٖ

Nsyene machili, soni jwana uchimbichimbi wapenani kwa (Allah) Nsyene Arishi (Chindanda Chaulungu).

ئايەت: 21

مُّطَاعٖ ثَمَّ أَمِينٖ

Jwakundidwa malamusi kwinaniko (ni Achimalaika) soni jwakulupichika.

ئايەت: 22

وَمَا صَاحِبُكُم بِمَجۡنُونٖ

Soni Nnongo n'jenuju (Muhammadi ﷺ) nganaŵa jwamasoka.

ئايەت: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Soni chisimu chene (Muhammadi ﷺ) ŵam'bweni jwalakwe (Jibulilu mu kagumbidwe kakwe kasyesyene) kuchipelela chameso chakuonechela (cha ku ngopoko lyuŵa).

ئايەت: 24

وَمَا هُوَ عَلَى ٱلۡغَيۡبِ بِضَنِينٖ

Soni jwalakwe nganijuŵa jwausuchi pa (umanyilisi wa) yakusisika.

ئايەت: 25

وَمَا هُوَ بِقَوۡلِ شَيۡطَٰنٖ رَّجِيمٖ

Soni aji (Qur’an) nganigaŵa maloŵe ga shetani jwakuŵinjidwa.

ئايەت: 26

فَأَيۡنَ تَذۡهَبُونَ

Nambi kwapi nkuja?

ئايەت: 27

إِنۡ هُوَ إِلَّا ذِكۡرٞ لِّلۡعَٰلَمِينَ

Nganijiŵa aji (Qur’an) ikaŵeje chikumbusyo cha iwumbe yosope.

ئايەت: 28

لِمَن شَآءَ مِنكُمۡ أَن يَسۡتَقِيمَ

Kwa mundu jwaakusaka mwa jenumanja kuti ajongoche.

ئايەت: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Ni nganim'ba nsachile, ikaŵeje akasache kaje Allah M’mbuje jwa iwumbe yosope.