معانی کا ترجمہ سورت واقعہ - پشتو ترجمہ - سرفراز - صفحہ نمبر 534 - قرآن کریم انسائیکلوپیڈیا

واقعه

آیت: 1

اِذَا وَقَعَتِ الْوَاقِعَةُ ۟ۙ

کله چې پیښیدونکې،پیښه شي.

آیت: 2

لَیْسَ لِوَقْعَتِهَا كَاذِبَةٌ ۟ۘ

هیڅوک به یي درواغ نه ګڼي.

آیت: 3

خَافِضَةٌ رَّافِعَةٌ ۟ۙ

هغه به ښکته کوونکې[۱۵]او لوړوونکې پیښه وي.

[۱۵] ـ هغه چې په دنیا کې ښکته وو پورته به یې کړي یا کافران به جهنم ته وغورزوي،او مؤمنان به جنتونو ته پورته کړي.(الماوردی).

آیت: 4

اِذَا رُجَّتِ الْاَرْضُ رَجًّا ۟ۙ

کله چې ځمکه په بشپړ ډول ولړزول شي.

آیت: 5

وَّبُسَّتِ الْجِبَالُ بَسًّا ۟ۙ

او غرونه ټوټه،ټوټه او میده کړای شي.

آیت: 6

فَكَانَتْ هَبَآءً مُّنْۢبَثًّا ۟ۙ

ته به وايې چې الوتونکی ګرد او وړانګې دي.

آیت: 7

وَّكُنْتُمْ اَزْوَاجًا ثَلٰثَةً ۟ؕ

نو تاسې به درې ډلي واست.

آیت: 8

فَاَصْحٰبُ الْمَیْمَنَةِ ۙ۬— مَاۤ اَصْحٰبُ الْمَیْمَنَةِ ۟ؕ

نو د ښي لاس خاوندان.[۱۶]او څومره غوره دي د ښي لاس خاوندان.

[۱۶] ـ هغه چې په شې لاس عملنامه ور کړای شي او هغه چې په کیڼ لاس عملنامه ورکړای شي د عرش په ښي اړخ او کیڼ اړخ کې وي.(الماوردی).

آیت: 9

وَاَصْحٰبُ الْمَشْـَٔمَةِ ۙ۬— مَاۤ اَصْحٰبُ الْمَشْـَٔمَةِ ۟ؕ

او د کیڼ لاس خاوندان.څومره به دي د کیڼ لاس خاوندان.

آیت: 10

وَالسّٰبِقُوْنَ السّٰبِقُوْنَ ۟ۙ

او لومړني[۱۷]لومړني دي.

[۱۷] ـ لومړني بیعت کوونکي،لومړني هجرت کوونکي یا په لومړنیو پیغمبرانو لومړني ایمان راوړونکي.(الماوردی).

آیت: 11

اُولٰٓىِٕكَ الْمُقَرَّبُوْنَ ۟ۚ

همدوی الله ته نژدې کړي شوي دي.

آیت: 12

فِیْ جَنّٰتِ النَّعِیْمِ ۟

له نعمتونو په ډکو جنتونو کې به اوسیږي.

آیت: 13

ثُلَّةٌ مِّنَ الْاَوَّلِیْنَ ۟ۙ

لومړني[۱۸]به زیات وي.

[۱۸] د پخوانیو امتونو له ادم علیه السلام څخه تر محمد صلی الله علیه وسلم پورې به ډير او له محمدي امت څخه به لږ وي.یا د محمدي امت لومړني خلک او وروستني خلک (الماوردی).

آیت: 14

وَقَلِیْلٌ مِّنَ الْاٰخِرِیْنَ ۟ؕ

او وروستي به لږ.

آیت: 15

عَلٰی سُرُرٍ مَّوْضُوْنَةٍ ۟ۙ

د سرو او سپینو زرو په تارونو او بدل شوو تختونو.

آیت: 16

مُّتَّكِـِٕیْنَ عَلَیْهَا مُتَقٰبِلِیْنَ ۟

یو بله ته مخامخ به یې تکیه کړې وي.