معانی کا ترجمہ سورت قیامہ - پشتو ترجمہ - سرفراز - قرآن کریم انسائیکلوپیڈیا

قیامه

آیت: 1

لَاۤ اُقْسِمُ بِیَوْمِ الْقِیٰمَةِ ۟ۙ

لوړه په قیامت.

آیت: 2

وَلَاۤ اُقْسِمُ بِالنَّفْسِ اللَّوَّامَةِ ۟

او لوړه په ملامتوونکي نفس.

آیت: 3

اَیَحْسَبُ الْاِنْسَانُ اَلَّنْ نَّجْمَعَ عِظَامَهٗ ۟ؕ

ایا انسان ګمان کوي چې مونږ به یي هډوکي راټول نه کړو؟

آیت: 4

بَلٰى قٰدِرِیْنَ عَلٰۤی اَنْ نُّسَوِّیَ بَنَانَهٗ ۟

نه:بلکې مونږ پیاوړي یو چې ان د ګوتو بندونه يي هم برابر کړو.

آیت: 5

بَلْ یُرِیْدُ الْاِنْسَانُ لِیَفْجُرَ اَمَامَهٗ ۟ۚ

بلکې(کافر)انسان غواړي چې په راتلونکې زمانه کې بد کار وکړي.

آیت: 6

یَسْـَٔلُ اَیَّانَ یَوْمُ الْقِیٰمَةِ ۟ؕ

پوښتنه کوی چې د قیامت ورځ به کله وي؟

آیت: 7

فَاِذَا بَرِقَ الْبَصَرُ ۟ۙ

نو کله چې لیدنه خړه او تته شي.

آیت: 8

وَخَسَفَ الْقَمَرُ ۟ۙ

سپوږمۍ توره شي.

آیت: 9

وَجُمِعَ الشَّمْسُ وَالْقَمَرُ ۟ۙ

او یو ځای کړای شي[۲] لمر او سپوږمۍ.

[۲] ـ د رڼا په نشتوالي،له لویدیځ څخه په راختلو، دځمکې له مدار څخه د سپوږمۍ په وتلو او د لمر په ورداخلیدلو،یا نور څخه والله اعلم.

آیت: 10

یَقُوْلُ الْاِنْسَانُ یَوْمَىِٕذٍ اَیْنَ الْمَفَرُّ ۟ۚ

په همدې ورځ به انسان وايي د تیښتي ځای چیرې دی؟

آیت: 11

كَلَّا لَا وَزَرَ ۟ؕ

نه.هیڅکله نشته د پناه ځای.

آیت: 12

اِلٰى رَبِّكَ یَوْمَىِٕذِ ١لْمُسْتَقَرُّ ۟ؕ

یوازې ستا له رب سره تم ځای دی.

آیت: 13

یُنَبَّؤُا الْاِنْسَانُ یَوْمَىِٕذٍ بِمَا قَدَّمَ وَاَخَّرَ ۟ؕ

پدې ورځ به انسان له هغو ټولو څخه خبر کړای شي چې مخکې یې لیږلي او یا یې وروسته پریښي دي.

آیت: 14

بَلِ الْاِنْسَانُ عَلٰی نَفْسِهٖ بَصِیْرَةٌ ۟ۙ

انسان د خپل ځان لیدونکی دی.

آیت: 15

وَّلَوْ اَلْقٰى مَعَاذِیْرَهٗ ۟ؕ

(خامخا جزا ورکول کیږي)که څه هم خپلې انې بانې وړاندې کړي.

آیت: 16

لَا تُحَرِّكْ بِهٖ لِسَانَكَ لِتَعْجَلَ بِهٖ ۟ؕ

ای محمده!په قران ژبه مه خوزه وه چې بیړه پرې وکړې.

آیت: 17

اِنَّ عَلَیْنَا جَمْعَهٗ وَقُرْاٰنَهٗ ۟ۚۖ

د هغه راټولول او پر تايي تلاوت کول پر مونږ دي.

آیت: 18

فَاِذَا قَرَاْنٰهُ فَاتَّبِعْ قُرْاٰنَهٗ ۟ۚ

نو کله چې مونږ(د ملایکو په واسطه)پر تا تلاوت کړنو د لوستلو ئې پیروي وکړه[۳]

[۳] ـ په غور يي واوره او بیا يي وروسته تلاوت کړه.

آیت: 19

ثُمَّ اِنَّ عَلَیْنَا بَیَانَهٗ ۟ؕ

پر مونږ ده چې بیانوو به يي.

آیت: 20

كَلَّا بَلْ تُحِبُّوْنَ الْعَاجِلَةَ ۟ۙ

نه:بلکې تاسې ژر په لاس درتلونکی شی خوښوئ.

آیت: 21

وَتَذَرُوْنَ الْاٰخِرَةَ ۟ؕ

او اخرت پریږدئ.

آیت: 22

وُجُوْهٌ یَّوْمَىِٕذٍ نَّاضِرَةٌ ۟ۙ

پرې ورځ به ځیني مخونه تازه او ځلیدونکي وي.

آیت: 23

اِلٰى رَبِّهَا نَاظِرَةٌ ۟ۚ

خپل رب ته به ګوري.

آیت: 24

وَوُجُوْهٌ یَّوْمَىِٕذٍ بَاسِرَةٌ ۟ۙ

او ځیني مخونه به خورا بدرنګه وي.

آیت: 25

تَظُنُّ اَنْ یُّفْعَلَ بِهَا فَاقِرَةٌ ۟ؕ

(د بد مخ څښتن به)باور لري چې ملاماتوونکی چلن به ورسره وشي.

آیت: 26

كَلَّاۤ اِذَا بَلَغَتِ التَّرَاقِیَ ۟ۙ

نه،نه کله چې ساه ترستوني ورسیږي.

آیت: 27

وَقِیْلَ مَنْ ٚ— رَاقٍ ۟ۙ

او وویل شي چې دم او چوف اچوونکی شته؟

آیت: 28

وَّظَنَّ اَنَّهُ الْفِرَاقُ ۟ۙ

د ناروغ باور راشي چې همدا بیلتون دی.

آیت: 29

وَالْتَفَّتِ السَّاقُ بِالسَّاقِ ۟ۙ

او یوه پونډۍ له بلې پونډۍ تاو شي[۴]

[۴] ـ دوړاړه ناتوانه او یوه پر بل پریوځي.(کابلی تفسیر

آیت: 30

اِلٰى رَبِّكَ یَوْمَىِٕذِ ١لْمَسَاقُ ۟ؕ۠

پدې ورځ ستا د رب له لور ورتګ دی.

آیت: 31

فَلَا صَدَّقَ وَلَا صَلّٰى ۟ۙ

کافر انسان پیغمبر رښتینی ونه ګاڼه او نه یي لمونځ وکړ.

آیت: 32

وَلٰكِنْ كَذَّبَ وَتَوَلّٰى ۟ۙ

او خو درواغ ئې وګاڼه او له حق څخه يي مخ وګرځولو.

آیت: 33

ثُمَّ ذَهَبَ اِلٰۤی اَهْلِهٖ یَتَمَطّٰى ۟ؕ

او بیا دخپلې کورنۍ په لور په غرور ولاړ.

آیت: 34

اَوْلٰى لَكَ فَاَوْلٰى ۟ۙ

ای کافره!همدا درته غوره ده.

آیت: 35

ثُمَّ اَوْلٰى لَكَ فَاَوْلٰى ۟ؕ

بیا وایم چې همدا درته غوره ده.

آیت: 36

اَیَحْسَبُ الْاِنْسَانُ اَنْ یُّتْرَكَ سُدًی ۟ؕ

ایا انسان ګمان کوي چې مهمل او بابیزه به پرې ښوول شي؟

آیت: 37

اَلَمْ یَكُ نُطْفَةً مِّنْ مَّنِیٍّ یُّمْنٰى ۟ۙ

ایا دهغې مني چې(په رحم کي)توی شوې یو څاڅکی نه وو؟

آیت: 38

ثُمَّ كَانَ عَلَقَةً فَخَلَقَ فَسَوّٰى ۟ۙ

بیا د وینې یوه ټوټه وه.الله پیدا او ښه برابر يي کړ.

آیت: 39

فَجَعَلَ مِنْهُ الزَّوْجَیْنِ الذَّكَرَ وَالْاُ ۟ؕ

او له همده څخه یې د نر او ښځې جوړه وړاندې کړه.

آیت: 40

اَلَیْسَ ذٰلِكَ بِقٰدِرٍ عَلٰۤی اَنْ یُّحْیِ الْمَوْتٰى ۟۠

ایا همدغه ذات توانانه دی چې مړي راژوندي کړي؟(هو!توان ورسره شته).