معانی کا ترجمہ سورت سورۂ مُرسلات - ازبک ترجمہ - علاء الدین منصور - قرآن کریم انسائیکلوپیڈیا

Мурсалот сураси

آیت: 1

وَٱلۡمُرۡسَلَٰتِ عُرۡفٗا

1. Пайдар-пай юбориладиган (шамол)ларга,

آیت: 2

فَٱلۡعَٰصِفَٰتِ عَصۡفٗا

2. қутурадиган (бўрон)ларга қасам;

آیت: 3

وَٱلنَّٰشِرَٰتِ نَشۡرٗا

3. (Булутларни Аллоҳ хоҳлаган томонларга) ёйиб юборадиган,

آیت: 4

فَٱلۡفَٰرِقَٰتِ فَرۡقٗا

4. (ҳақ билан ботилни ва ҳалол билан ҳаромни) ажратиб берадиган,

آیت: 5

فَٱلۡمُلۡقِيَٰتِ ذِكۡرًا

5. эслатма-ваҳий олиб тушадиган,

آیت: 6

عُذۡرًا أَوۡ نُذۡرًا

6. (мўмин бандаларни) узр-мағфират қилиш учун ё (кофирларни Охират азобидан) огоҳлантириш учун (ваҳий олиб тушадиган фаришта)ларга (яъни, юқорида мазкур бўлган барча нарсаларга) қасамки,

آیت: 7

إِنَّمَا تُوعَدُونَ لَوَٰقِعٞ

7. ҳеч шак-шубҳасиз, сизларга ваъда қилинаётган нарса (Қиёмат ва ҳисоб-китоб) воқеъ бўлгувчидир!

آیت: 8

فَإِذَا ٱلنُّجُومُ طُمِسَتۡ

8. Бас, қачон юлдузлар (нурлари сўниб) ўчирилгач;

آیت: 9

وَإِذَا ٱلسَّمَآءُ فُرِجَتۡ

9. Ва қачон осмон (қобиғи) ёрилиб-очилгач;

آیت: 10

وَإِذَا ٱلۡجِبَالُ نُسِفَتۡ

10. Ва қачон тоғлар (қумлар каби) сочилгач;

آیت: 11

وَإِذَا ٱلرُّسُلُ أُقِّتَتۡ

11. Ва қачон пайғамбарларга (уларни ёлғончи қилган қавмлари билан ҳисоб-китоб қилишлари учун) белгиланган вақт келгач, (ана ўша вақтда ваъда қилинган Қиёмат қойим бўлур)!

آیت: 12

لِأَيِّ يَوۡمٍ أُجِّلَتۡ

12. (Пайғамбар ўз қавмлари билан ҳисоб-китоб қилишлари) қай Кунга белгиланган эди?

آیت: 13

لِيَوۡمِ ٱلۡفَصۡلِ

13. (Ҳақ билан ботил) ажратиладиган Кунга (белгилангандир)!

آیت: 14

وَمَآ أَدۡرَىٰكَ مَا يَوۡمُ ٱلۡفَصۡلِ

14. (Эй инсон), сен (ҳақ билан ботил) ажратиладиган Кун нима эканлигини қаердан ҳам билурсан?!

آیت: 15

وَيۡلٞ يَوۡمَئِذٖ لِّلۡمُكَذِّبِينَ

15. У Кунда (ўша Кунни) ёлғон дегувчиларга ҳалокат бўлгай!

آیت: 16

أَلَمۡ نُهۡلِكِ ٱلۡأَوَّلِينَ

16. Ахир Биз аввалги (ўз пайғамбарларини ёлғончи қилган уммат)ларни ҳалок қилмадикми?!

آیت: 17

ثُمَّ نُتۡبِعُهُمُ ٱلۡأٓخِرِينَ

17. Сўнгра кейинги (яъни, Муҳаммад алайҳис-салоту вас-саломни ёлғончи қилгувчи Макка кофирлари ва бошқа)ларни ҳам уларга эргаштирурмиз!

آیت: 18

كَذَٰلِكَ نَفۡعَلُ بِٱلۡمُجۡرِمِينَ

18. Биз барча жиноятчи-кофирларни мана шундай (ҳалок) қилурмиз!

آیت: 19

وَيۡلٞ يَوۡمَئِذٖ لِّلۡمُكَذِّبِينَ

19. У Кунда ўша Кунни ёлғон дегувчиларга ҳалокат бўлгай!

آیت: 20

أَلَمۡ نَخۡلُقكُّم مِّن مَّآءٖ مَّهِينٖ

20. Ахир Биз сизларни бир ҳақир сувдан яратмадикми?!

آیت: 21

فَجَعَلۡنَٰهُ فِي قَرَارٖ مَّكِينٍ

21. Сўнг у (сувни-нутфа)ни мустаҳкам қароргоҳда (она қорнида барқарор) қилиб қўймадикми?!

آیت: 22

إِلَىٰ قَدَرٖ مَّعۡلُومٖ

22. Маълум муддатгача (яъни, ой-куни етиб туғилгунича она қорнида барқарор қилиб қўймадикми?!)

آیت: 23

فَقَدَرۡنَا فَنِعۡمَ ٱلۡقَٰدِرُونَ

23. Бас, Биз (бир томчи сувни комил инсон қилиб яратишга) қодир бўлдик. Нақадар қудратлидирмиз!

И з о ҳ. Ушбу оятларда яна қайта тирилиш масаласи баён қилинди. Мана бу ҳадиси қудсий ҳам юқоридаги оятларга муносиб тафсирдир. Пайғамбар алайҳис-салоту вас-салом бир куни кафтларига тупурдилар-да, саҳобаларга бармоқлари билан ўша тупукни кўрсатиб дедилар: «Аллоҳ таоло айтур: «Эй одам боласи, ахир Мeн сени худди мана шунга ўхшаган бир томчи сувдан яратдим-ку! Бас, сен Мендан (яъни, Қиёмат Куни Менинг ҳузуримга йиғилиб, ҳисоб-китоб беришдан) қаёққа ҳам қочиб қутула олар эдинг?!»

آیت: 24

وَيۡلٞ يَوۡمَئِذٖ لِّلۡمُكَذِّبِينَ

24. У Кунда ёлғон дегувчиларга ҳалокат бўлгай!

آیت: 25

أَلَمۡ نَجۡعَلِ ٱلۡأَرۡضَ كِفَاتًا

25. Ахир Биз Ерни йиғгувчи қилиб қўймадикми?!

آیت: 26

أَحۡيَآءٗ وَأَمۡوَٰتٗا

26. Тирикларни ҳам, ўликларни ҳам (йиғгувчи қилиб қўймадикми?!)

И з о ҳ. Мазкур оятлардан заминни беҳуда она дейилмаслиги маълум бўлади. Зеро, у тирикларни ўз елкасида — устида кўтариб турса, ўликларга ўз қучоғидан жой беради.

آیت: 27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا

27. Яна Биз (ерда) баланд тоғларни (пайдо) қилдик ва сизларни (ўша тоғлардан оқиб тушадиган) чучук-тотли сув билан суғордик.

آیت: 28

وَيۡلٞ يَوۡمَئِذٖ لِّلۡمُكَذِّبِينَ

28. У Кунда ёлғон дегувчиларга ҳалокат бўлгай.

آیت: 29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ

29. (У Кунда кофирларга дейилур): «Сизлар (ҳаёти-дунёдалик пайтингизда) ёлғон дегувчи бўлган нарсага (ҳисоб-китоб ва дўзах азобига) боринглар!

آیت: 30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ

30. (Жаҳаннамда ёнаётган дўзахилардан кўтарилаётган бадбуй тутундан иборат, осмонга ўрлаган сари бўлиниб кетган) уч бўлакли «соя»га боринглар!

آیت: 31

لَّا ظَلِيلٖ وَلَا يُغۡنِي مِنَ ٱللَّهَبِ

31. Ҳеч қандай салқинлик бермайдиган ва (дўзах) алангасини ҳам тўсмайдиган («соя»га боринглар!)»

آیت: 32

إِنَّهَا تَرۡمِي بِشَرَرٖ كَٱلۡقَصۡرِ

32. Дарвоқеъ, у (жаҳаннам ҳар томонга ҳар бири) қасрдек учқунларни отиб турур!

آیت: 33

كَأَنَّهُۥ جِمَٰلَتٞ صُفۡرٞ

33. Худди сариқ туяларга ўхшаган (учқунларни отиб турур!)

آیت: 34

وَيۡلٞ يَوۡمَئِذٖ لِّلۡمُكَذِّبِينَ

34. У Кунда ёлғон дегувчиларга ҳалокат бўлғай!

آیت: 35

هَٰذَا يَوۡمُ لَا يَنطِقُونَ

35. Бу (Кун) улар сўзлай олмайдиган

آیت: 36

وَلَا يُؤۡذَنُ لَهُمۡ فَيَعۡتَذِرُونَ

36. Ва улар учун узр айтишларига ҳам изн берилмайдиган Кундир!

آیت: 37

وَيۡلٞ يَوۡمَئِذٖ لِّلۡمُكَذِّبِينَ

37. У Кунда ёлғон дегувчиларга ҳалокат бўлгай!

آیت: 38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ

38. Бу (ҳақ билан ботил) ажратиладиган Кундир! (Эй бу Кунни ёлғон дегувчи кимсалар, мана) Биз сизларни ҳам, аввалги (ўз пайғамбарларини ёлғончи қилган)ларни ҳам жамладик.

آیت: 39

فَإِن كَانَ لَكُمۡ كَيۡدٞ فَكِيدُونِ

39. Мана, агар сизлар учун (дўзахдан қутқарадиган) бирон найранг бўлса, Менга ўша найрангларингизни кўрсатинглар-чи?

آیت: 40

وَيۡلٞ يَوۡمَئِذٖ لِّلۡمُكَذِّبِينَ

40. У Кунда ёлғон дегувчиларга ҳалокат бўлгай!

آیت: 41

إِنَّ ٱلۡمُتَّقِينَ فِي ظِلَٰلٖ وَعُيُونٖ

41. Тақводор зотлар эса (У Кунда) албатта соя-салқинлар ва чашмаларда,

آیت: 42

وَفَوَٰكِهَ مِمَّا يَشۡتَهُونَ

42. Ва кўнгиллари тусаган мева-чевалар устидадирлар.

آیت: 43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ

43. (Уларга дейилур): «Қилиб ўтган (яхши) амалларингиз сабабли (ушбу жаннат ноз-неъматларини) пок билиб еб-ичаверинглар».

آیت: 44

إِنَّا كَذَٰلِكَ نَجۡزِي ٱلۡمُحۡسِنِينَ

44. Албатта Биз чиройли амал қилгувчиларни мана шундай мукофотлармиз.

آیت: 45

وَيۡلٞ يَوۡمَئِذٖ لِّلۡمُكَذِّبِينَ

45. У Кунда ёлғон дегувчиларга ҳалокат бўлгай!

آیت: 46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ

46. (Эй кофирлар) озгина вақт (яъни, тўрт кунлик дунёда ақлсиз ҳайвонлардек) еб, фойдаланиб қолинглар! Албатта сизлар жиноятчидирсизлар!

آیت: 47

وَيۡلٞ يَوۡمَئِذٖ لِّلۡمُكَذِّبِينَ

47. У Кунда ёлғон дегувчиларга ҳалокат бўлгай!

آیت: 48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ

48. Қачон уларга: «Рукуъ қилинглар, (яъни, намоз ўқинглар)», дейилса, рукуъ қилмаслар!

آیت: 49

وَيۡلٞ يَوۡمَئِذٖ لِّلۡمُكَذِّبِينَ

49. У Кунда (ўша Кунни) ёлғон дегувчиларга ҳалокат бўлгай!

آیت: 50

فَبِأَيِّ حَدِيثِۭ بَعۡدَهُۥ يُؤۡمِنُونَ

50. Ахир улар (Қуръондан) кейин (яъни, беназир илоҳий мўъжиза бўлган шундай азиз Китобга иймон келтирмасдан) қандай сўзга-китобга иймон келтирурлар?!