قرآن کریم کے معانی کا ترجمہ - الترجمة الأوزبكية للمختصر في تفسير القرآن الكريم * - ترجمے کی لسٹ

معانی کا ترجمہ سورت: سورۂ مُرسلات   آیت:
سورتوں کی لسٹ صفحہ نمبر HTML

Мурсалот сураси

سورہ کے بعض مقاصد:
الوعيد للمكذبين بالويل يوم القيامة.
Ҳақни ёлғонга чиқарадиганлар учун қиёмат куни азоб ваъдси бордир.

آیت: 1

وَٱلۡمُرۡسَلَٰتِ عُرۡفٗا
Аллоҳ таоло от ёлидек пайдар-пай эсадиган шамоллар номига қасам ичди.
عربی تفاسیر:

آیت: 2

فَٱلۡعَٰصِفَٰتِ عَصۡفٗا
Кучли эсувчи бўрон номига ҳам қасам ичди.
عربی تفاسیر:

آیت: 3

وَٱلنَّٰشِرَٰتِ نَشۡرٗا
Ёмғирни тарқатиб юборадиган шамоллар номига қасам ичди.
عربی تفاسیر:

آیت: 4

فَٱلۡفَٰرِقَٰتِ فَرۡقٗا
Ҳақ ва ботилни ажратувчи оятларни етказган фаришталар номига қасам ичди.
عربی تفاسیر:

آیت: 5

فَٱلۡمُلۡقِيَٰتِ ذِكۡرًا
Ваҳийни олиб тушадиган фаришталар номига қасам ичди.
عربی تفاسیر:

آیت: 6

عُذۡرًا أَوۡ نُذۡرًا
У фаришталар Аллоҳ тарафидан одамларга узр-баҳона қолдирмаслик ҳамда Аллоҳнинг азобидан огоҳлантириш учун ваҳийни олиб тушади.
عربی تفاسیر:

آیت: 7

إِنَّمَا تُوعَدُونَ لَوَٰقِعٞ
Дарҳақиқат, қайта тирилиш, ҳисоб-китоб ва жазо ҳақидаги ваъдалар шак-шубҳасиз, аниқ амалга ошади.
عربی تفاسیر:

آیت: 8

فَإِذَا ٱلنُّجُومُ طُمِسَتۡ
Юлдузларнинг нури сўниб, зиёси ўчиб қолганида.
عربی تفاسیر:

آیت: 9

وَإِذَا ٱلسَّمَآءُ فُرِجَتۡ
Фаришталар тушиши учун осмон ёрилганида.
عربی تفاسیر:

آیت: 10

وَإِذَا ٱلۡجِبَالُ نُسِفَتۡ
Тоғлар ўрнидан қўзғатилиб, майдаланиб, тўзонга айланиб кетганида.
عربی تفاسیر:

آیت: 11

وَإِذَا ٱلرُّسُلُ أُقِّتَتۡ
Вақти-соати келиб, пайғамбарлар жамланганида.
عربی تفاسیر:

آیت: 12

لِأَيِّ يَوۡمٍ أُجِّلَتۡ
Пайғамбарларнинг ўз қавми устидан берадиган гувоҳлиги улуғ кунга кечиктирилганида.
عربی تفاسیر:

آیت: 13

لِيَوۡمِ ٱلۡفَصۡلِ
Бу кун бандалар орасини ажратиш кунидир. Ким ҳақли ва ким ҳақсиз, ким бахтли ва ким бахтсиз экани аниқ бўладиган кун.
عربی تفاسیر:

آیت: 14

وَمَآ أَدۡرَىٰكَ مَا يَوۡمُ ٱلۡفَصۡلِ
Эй Пайғамбар алайҳиссалом, ажрим куни нималигини сиз қаердан ҳам билар эдингиз?!
عربی تفاسیر:

آیت: 15

وَيۡلٞ يَوۡمَئِذٖ لِّلۡمُكَذِّبِينَ
Бу кунда Аллоҳ томонидан пайғамбарлар олиб келган рисолатларни ёлғонга чиқарувчиларга ҳалокат бўлсин! Азоб ва зиён бўлсин!
عربی تفاسیر:

آیت: 16

أَلَمۡ نُهۡلِكِ ٱلۡأَوَّلِينَ
Биз аввалги умматларни Аллоҳга куфр келтириб, пайғамбарларини ёлғонга чиқарганларида ҳалок қилмадикми?!
عربی تفاسیر:

آیت: 17

ثُمَّ نُتۡبِعُهُمُ ٱلۡأٓخِرِينَ
Сўнгра улардан кейинги ёлғонга чиқарувчиларни ҳам аввалгиларни ҳалок қилганимиз каби ҳалок қилурмиз.
عربی تفاسیر:

آیت: 18

كَذَٰلِكَ نَفۡعَلُ بِٱلۡمُجۡرِمِينَ
Ўша умматни ҳалок қилганимиз каби Муҳаммад саллаллоҳу алайҳи васалламга келган рисолатни ёлғонга чиқарувчи жиноятчи кимсаларни ҳам ҳалок қилурмиз.
عربی تفاسیر:

آیت: 19

وَيۡلٞ يَوۡمَئِذٖ لِّلۡمُكَذِّبِينَ
Аллоҳ таолонинг жиноятчиларга уқубат таҳдидларини ёлғонга чиқарувчиларга ўша кунда ҳалокат бўлсин! Азоб ва зиён бўлсин!
عربی تفاسیر:
حالیہ صفحہ میں آیات کے فوائد:
• خطر التعلق بالدنيا ونسيان الآخرة.
Дунёга боғланиб қолиб, охиратни унутиш нақадар хатарли.
• مشيئة العبد تابعة لمشيئة الله.
Банданинг хоҳиши Аллоҳнинг хоҳишига боғлиқдир.
• إهلاك الأمم المكذبة سُنَّة إلهية.
Ҳақни инкор қилувчи умматни ҳалок айлаш илоҳий қонуниятдир.

آیت: 20

أَلَمۡ نَخۡلُقكُّم مِّن مَّآءٖ مَّهِينٖ
Эй одамлар, ахир Биз сизларни бир томчи ҳақир сувдан-нутфадан яратмадикми?!
عربی تفاسیر:

آیت: 21

فَجَعَلۡنَٰهُ فِي قَرَارٖ مَّكِينٍ
Сўнгра ўша ҳақир сувни мустаҳкам ҳимояланган қароргоҳга – онанинг бачадонига жойладик.
عربی تفاسیر:

آیت: 22

إِلَىٰ قَدَرٖ مَّعۡلُومٖ
Онанинг қорнида маълум бир муддат, яъни, ҳомила муддати тугагунча қолдирдик.
عربی تفاسیر:

آیت: 23

فَقَدَرۡنَا فَنِعۡمَ ٱلۡقَٰدِرُونَ
Туғилажак боланинг кўриниши, ранги ва бошқа сифатларини белгилаб қўйдик. Биз шу ишларнинг ҳаммасини қила олган буюк қудрат эгасимиз!
عربی تفاسیر:

آیت: 24

وَيۡلٞ يَوۡمَئِذٖ لِّلۡمُكَذِّبِينَ
У кунда Аллоҳнинг қудратини ёлғонга чиқарувчиларга ҳалокат бўлсин! Азоб ва зиён бўлсин!
عربی تفاسیر:

آیت: 25

أَلَمۡ نَجۡعَلِ ٱلۡأَرۡضَ كِفَاتًا
Ахир биз ерни одамларнинг барчасини бағрига олувчи-тўпловчи қилиб қўймадикми?
عربی تفاسیر:

آیت: 26

أَحۡيَآءٗ وَأَمۡوَٰتٗا
Одамларнинг тирикларини юзасида яшатиб, яшнатиб ўз бағрига олса, ўликларини дафн қилиб бағрига олади.
عربی تفاسیر:

آیت: 27

وَجَعَلۡنَا فِيهَا رَوَٰسِيَ شَٰمِخَٰتٖ وَأَسۡقَيۡنَٰكُم مَّآءٗ فُرَاتٗا
Ерни қимирламасдан маҳкам туриши учун унда баланд ва мустаҳкам тоғларни барпо қилдик.
Эй одамлар, сизларни ширин-чучук сув билан таъминладик. Шуларни яратган Зот сизларни қайта тирилтиришдан ожиз қолиши асло мумкин эмас.
عربی تفاسیر:

آیت: 28

وَيۡلٞ يَوۡمَئِذٖ لِّلۡمُكَذِّبِينَ
У кунда Аллоҳнинг неъматларини ёлғонга чиқарувчиларга ҳалокат бўлсин! Азоб ва зиён бўлсин!
عربی تفاسیر:

آیت: 29

ٱنطَلِقُوٓاْ إِلَىٰ مَا كُنتُم بِهِۦ تُكَذِّبُونَ
Пайғамбарлар олиб келган рисолатларни ёлғонга чиқарувчиларга: ”Эй, ёлғонга чиқарувчилар, мана энди ўзларингиз ёлғон деган азоб сари бораверинглар”, - дейилади.
عربی تفاسیر:

آیت: 30

ٱنطَلِقُوٓاْ إِلَىٰ ظِلّٖ ذِي ثَلَٰثِ شُعَبٖ
”Дўзах тутунидан ҳосил бўлган уч бўлакли ”соя” сари бораверинглар ”.
عربی تفاسیر:

آیت: 31

لَّا ظَلِيلٖ وَلَا يُغۡنِي مِنَ ٱللَّهَبِ
Бу соянинг ҳеч қандай салқини йўқ. У ”соя” сизларга дўзахнинг алангаси ва ҳарорати етиб келишини тўса олмайди.
عربی تفاسیر:

آیت: 32

إِنَّهَا تَرۡمِي بِشَرَرٖ كَٱلۡقَصۡرِ
Дўзах учқунларни отиб туради. Ҳар бир учқуннинг катталиги бир қасрдек бўлади.
عربی تفاسیر:

آیت: 33

كَأَنَّهُۥ جِمَٰلَتٞ صُفۡرٞ
Дўзах отаётган учқунларнинг ранги ва катталиги қорамтир сарғиш туялар кабидир.
عربی تفاسیر:

آیت: 34

وَيۡلٞ يَوۡمَئِذٖ لِّلۡمُكَذِّبِينَ
Аллоҳнинг азобини ёлғон дегувчиларга ҳалокат бўлсин! Азоб ва зиён бўлсин!
عربی تفاسیر:

آیت: 35

هَٰذَا يَوۡمُ لَا يَنطِقُونَ
У кун улар бирон нима деёлмайдиган кундир.
عربی تفاسیر:

آیت: 36

وَلَا يُؤۡذَنُ لَهُمۡ فَيَعۡتَذِرُونَ
Қилган ёмонликлари ва куфри учун Аллоҳ таолодан узр сўрашларига изн берилмайди.
عربی تفاسیر:

آیت: 37

وَيۡلٞ يَوۡمَئِذٖ لِّلۡمُكَذِّبِينَ
Ўша куни бу куннинг ҳодисаларини ёлғон дегувчиларга ҳалокат бўлсин! Азоб ва зиён бўлсин!
عربی تفاسیر:

آیت: 38

هَٰذَا يَوۡمُ ٱلۡفَصۡلِۖ جَمَعۡنَٰكُمۡ وَٱلۡأَوَّلِينَ
Бу кун халқлар орасини ажрим қиладиган кундир. У кун сизларни ҳам, аввал ўтганларни ҳам кенг майдонга тўпладик.
عربی تفاسیر:

آیت: 39

فَإِن كَانَ لَكُمۡ كَيۡدٞ فَكِيدُونِ
Агар сизларда Аллоҳнинг азобидан қутқариб қоладиган бирон ҳийла-найранг бўлса, Менга ўшани қўлланглар-чи?!
عربی تفاسیر:

آیت: 40

وَيۡلٞ يَوۡمَئِذٖ لِّلۡمُكَذِّبِينَ
Ажрим кунини ёлғон дегувчиларга ҳалокат бўлсин! Азоб ва зиён бўлсин!
عربی تفاسیر:

آیت: 41

إِنَّ ٱلۡمُتَّقِينَ فِي ظِلَٰلٖ وَعُيُونٖ
Аллоҳ таолонинг буйруқларига бўйсуниб, тақиқларидан тийилган тақводорлар эса жаннатдаги қуюқ баргли дарахтлар сояларида ва оқиб турган чучук сувли чашмалардадирлар.
عربی تفاسیر:

آیت: 42

وَفَوَٰكِهَ مِمَّا يَشۡتَهُونَ
Кўнгиллари тусаган мевалардадирлар.
عربی تفاسیر:

آیت: 43

كُلُواْ وَٱشۡرَبُواْ هَنِيٓـَٔۢا بِمَا كُنتُمۡ تَعۡمَلُونَ
Уларга айтилур: ”Дунё ҳаётида қилиб ўтган солиҳ амалларингиз туфайли ҳеч қандай таъбингиз бузилмасдан жаннатнинг покиза меваларидан, ёқимли ичимликларидан маза қилиб еб-ичиб юринглар”.
عربی تفاسیر:

آیت: 44

إِنَّا كَذَٰلِكَ نَجۡزِي ٱلۡمُحۡسِنِينَ
Албатта Биз чиройли амал қилувчиларни сизларни мукофотлаганимиз каби мукофотлаймиз.
عربی تفاسیر:

آیت: 45

وَيۡلٞ يَوۡمَئِذٖ لِّلۡمُكَذِّبِينَ
У кунда Аллоҳ таоло тақводорлар учун ҳозирлаб қўйган неъматларни ёлғон дегувчиларга ҳалокат бўлсин! Азоб ва зиён бўлсин!
عربی تفاسیر:

آیت: 46

كُلُواْ وَتَمَتَّعُواْ قَلِيلًا إِنَّكُم مُّجۡرِمُونَ
Ёлғон деювчиларга айтилур: ”Майли, сизлар дунё ҳаётида озгина вақт еб-ичиб, ҳаёт лаззатларидан фойдаланиб қолинглар. Аммо сизлар Аллоҳга кофир бўлганингиз, Унинг пайғамбарларини ёлғончи қилганингиз учун аниқ жиноятчисизлар.
عربی تفاسیر:

آیت: 47

وَيۡلٞ يَوۡمَئِذٖ لِّلۡمُكَذِّبِينَ
У кунда охират куни оладиган жазоларини ёлғон дегувчиларга ҳалокат бўлсин! Азоб ва зиён бўлсин!
عربی تفاسیر:

آیت: 48

وَإِذَا قِيلَ لَهُمُ ٱرۡكَعُواْ لَا يَرۡكَعُونَ
Ёлғон деювчиларга: ”Аллоҳ учун намоз ўқинглар”, дейилса, намоз ўқимаслар.
عربی تفاسیر:

آیت: 49

وَيۡلٞ يَوۡمَئِذٖ لِّلۡمُكَذِّبِينَ
Бу кунда Аллоҳ томонидан пайғамбарлар олиб келган рисолатларни ёлғонга чиқарувчиларга ҳалокат бўлсин! Азоб ва зиён бўлсин!
عربی تفاسیر:

آیت: 50

فَبِأَيِّ حَدِيثِۭ بَعۡدَهُۥ يُؤۡمِنُونَ
Аллоҳ томонидан нозил қилинган мана шу Қуръонга иймон келтирмасалар, ундан бошқа қайси сўзга – китобга иймон келтирадилар?!
عربی تفاسیر:
حالیہ صفحہ میں آیات کے فوائد:
• رعاية الله للإنسان في بطن أمه.
Аллоҳ таоло инсонни онаси қорнидан бошлаб парвариш қилади.
• اتساع الأرض لمن عليها من الأحياء، ولمن فيها من الأموات.
Ернинг бағри кенг. У ҳаммани ўз бағрига олади. Тирикларни устига, ўликларни эса остига.
• خطورة التكذيب بآيات الله والوعيد الشديد لمن فعل ذلك.
Аллоҳнинг оятларини ёлғонга чиқариш нақадар хатарли. Бу ишни қилганларга қаттиқ таҳдид бор.
 
معانی کا ترجمہ سورت: سورۂ مُرسلات
سورتوں کی لسٹ صفحہ نمبر
 
قرآن کریم کے معانی کا ترجمہ - الترجمة الأوزبكية للمختصر في تفسير القرآن الكريم - ترجمے کی لسٹ

الترجمة الأوزبكية للمختصر في تفسير القرآن الكريم، صادر عن مركز تفسير للدراسات القرآنية.

بند کریں