Маънолар таржимаси Сура Нозиъот сураси - Кинярвандача таржима - Қуръони Карим қомуси

An –Naazi’at (Abashikanuza)

Оят: 1

وَٱلنَّٰزِعَٰتِ غَرۡقٗا

Ndahiye abamalayika bashikanuza (roho z’abahakanyi) n’ubukana buhambaye,

Оят: 2

وَٱلنَّٰشِطَٰتِ نَشۡطٗا

N’abamalayika bakuramo (roho z’abemeramana) bitonze,

Оят: 3

وَٱلسَّٰبِحَٰتِ سَبۡحٗا

N’abamalayika bogoga ikirere bihuta (batwaye izo roho),

Оят: 4

فَٱلسَّٰبِقَٰتِ سَبۡقٗا

N’abamalayika bihutana (ubutumwa babuzaniye Intumwa za Allah ku isi).

Оят: 5

فَٱلۡمُدَبِّرَٰتِ أَمۡرٗا

N’abamalayika bashyira mu bikorwa ibyo bategetswe.

Оят: 6

يَوۡمَ تَرۡجُفُ ٱلرَّاجِفَةُ

Umunsi (impanda ya mbere izavuzwa), maze isi n’imisozi bigatigita bikabije (buri kiremwa kigapfa),

Оят: 7

تَتۡبَعُهَا ٱلرَّادِفَةُ

(Umutingito wa mbere) uzakurikirwa n’undi mutingito (maze buri kiremwa kizuke),

Оят: 8

قُلُوبٞ يَوۡمَئِذٖ وَاجِفَةٌ

Uwo munsi imitima (ya bamwe) izaba ifite ubwoba n’agahinda,

Оят: 9

أَبۡصَٰرُهَا خَٰشِعَةٞ

Ndetse n’indoro yabo izaba yaciye bugufi (isuzuguritse).

Оят: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Bazavuga bati “Ese mu by’ukuri tuzasubizwa mu buzima (bwacu bwo ku isi) twahozemo?”

Оят: 11

أَءِذَا كُنَّا عِظَٰمٗا نَّخِرَةٗ

“Ese n’iyo twaba twabaye amagufa ashangutse?”

Оят: 12

قَالُواْ تِلۡكَ إِذٗا كَرَّةٌ خَاسِرَةٞ

Bazavuga bati “Uko kugaruka kwacu (ku isi twifuza) kwaba ari igihombo!”

Оят: 13

فَإِنَّمَا هِيَ زَجۡرَةٞ وَٰحِدَةٞ

Mu by’ukuri hazabaho indi mpanda izavuzwa rimwe gusa.

Оят: 14

فَإِذَا هُم بِٱلسَّاهِرَةِ

Icyo gihe bazisanga imusozi (bongeye kuba bazima nyuma yo gupfa).

Оят: 15

هَلۡ أَتَىٰكَ حَدِيثُ مُوسَىٰٓ

Ese inkuru ya Musa yakugezeho?

Оят: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Ubwo Nyagasani we yamuhamagaraga ari mu kibaya gitagatifu cya Tuwa (agira ati),

Оят: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

“Jya kwa Farawo kuko rwose yigometse.”

Оят: 18

فَقُلۡ هَل لَّكَ إِلَىٰٓ أَن تَزَكَّىٰ

Umubwire uti “Ese ushobora kwiyeza (ukareka icyaha cy’ubuhakanyi, ukaba umwemeramana)?”

Оят: 19

وَأَهۡدِيَكَ إِلَىٰ رَبِّكَ فَتَخۡشَىٰ

“Nkakuyobora kwa Nyagasani wawe kugira ngo umutinye?”

Оят: 20

فَأَرَىٰهُ ٱلۡأٓيَةَ ٱلۡكُبۡرَىٰ

Nuko (Musa) amwereka igitangaza gihambaye.

Оят: 21

فَكَذَّبَ وَعَصَىٰ

Ariko (Farawo) yarahinyuye aranigomeka;

Оят: 22

ثُمَّ أَدۡبَرَ يَسۡعَىٰ

Maze atera umugongo akataza (ashishikariza abantu be kudakurikira Musa).

Оят: 23

فَحَشَرَ فَنَادَىٰ

Nuko akoranya (abantu be), avuga mu ijwi riranguruye,

Оят: 24

فَقَالَ أَنَا۠ رَبُّكُمُ ٱلۡأَعۡلَىٰ

Agira ati “Ni njye nyagasani wanyu w’ikirenga.”

Оят: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Bityo Allah amuhana by’intangarugero kubera icyaha cya nyuma (yakoze) n’icya mbere.^[1]

[1] Icyaha cyo kuba Farawo yaravuze ko ari we Nyagasani w’ikirenga, nk’uko byavuzwe muri iki gice (Surat), umurongo wacyo wa 24. Naho icya mbere ni ukuba yarabwiye ibyegera bye ko atazi ko bafite indi mana itari we nk’uko byavuzwe mu gice (Surat) cya 28, umurongo wacyo wa 38.

Оят: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Mu by’ukuri muri ibyo harimo isomo kuri buri wese utinya Allah.

Оят: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Ese (yemwe bantu) iremwa ryanyu ni ryo rikomeye, cyangwa ikirere (Allah) yubatse (ni cyo gikomeye)?

Оят: 28

رَفَعَ سَمۡكَهَا فَسَوَّىٰهَا

Yazamuye igisenge cyacyo, maze aragitunganya.

Оят: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Ijoro ryacyo arigira umwijima, amanywa yacyo arayakesha.

Оят: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Nyuma y’ibyo arambura isi,

Оят: 31

أَخۡرَجَ مِنۡهَا مَآءَهَا وَمَرۡعَىٰهَا

Ayisohoramo amazi yayo n’inzuri zayo,

Оят: 32

وَٱلۡجِبَالَ أَرۡسَىٰهَا

Anashimangira imisozi,

Оят: 33

مَتَٰعٗا لَّكُمۡ وَلِأَنۡعَٰمِكُمۡ

Kugira ngo bibagirire akamaro, mwe n’amatungo yanyu.

Оят: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Ariko igihe icyago gihambaye (umunsi w’imperuka) kizaza,

Оят: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Umunsi umuntu azibuka ibyo yashyizemo umuhate,

Оят: 36

وَبُرِّزَتِ ٱلۡجَحِيمُ لِمَن يَرَىٰ

Umuriro wa Jahanamu ukagaragarizwa (buri wese) ureba.

Оят: 37

فَأَمَّا مَن طَغَىٰ

Ubwo wa wundi wigometse,

Оят: 38

وَءَاثَرَ ٱلۡحَيَوٰةَ ٱلدُّنۡيَا

Agahitamo ubuzima bwo kuri iyi si (agakurikira ibibi aterwa n’irari rye),

Оят: 39

فَإِنَّ ٱلۡجَحِيمَ هِيَ ٱلۡمَأۡوَىٰ

Mu by’ukuri umuriro wa Jahanamu uzaba ubuturo (bwe).

Оят: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Ariko wa wundi watinye kuzahagarara imbere ya Nyagasani we, akanabuza umutima we kurarikira ibibi,

Оят: 41

فَإِنَّ ٱلۡجَنَّةَ هِيَ ٱلۡمَأۡوَىٰ

Mu by’ukuri, ubusitani (Ijuru) buzaba ubuturo (bwe).

Оят: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

(Abahakanyi) barakubaza (yewe Muhamadi) ku bijyanye n’igihe imperuka izabera

Оят: 43

فِيمَ أَنتَ مِن ذِكۡرَىٰهَآ

Nta bumenyi ufite bwo kugira icyo uyivugaho,

Оят: 44

إِلَىٰ رَبِّكَ مُنتَهَىٰهَآ

Ubumenyi bwayo bwihariye Nyagasani wawe.

Оят: 45

إِنَّمَآ أَنتَ مُنذِرُ مَن يَخۡشَىٰهَا

Ahubwo wowe (Muhamadi) nta kindi uri cyo uretse kuba uri umuburizi w’abatinya (umunsi w’imperuka).

Оят: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Umunsi bazawubona, bazamera nk’aho babaye ku isi ikigoroba kimwe cyangwa igitondo kimwe.