Маънолар таржимаси Сура Нажм - Қуръон Карим мухтасар тафсирининг қирғизча таржимаси - Бет рақами 528 - Қуръони Карим қомуси

Оят: 45

وَأَنَّهُۥ خَلَقَ ٱلزَّوۡجَيۡنِ ٱلذَّكَرَ وَٱلۡأُنثَىٰ

Ал эркек жана ургаачы кылып жуптарды жаратты.

Оят: 46

مِن نُّطۡفَةٍ إِذَا تُمۡنَىٰ

Жатынга жайгашкан бел суудан.

Оят: 47

وَأَنَّ عَلَيۡهِ ٱلنَّشۡأَةَ ٱلۡأُخۡرَىٰ

Аларды өлгөндөн кийин кайра жаратуу Анын милдети.

Оят: 48

وَأَنَّهُۥ هُوَ أَغۡنَىٰ وَأَقۡنَىٰ

Ал Өзү каалаганын мал-мүлккө ээ кылып байытты жана адамдар ээлик кылган мал-мүлктөн берди.

Оят: 49

وَأَنَّهُۥ هُوَ رَبُّ ٱلشِّعۡرَىٰ

Ал кээ бир мушриктер Аллах менен катар сыйынган Сириус жылдызынын да Раббиси.

Оят: 50

وَأَنَّهُۥٓ أَهۡلَكَ عَادًا ٱلۡأُولَىٰ

Ал Худдун коому болгон байыркы Аадды каапырлыктан кайтпагандыгы үчүн жок кылды.

Оят: 51

وَثَمُودَاْ فَمَآ أَبۡقَىٰ

Жана Салихтин коому Самудду да жок кылды. Алардан эч ким калган жок.

Оят: 52

وَقَوۡمَ نُوحٖ مِّن قَبۡلُۖ إِنَّهُمۡ كَانُواْ هُمۡ أَظۡلَمَ وَأَطۡغَىٰ

Ал Аад менен Самудга чейин Нухтун коомун жок кылган. Чындыгында Нухтун коому Аад менен Самуддан өткөн залым жана чектен чыккандардан эле. Анткени Нух алардын арасында 950 жыл жашап, аларды жалгыз Аллахка сыйынууга чакырган. Бирок алар ага жооп беришкен эмес.

Оят: 53

وَٱلۡمُؤۡتَفِكَةَ أَهۡوَىٰ

Ал Лут коомунун шаарын асманга көтөрүп, кийин аны оодарып туруп жерге таштаган.

Оят: 54

فَغَشَّىٰهَا مَا غَشَّىٰ

Ал асманга көтөрүлүп, кайра жерге түшкөндө анын үстүн жаап калды жана таштар жаады.

Оят: 55

فَبِأَيِّ ءَالَآءِ رَبِّكَ تَتَمَارَىٰ

Эй, инсан! Раббиңдин кудуреттүүлүгүн көргөзгөн кайсы аят-белгилери тууралуу талашып тартышып, алардан сабак албай жатасың?

Оят: 56

هَٰذَا نَذِيرٞ مِّنَ ٱلنُّذُرِ ٱلۡأُولَىٰٓ

Силерге жиберилген бул элчи абалкы элчилердин эле бири.

Оят: 57

أَزِفَتِ ٱلۡأٓزِفَةُ

Жакындоочу кыямат жакындап калды.

Оят: 58

لَيۡسَ لَهَا مِن دُونِ ٱللَّهِ كَاشِفَةٌ

Аны Аллахтан башка эч ким кайтара албайт жана эч ким биле албайт.

Оят: 59

أَفَمِنۡ هَٰذَا ٱلۡحَدِيثِ تَعۡجَبُونَ

Силерге окулуп жаткан бул Куран Аллахтан экенине таң калып жатасыңарбы?

Оят: 60

وَتَضۡحَكُونَ وَلَا تَبۡكُونَ

Силер андагы осуяттарды укканда ыйлагандын ордуна анын үстүнөн күлүп шылдыңдап жатасыңарбы?

Оят: 61

وَأَنتُمۡ سَٰمِدُونَ

Силер ага жеңил карап, көңүл бурбай жатасыңарбы?

Оят: 62

فَٱسۡجُدُواْۤ لِلَّهِۤ وَٱعۡبُدُواْ۩

Аллахка гана сажда кылгыла жана Ага чын ыкластан ибадат кылгыла!

Ушбу саҳифадаги оят фойдаларидан:

• عدم التأثر بالقرآن نذير شؤم.

Курандан таасир албоо – жамандыктын белгиси.

• خطر اتباع الهوى على النفس في الدنيا والآخرة.

Напси каалоолорго ээрчүүнүн дүйнөдөгү жана акыреттеги коркунучу.

• عدم الاتعاظ بهلاك الأمم صفة من صفات الكفار.

Коомдордун кыйроосунан сабак албоо – каапырлардын сыпаттарынан.