Маънолар таржимаси Сура вал-Одиёт сураси - Тожикча таржима, мутаржим: Орифий - Қуръони Карим қомуси

Сураи Одиёт (Аспони даванда)

Оят: 1

وَٱلۡعَٰدِيَٰتِ ضَبۡحٗا

Савганд ба аспҳои даванда, ки нафасзанон [ба сӯйи майдони ҷиҳод] пеш мерафтанд

Оят: 2

فَٱلۡمُورِيَٰتِ قَدۡحٗا

Ва савганд ба аспҳое, ки [бо бархӯрди сумҳояшон ба сангҳо] шарораи [оташ] эҷод карданд

Оят: 3

فَٱلۡمُغِيرَٰتِ صُبۡحٗا

Боз савганд ба аспҳое, ки дар субҳгоҳон [бар душман] юриш баранд

Оят: 4

فَأَثَرۡنَ بِهِۦ نَقۡعٗا

Пас, дар он ҳангом гарду ғубор барангезанд

Оят: 5

فَوَسَطۡنَ بِهِۦ جَمۡعًا

Он гоҳ ба миёни [сипоҳи душман] дароянд

Оят: 6

إِنَّ ٱلۡإِنسَٰنَ لِرَبِّهِۦ لَكَنُودٞ

Яқинан, инсон дар баробари [неъматҳои] Парвардигораш бисёр носипос аст

Оят: 7

وَإِنَّهُۥ عَلَىٰ ذَٰلِكَ لَشَهِيدٞ

Ва бе гумон, ӯ бар ин [носипосӣ] гувоҳ аст

Оят: 8

وَإِنَّهُۥ لِحُبِّ ٱلۡخَيۡرِ لَشَدِيدٌ

Ва ҳамоно ӯ алоқаи фаровоне ба мол [-и дунё] дорад

Оят: 9

۞ أَفَلَا يَعۡلَمُ إِذَا بُعۡثِرَ مَا فِي ٱلۡقُبُورِ

Оё ӯ намедонад, ки дар он рӯз он чи дар гурҳост, [ҳама зинда ва] барангехта шаванд?

Оят: 10

وَحُصِّلَ مَا فِي ٱلصُّدُورِ

Ва он чи дар синаҳост, [ҳама] ошкор гардад

Оят: 11

إِنَّ رَبَّهُم بِهِمۡ يَوۡمَئِذٖ لَّخَبِيرُۢ

Яқинан, дар он рӯз Парвардигорашон ба [вазъу ҳоли] эшон комилан огоҳ аст