含义的翻译 章 阿舍也 - 阿萨姆邦语翻译。 - 《古兰经》合辑

ছুৰা আল-গাশ্বিয়াহ

段: 1

هَلْ اَتٰىكَ حَدِیْثُ الْغَاشِیَةِ ۟ؕ

তোমাৰ ওচৰলৈ আচ্ছন্নকাৰী (ক্বিয়ামতৰ) সংবাদ আহিছেনে?

段: 2

وُجُوْهٌ یَّوْمَىِٕذٍ خَاشِعَةٌ ۟ۙ

সেইদিনা কিছুমান মুখমণ্ডল হ’ব অৱনত,

段: 3

عَامِلَةٌ نَّاصِبَةٌ ۟ۙ

কৰ্মক্লান্ত, পৰিশ্ৰান্ত,

段: 4

تَصْلٰی نَارًا حَامِیَةً ۟ۙ

সিহঁতে প্ৰৱেশ কৰিব জ্বলন্ত জুইত;

段: 5

تُسْقٰی مِنْ عَیْنٍ اٰنِیَةٍ ۟ؕ

(সিহঁতক) উত্তপ্ত উতলা নিজৰাৰ পানী পান কৰিবলৈ দিয়া হ’ব;

段: 6

لَیْسَ لَهُمْ طَعَامٌ اِلَّا مِنْ ضَرِیْعٍ ۟ۙ

সিহঁতৰ বাবে কাঁইটবিশিষ্ট ঘাঁহৰ বাহিৰে আন কোনো খাদ্য নাথাকিব,

段: 7

لَّا یُسْمِنُ وَلَا یُغْنِیْ مِنْ جُوْعٍ ۟ؕ

এই খাদ্যই সিহঁতৰ পুষ্টিও সাধন নকৰিব আৰু ক্ষুধাও নিবৃত্ত নকৰিব।

段: 8

وُجُوْهٌ یَّوْمَىِٕذٍ نَّاعِمَةٌ ۟ۙ

সেইদিনা কিছুমান মুখমণ্ডল হ’ব আনন্দোজ্জ্বল,

段: 9

لِّسَعْیِهَا رَاضِیَةٌ ۟ۙ

নিজৰ কৰ্মৰ সাফল্যত পৰিতৃপ্ত,

段: 10

فِیْ جَنَّةٍ عَالِیَةٍ ۟ۙ

(তেওঁলোকে স্থান পাব) সুউচ্চ জান্নাতত,

段: 11

لَّا تَسْمَعُ فِیْهَا لَاغِیَةً ۟ؕ

তাত তেওঁলোকে কোনো অনৰ্থক কথা শুনিবলৈ নাপাব,

段: 12

فِیْهَا عَیْنٌ جَارِیَةٌ ۟ۘ

তাত থাকিব প্ৰবাহমান নিজৰা,

段: 13

فِیْهَا سُرُرٌ مَّرْفُوْعَةٌ ۟ۙ

তাত থাকিব উন্নত শয্যাসমূহ,

段: 14

وَّاَكْوَابٌ مَّوْضُوْعَةٌ ۟ۙ

আৰু প্ৰস্তুত থাকিব পানপাত্ৰসমূহ,

段: 15

وَّنَمَارِقُ مَصْفُوْفَةٌ ۟ۙ

আৰু শাৰী শাৰীকৈ ৰখা গাৰুসমূহ,

段: 16

وَّزَرَابِیُّ مَبْثُوْثَةٌ ۟ؕ

আৰু বিস্তৃত পাৰি থোৱা দলিচাসমূহ,

段: 17

اَفَلَا یَنْظُرُوْنَ اِلَی الْاِبِلِ كَیْفَ خُلِقَتْ ۟ۥ

ইহঁতে উটৰ পিনে দৃষ্টিপাত নকৰে নেকি, কেনেকৈ তাক সৃষ্টি কৰা হৈছে?

段: 18

وَاِلَی السَّمَآءِ كَیْفَ رُفِعَتْ ۟ۥ

আৰু আকাশৰ ফালে, কেনেকৈ তাক উৰ্দ্ধত স্থাপন কৰা হৈছে?

段: 19

وَاِلَی الْجِبَالِ كَیْفَ نُصِبَتْ ۟ۥ

আৰু পৰ্বতসমূহৰ ফালে, সেইবোৰ কেনেকৈ প্ৰতিষ্ঠিত কৰা হৈছে?

段: 20

وَاِلَی الْاَرْضِ كَیْفَ سُطِحَتْ ۟

আৰু পৃথিৱীখনৰ ফালে, কিদৰে তাক বিস্তৃত কৰা হৈছে?

段: 21

فَذَكِّرْ ۫— اِنَّمَاۤ اَنْتَ مُذَكِّرٌ ۟ؕ

এতেকে তুমি উপদেশ দিয়া, তুমিতো কেৱল এজন উপদেশদাতা,

段: 22

لَسْتَ عَلَیْهِمْ بِمُصَۜیْطِرٍ ۟ۙ

তুমি সিহঁতৰ ওপৰত শক্তি প্ৰয়োগকাৰী নহয়।

段: 23

اِلَّا مَنْ تَوَلّٰی وَكَفَرَ ۟ۙ

কিন্তু কোনোবাই মুখ ঘূৰাই ল’লে অথবা কুফৰী কৰিলে,

段: 24

فَیُعَذِّبُهُ اللّٰهُ الْعَذَابَ الْاَكْبَرَ ۟ؕ

তেন্তে আল্লাহে তাক মহাশাস্তি প্ৰদান কৰিব।

段: 25

اِنَّ اِلَیْنَاۤ اِیَابَهُمْ ۟ۙ

নিশ্চয় আমাৰ ওচৰতেই সিহঁতৰ প্ৰত্যাৱৰ্তন।

段: 26

ثُمَّ اِنَّ عَلَیْنَا حِسَابَهُمْ ۟۠

আৰু সিহঁতৰ হিচাপ-নিকাচ আমাৰেই দায়িত্ব।