含义的翻译 章 哈吉拉特 - 切尔克斯语翻译 - 拉瓦德翻译中心。 - 页码 517 - 《古兰经》合辑

段: 12

يَٰٓأَيُّهَا ٱلَّذِينَ ءَامَنُواْ ٱجۡتَنِبُواْ كَثِيرٗا مِّنَ ٱلظَّنِّ إِنَّ بَعۡضَ ٱلظَّنِّ إِثۡمٞۖ وَلَا تَجَسَّسُواْ وَلَا يَغۡتَب بَّعۡضُكُم بَعۡضًاۚ أَيُحِبُّ أَحَدُكُمۡ أَن يَأۡكُلَ لَحۡمَ أَخِيهِ مَيۡتٗا فَكَرِهۡتُمُوهُۚ وَٱتَّقُواْ ٱللَّهَۚ إِنَّ ٱللَّهَ تَوَّابٞ رَّحِيمٞ

Уэ, Iиман къэзыхьахэ, гугъэ куэдхэр фымыщI, ипэжыпIэкIэ гугъэ фщIы гуэрхэр гуэныхьщ. ИкIи зыр адрейм фыкIэлъымыплъ, зыр адрейми фытемыпсэлъыхь. И къуэш лIам и лыр ишхыну фIэфIу ара фэ фщыщ гуэрым, ар фи гум темыхуэу? Алыхьым фыщышынэ, ипэжыпIэкIэ, Алыхьыр Зыгъэгъущ, ГущIэгъущIщ.

段: 13

يَٰٓأَيُّهَا ٱلنَّاسُ إِنَّا خَلَقۡنَٰكُم مِّن ذَكَرٖ وَأُنثَىٰ وَجَعَلۡنَٰكُمۡ شُعُوبٗا وَقَبَآئِلَ لِتَعَارَفُوٓاْۚ إِنَّ أَكۡرَمَكُمۡ عِندَ ٱللَّهِ أَتۡقَىٰكُمۡۚ إِنَّ ٱللَّهَ عَلِيمٌ خَبِيرٞ

Уэ, цIыхухэ! Дэ цIыхухъумрэ цIыхубзымрэ факъытедгъэхъукIащ, цIыхубэрэ лъэпкъхэурэ фызэщхьэщыдгъэкIащ фыкъызэрыщIэным щхьэкIэ. Алыхьым и деж ипэжыпIэкIэ нэхъ лъапIэр нэхъ тхьэшынагъуэ зыхэлъыращ фэ фщыщу. ИпэжыпIэкIэ, Алыхьыр ЗыщIэщ, Щыгъуазэщ.

段: 14

۞ قَالَتِ ٱلۡأَعۡرَابُ ءَامَنَّاۖ قُل لَّمۡ تُؤۡمِنُواْ وَلَٰكِن قُولُوٓاْ أَسۡلَمۡنَا وَلَمَّا يَدۡخُلِ ٱلۡإِيمَٰنُ فِي قُلُوبِكُمۡۖ وَإِن تُطِيعُواْ ٱللَّهَ وَرَسُولَهُۥ لَا يَلِتۡكُم مِّنۡ أَعۡمَٰلِكُمۡ شَيۡـًٔاۚ إِنَّ ٱللَّهَ غَفُورٞ رَّحِيمٌ

Бедуинхэм жаIащ: "Дэ Iиман къэтхьащ". ЖыIэ: "Фэ Iиман къэфхьакъым, атIэ жыфIэ: "Дэ муслъымэн дыхъуащ". Iиманыр фигухэм ихьакъым иджыри. Алыхьымрэ и лIыкIуэмрэ фыхуэжыIэщIэмэ, Абы зыкIи фщIахэр игъэцIыкIунукъым. ИпэжыпIэкIэ, Алыхьыр Зыгъэгъущ, ГущIэгъущIщ".

段: 15

إِنَّمَا ٱلۡمُؤۡمِنُونَ ٱلَّذِينَ ءَامَنُواْ بِٱللَّهِ وَرَسُولِهِۦ ثُمَّ لَمۡ يَرۡتَابُواْ وَجَٰهَدُواْ بِأَمۡوَٰلِهِمۡ وَأَنفُسِهِمۡ فِي سَبِيلِ ٱللَّهِۚ أُوْلَٰٓئِكَ هُمُ ٱلصَّٰدِقُونَ

МуIуминхэр Алыхьымрэ и лIыкIуэмрэ зи фIэщ хъуахэращ, итIанэ шэч къытезымыхьэхэр, Алыхьым и цIэкIэ я мылъкукIи, я псэхэкIи зауэхэр. Ахэращ къэзыгъэпэжахэр.

段: 16

قُلۡ أَتُعَلِّمُونَ ٱللَّهَ بِدِينِكُمۡ وَٱللَّهُ يَعۡلَمُ مَا فِي ٱلسَّمَٰوَٰتِ وَمَا فِي ٱلۡأَرۡضِۚ وَٱللَّهُ بِكُلِّ شَيۡءٍ عَلِيمٞ

ЖыIэ: "Алыхьым евгъащIэу ара фи диныр? Алыхьым ещIэр уафэхэми щыIэр, щIылъэми щыIэр, Алыхьым сытри ещIэр".

段: 17

يَمُنُّونَ عَلَيۡكَ أَنۡ أَسۡلَمُواْۖ قُل لَّا تَمُنُّواْ عَلَيَّ إِسۡلَٰمَكُمۖ بَلِ ٱللَّهُ يَمُنُّ عَلَيۡكُمۡ أَنۡ هَدَىٰكُمۡ لِلۡإِيمَٰنِ إِن كُنتُمۡ صَٰدِقِينَ

Абыхэм къыуаIуэкIыу ара Ислам диныр къызэращтар? ЖыIэ: "Фэ Исламыр къызэрыфщтар къызэвмыIуэкI, атIэ Алыхьым фIыщIэ къыфхуищIауэ аращ Iиманым фыхуишэри, а жыфIэр пэжу щытмэ езы".

段: 18

إِنَّ ٱللَّهَ يَعۡلَمُ غَيۡبَ ٱلسَّمَٰوَٰتِ وَٱلۡأَرۡضِۚ وَٱللَّهُ بَصِيرُۢ بِمَا تَعۡمَلُونَ

Алыхьым ещIэр уафэхэми щIылъэми щыущэхуар, Алыхьым елъагъур фэ фщIэр.