含义的翻译 章 给亚迈 - 卢旺达文翻译 - 卢旺达穆斯林协会 - 《古兰经》合辑

Al Qiyamat

段: 1

لَآ أُقۡسِمُ بِيَوۡمِ ٱلۡقِيَٰمَةِ

Ndahiye umunsi w’izuka,

段: 2

وَلَآ أُقۡسِمُ بِٱلنَّفۡسِ ٱللَّوَّامَةِ

Nanarahiye umutima (w’umwemeramana) ugaya nyirawo (kubera guteshuka ku nzira igororotse).

段: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Ese umuntu (w’umuhakanyi) akeka ko tutazakoranya amagufa ye (tumuzura)?

段: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Ni byo! Dushoboye no kuringaniza imitwe y’intoki ze (imirongo iyiriho igasubira nk’uko yari imeze mbere).

段: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Ahubwo umuntu (ahakana izuka) ashaka icyatuma akomeza kwibera mu bwangizi!

段: 6

يَسۡـَٔلُ أَيَّانَ يَوۡمُ ٱلۡقِيَٰمَةِ

Abaza (akerensa) ati “Uwo munsi w’izuka uzaba ryari?”

段: 7

فَإِذَا بَرِقَ ٱلۡبَصَرُ

(Uwo munsi uzaba) igihe amaso azakanaguzwa (kubera ubwoba),

段: 8

وَخَسَفَ ٱلۡقَمَرُ

N’ukwezi kukazima,

段: 9

وَجُمِعَ ٱلشَّمۡسُ وَٱلۡقَمَرُ

Ndetse izuba n’ukwezi bigahurizwa hamwe (kimwe kikinjira mu kindi).

段: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

Icyo gihe umuntu azavuga ati “Ni he ho guhungira?”

段: 11

كَلَّا لَا وَزَرَ

(Azabwirwa ati) “Oya! Nta ho guhungira hahari!”

段: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

Kuri uwo munsi, igarukiro rizaba ari kwa Nyagasani wawe (wenyine).

段: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

Kuri uwo munsi, umuntu azabwirwa ibyo yakoze mbere n’ibyo yaherutse (byaba ibyiza cyangwa ibibi).

段: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Ahubwo umuntu azibera umuhamya w’ibyo yakoze (kuko ingingo z’umubiri we ari zo zizamushinja ibyo yakoze).

段: 15

وَلَوۡ أَلۡقَىٰ مَعَاذِيرَهُۥ

Kabone n’ubwo yatanga impamvu ze (agamije kwiregura).

段: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

(Yewe Muhamadi), ntukanyeganyeze ururimi rwawe kubera ubwira ngo (Qur’an) itagucika (ugira ngo uvuge ibyo uhishurirwa, ahubwo ujye utega amatwi wumve ibyo uba uhishurirwa na Malayika Jibrilu).

段: 17

إِنَّ عَلَيۡنَا جَمۡعَهُۥ وَقُرۡءَانَهُۥ

Mu by’ukuri ni twe tuzayikusanyiriza (mu gituza cyawe) kandi ni natwe tuzakwigisha kuyisoma (Qur’an),

段: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Nituyigusomera (binyuze kuri Malayika wacu), ujye ukurikira isomwa ryayo.

段: 19

ثُمَّ إِنَّ عَلَيۡنَا بَيَانَهُۥ

Hanyuma ni twe (Allah) tuzayigusobanurira.

段: 20

كَلَّا بَلۡ تُحِبُّونَ ٱلۡعَاجِلَةَ

(Ibyo mukeka ko mutazazurwa mukanabazwa ibyo mwakoze) si ko biri; ahubwo mukunda ubuzima bwo ku isi butaramba,

段: 21

وَتَذَرُونَ ٱلۡأٓخِرَةَ

Mukirengagiza imperuka.

段: 22

وُجُوهٞ يَوۡمَئِذٖ نَّاضِرَةٌ

Kuri uwo munsi, uburanga (bw’abemeramana) buzaba burabagirana,

段: 23

إِلَىٰ رَبِّهَا نَاظِرَةٞ

Bureba Nyagasani wabwo.

段: 24

وَوُجُوهٞ يَوۡمَئِذِۭ بَاسِرَةٞ

Kuri uwo munsi kandi, uburanga (bw’abahakanyi) buzaba bwijimye,

段: 25

تَظُنُّ أَن يُفۡعَلَ بِهَا فَاقِرَةٞ

Bibaza ko bagiye guhura n’ishyano.

段: 26

كَلَّآ إِذَا بَلَغَتِ ٱلتَّرَاقِيَ

Uramenye (utazarutisha isi imperuka, kuko) iyo (roho) igeze mu ngoto (igihe cyo gupfa),

段: 27

وَقِيلَ مَنۡۜ رَاقٖ

Hanyuma hakavugwa ngo “Ni nde wamutabara (akamurinda urupfu)?”

段: 28

وَظَنَّ أَنَّهُ ٱلۡفِرَاقُ

Nuko (ugiye gupfa) akamenya ko igihe cyo gutandukana (gupfa) cyageze.

段: 29

وَٱلۡتَفَّتِ ٱلسَّاقُ بِٱلسَّاقِ

Maze (kubera ububabare bwo gukurwamo roho), ukuguru kwe kuzahuzwa n’ukundi.

段: 30

إِلَىٰ رَبِّكَ يَوۡمَئِذٍ ٱلۡمَسَاقُ

Kuri uwo munsi, (wowe muntu ukuwemo roho) uzerekezwa kwa Nyagasani wawe.

段: 31

فَلَا صَدَّقَ وَلَا صَلَّىٰ

Ariko (umuhakanyi) ntiyigeze yemera ndetse nta n’ubwo yigeze asali,

段: 32

وَلَٰكِن كَذَّبَ وَتَوَلَّىٰ

Ahubwo yahinyuye (Qur’an) maze ayitera umugongo,

段: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Hanyuma akagenda yibona yerekeza mu muryango we,

段: 34

أَوۡلَىٰ لَكَ فَأَوۡلَىٰ

Ufite akaga (yewe muntu w’umuhakanyi)! Kandi na none ufite akaga!

段: 35

ثُمَّ أَوۡلَىٰ لَكَ فَأَوۡلَىٰٓ

Nyamara ufite akaga (yewe muntu w’umuhakanyi)! Kandi ufite akaga!

段: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Ese umuntu yibwira ko azarekwa gusa (atabajijwe ibyo yakoze ngo abihemberwe cyangwa ngo abihanirwe)?

段: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Ese ntiyari intanga mu masohoro asohowe?

段: 38

ثُمَّ كَانَ عَلَقَةٗ فَخَلَقَ فَسَوَّىٰ

Hanyuma akaba urusoro rw’amaraso, maze Allah akamurema, akanamutunganya (akaba umuntu wuzuye)?

段: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Maze akamuremamo ibitsina bibiri: gabo na gore,

段: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Ese uwo (Allah ukora ibyo) si We ushoboye kuzura abapfuye?