含义的翻译 章 瓦格尔 - 乌兹别克语翻译 - 阿拉乌丁·曼苏尔。 - 页码 534 - 《古兰经》合辑

Воқеъа

段: 1

إِذَا وَقَعَتِ ٱلۡوَاقِعَةُ

1. Қачон Воқеа — Қиёмат воқеъ бўлса,

И з о ҳ. Яъни, аниқ тушгувчи бўлган Қиёмат соати келганида, ҳаёти дунёда Аллоҳ таоло шаънига ёлғон тўқиб юрган кимсалардан биронтаси ёлғон сўзлай олмай қолади.

段: 2

لَيۡسَ لِوَقۡعَتِهَا كَاذِبَةٌ

2. У воқеъ бўлган чоғда бирон ёлғон сўзлагувчи бўлмас.

段: 3

خَافِضَةٞ رَّافِعَةٌ

3. (Қиёмат кофирларни дўзахга дучор этиш билан) паст қилгувчи, (мўминларни эса жаннатга киритиш билан) баланд қилгувчидир.

И з о ҳ. Яъни, бу дунёда нафслари истаган хирсу ҳавасларга муккадан кетиб, мол-давлат ва салтанатлари билан ҳаволаниб юрган динсиз-иймонсиз кимсаларни Қиёматда энг тубан дўзахга ташлаш билан паст қилиб қўяр, аммо бу ҳаёти дунёда мудом рўй бериб турадиган зулму ситам ва ҳақсизлик азобидан эзилиб юрсалар-да, ўз иймон-эътиқодларида устивор бўлган мўмин-мусулмонларни эса жаннатлардаги баланд мақомларга кўтарур.

段: 4

إِذَا رُجَّتِ ٱلۡأَرۡضُ رَجّٗا

4. (У кунда) Ер (қаттиқ) ларзага келди;

段: 5

وَبُسَّتِ ٱلۡجِبَالُ بَسّٗا

5. Тоғлар титилди;

段: 6

فَكَانَتۡ هَبَآءٗ مُّنۢبَثّٗا

6. Ва чанг-тўзонга айланди.

段: 7

وَكُنتُمۡ أَزۡوَٰجٗا ثَلَٰثَةٗ

7. Ва сизлар уч синф-тоифа бўлиб қолдингизлар.

段: 8

فَأَصۡحَٰبُ ٱلۡمَيۡمَنَةِ مَآ أَصۡحَٰبُ ٱلۡمَيۡمَنَةِ

8. Бас, (у уч тоифадан биринчиси) ўнг томон эгаларидир. Ўнг томон эгалари (бўлмоқ) не (саодат)дир!

И з о ҳ. Ўнг томон эгалари ҳаёти дунёдан иймон-эътиқод билан ўтганлари сабабли Қиёмат Кунида номаи-аъмоллари ўнг томонларидан берилиб, жаннат неъматларига сазовор бўлган саодатманд кишилардир. Чап томон эгалари эса ҳаёти дунёдан куфру исён билан ўтганлари сабабли Қиёмат Кунида номаи-аъмоллари чап томонларидан берилиб, дўзахга гирифтор бўлган бадбахт кимсалардир.

段: 9

وَأَصۡحَٰبُ ٱلۡمَشۡـَٔمَةِ مَآ أَصۡحَٰبُ ٱلۡمَشۡـَٔمَةِ

9. (Иккинчи тоифа) шум-чап томон эгаларидир. Шум-чап томон эгалари (бўлмоқ) не (бахтсизлик)дир!

段: 10

وَٱلسَّٰبِقُونَ ٱلسَّٰبِقُونَ

10. (Учинчи тоифа бўлмиш барча яхши амалларга) пешқадам бўлгувчи зотлар (жаннат неъматларига эришишида ҳам) пешқадам бўлгувчи зотлардир!

段: 11

أُوْلَٰٓئِكَ ٱلۡمُقَرَّبُونَ

11. Ана ўшалар (Аллоҳ таолога) яқин қилингувчилардир.

段: 12

فِي جَنَّٰتِ ٱلنَّعِيمِ

12. (Улар) ноз-неъмат боғларидадирлар.

段: 13

ثُلَّةٞ مِّنَ ٱلۡأَوَّلِينَ

13. (У пешқадамлар) аввалги (уммат)лардан кўпчилик,

段: 14

وَقَلِيلٞ مِّنَ ٱلۡأٓخِرِينَ

14. кейингилардан (яъни, Муҳаммад алайҳис-салоту вас-салом умматларидан) эса оздир.

И з о ҳ. Яъни, Одам алайҳиссаломдан тортиб, то Муҳаммад алайҳис-салоту вас-саломгача, ўтган барча пайғамбарларга иймон келтирган ва уларнинг ёнларида туриб Аллоҳ таоло буюрган динга даъват қилишда ёрдамчи бўлган аввалги умматлар орасидаги пешқадам зотларнинг саноқларига нисбатан Муҳаммад алайҳис-салоту вас-салом умматлари ўртасидаги пешқадам зотларнинг сонлари оздир.

段: 15

عَلَىٰ سُرُرٖ مَّوۡضُونَةٖ

15. (Улар олтиндан) тўқилган сўриларда

段: 16

مُّتَّكِـِٔينَ عَلَيۡهَا مُتَقَٰبِلِينَ

16. ястанган ҳолларида бир-бирларига рўбарў бўлиб (ўлтирурлар).