የቅዱስ ቁርዓን ይዘት ትርጉም - ስዋሂሊኛ ትርጉም - በዓሊይ ሙሕሲን አል-በርዋሊይ * - የትርጉሞች ማዉጫ
Surat Al-A'la
سَبِّحِ ٱسۡمَ رَبِّكَ ٱلۡأَعۡلَى
Litakase jina la Mola wako Mlezi lilio tukufu na kila kitu kisicho kuwa kinaelekeana nalo.
የአረብኛ ቁርኣን ማብራሪያ:
ٱلَّذِي خَلَقَ فَسَوَّىٰ
Aliye umba kila kitu, na akajaalia uumbaji wote sawa sawa katika hukumu na kupangana.
የአረብኛ ቁርኣን ማብራሪያ:
وَٱلَّذِي قَدَّرَ فَهَدَىٰ
Na akakadiria kwa kila kitu kwa mujibu wa maslaha yake, na akakiongoza.
የአረብኛ ቁርኣን ማብራሪያ:
وَٱلَّذِيٓ أَخۡرَجَ ٱلۡمَرۡعَىٰ
Na ambaye akatoa kwenye ardhi mimea namna mbali mbali ya kuwalisha wanyama.
የአረብኛ ቁርኣን ማብራሪያ:
فَجَعَلَهُۥ غُثَآءً أَحۡوَىٰ
Na akaifanya mimea hiyo baada ya kuwa kijani imestawi, ikakauka na imekuwa myeusi!
የአረብኛ ቁርኣን ማብራሪያ:
سَنُقۡرِئُكَ فَلَا تَنسَىٰٓ
Ewe Muhammad! Sisi tutakujaalia uwe ni mwenye kuisoma Qur'ani kwa ufunuo kutoka kwetu, na wala hutosahau utacho kihifadhi.
የአረብኛ ቁርኣን ማብራሪያ:
إِلَّا مَا شَآءَ ٱللَّهُۚ إِنَّهُۥ يَعۡلَمُ ٱلۡجَهۡرَ وَمَا يَخۡفَىٰ
Isipo kuwa anacho taka Mwenyezi Mungu ukisahau, kwani hakika Yeye Mtukufu anayajua wanayo yadhihirisha waja wake na wanayo yaficha, ikiwa maneno au vitendo.
የአረብኛ ቁርኣን ማብራሪያ:
وَنُيَسِّرُكَ لِلۡيُسۡرَىٰ
Na tutakuwezesha kupita njia ya kufikilia kwa wepesi mambo yako yote.
የአረብኛ ቁርኣን ማብራሪያ:
فَذَكِّرۡ إِن نَّفَعَتِ ٱلذِّكۡرَىٰ
Basi wakumbushe watu ikiwa kukumbusha kutaleta manufaa, kwani inavyo faa ndio kuwanafiisha.
የአረብኛ ቁርኣን ማብራሪያ:
سَيَذَّكَّرُ مَن يَخۡشَىٰ
Watanafiika kwa ukumbusho wako wanao mwogopa Mwenyezi Mungu.
የአረብኛ ቁርኣን ማብራሪያ:
وَيَتَجَنَّبُهَا ٱلۡأَشۡقَى
Na atajitenga na ukumbusho mpotovu anaye shikilia kufanya inda na ukafiri.
የአረብኛ ቁርኣን ማብራሪያ:
ٱلَّذِي يَصۡلَى ٱلنَّارَ ٱلۡكُبۡرَىٰ
Ambaye ataingia kwenye Moto mkubwa ulio andaliwa kuwa ndio malipo yake.
የአረብኛ ቁርኣን ማብራሪያ:
ثُمَّ لَا يَمُوتُ فِيهَا وَلَا يَحۡيَىٰ
Tena hatokufa huko Motoni akapumzika kwa kifo, wala hawi hai kwa uhai wa kustarehe nao.
የአረብኛ ቁርኣን ማብራሪያ:
قَدۡ أَفۡلَحَ مَن تَزَكَّىٰ
Hakika amefuzu mwenye kujisafisha na ukafiri na maasi.
የአረብኛ ቁርኣን ማብራሪያ:
وَذَكَرَ ٱسۡمَ رَبِّهِۦ فَصَلَّىٰ
Na akalikumbuka jina la Muumba wake kwa moyo wake na ulimi wake, na akaswali kwa unyenyekevu kama itakikanavyo.
የአረብኛ ቁርኣን ማብራሪያ:
بَلۡ تُؤۡثِرُونَ ٱلۡحَيَوٰةَ ٱلدُّنۡيَا
Bali nyinyi hamfanyi hayo yanayo pelekea kufanikiwa, lakini katika hima zenu mnatanguliza maisha ya duniani kuliko ya Akhera.
የአረብኛ ቁርኣን ማብራሪያ:
وَٱلۡأٓخِرَةُ خَيۡرٞ وَأَبۡقَىٰٓ
Na Akhera ni bora kuliko dunia, kwa usafi wa neema zake, na ni yenye kubaki na kudumu zaidi.
የአረብኛ ቁርኣን ማብራሪያ:
إِنَّ هَٰذَا لَفِي ٱلصُّحُفِ ٱلۡأُولَىٰ
Hakika haya yote yaliyo tajwa katika Sura hii bila ya shaka yamethibitishwa katika Vitabu vya zamani,
የአረብኛ ቁርኣን ማብራሪያ:
صُحُفِ إِبۡرَٰهِيمَ وَمُوسَىٰ
Vitabu vya Ibrahimu na Musa; kwani haya yamewafikiana na mafunzo ya dini zote na yamesajiliwa katika Vitabu vya mbinguni.
የአረብኛ ቁርኣን ማብራሪያ:
የይዘት ትርጉም ምዕራፍ: ሱረቱ አል አዕላ
የቅዱስ ቁርዓን ይዘት ትርጉም - ስዋሂሊኛ ትርጉም - በዓሊይ ሙሕሲን አል-በርዋሊይ - የትርጉሞች ማዉጫ
የተከበረው ቁርአን ስዋሂሊኛ መልዕክተ ትርጉም - በዓሊይ ሙሕሲን አል-በርዋሊይ