ترجمة معاني سورة عبس - الترجمة البشتوية - زكريا - موسوعة القرآن الكريم

سورة عبس - عبس

آية: 1

عَبَسَ وَتَوَلّٰۤی ۟ۙ

80-1 ده تندى تریو كړ او مخ يې وګرځاوه

آية: 2

اَنْ جَآءَهُ الْاَعْمٰى ۟ؕ

80-2 په دې وجه چې ده ته ړوند راغى

آية: 3

وَمَا یُدْرِیْكَ لَعَلَّهٗ یَزَّ ۟ۙ

80-3 او ته څه شي پوه كړى يې، ښايي چې دى پاك شي

آية: 4

اَوْ یَذَّكَّرُ فَتَنْفَعَهُ الذِّكْرٰى ۟ؕ

80-4 یا به دى نصیحت (او پند) واخلي، نو ده ته به پند نفع ورسوي

آية: 5

اَمَّا مَنِ اسْتَغْنٰى ۟ۙ

80-5 هر چې هغه څوك دى چې استغنا يې كړې ده

آية: 6

فَاَنْتَ لَهٗ تَصَدّٰى ۟ؕ

80-6 نو ته په هغه پسې كېږې

آية: 7

وَمَا عَلَیْكَ اَلَّا یَزَّكّٰى ۟ؕ

80-7 حال دا چې په تا هېڅ الزام نشته چې هغه پاك نشي

آية: 8

وَاَمَّا مَنْ جَآءَكَ یَسْعٰى ۟ۙ

80-8 او هر چې هغه څوك دى چې تا ته په منډو راځي

آية: 9

وَهُوَ یَخْشٰى ۟ۙ

80-9 په داسې حال كې چې دى (له الله نه) وېرېږي

آية: 10

فَاَنْتَ عَنْهُ تَلَهّٰى ۟ۚ

80-10 نو ته له هغه نه مشغولېږې

آية: 11

كَلَّاۤ اِنَّهَا تَذْكِرَةٌ ۟ۚ

80-11 داسې كله هم مه كوه، بېشكه دا (سورت) یو پند (او نصیحت) دى

آية: 12

فَمَنْ شَآءَ ذَكَرَهٗ ۟ۘ

80-12 نو هغه څوك چې غواړي (نو) دى دې ومني

آية: 13

فِیْ صُحُفٍ مُّكَرَّمَةٍ ۟ۙ

80-13 (دغه) په عزتمنو پاڼو كې دى

آية: 14

مَّرْفُوْعَةٍ مُّطَهَّرَةٍ ۟ۙ

80-14 چې پورته كړى شوې، ښې پاكې كړى شوې دي

آية: 15

بِاَیْدِیْ سَفَرَةٍ ۟ۙ

80-15 د لیكونكو (ملايكو) په لاسونو كې

آية: 16

كِرَامٍ بَرَرَةٍ ۟ؕ

80-16 چې ډېر عزتمن، ډېر نېك دي

آية: 17

قُتِلَ الْاِنْسَانُ مَاۤ اَكْفَرَهٗ ۟ؕ

80-17 انسان دې هلاك كړى شي، دى څومره ډېر ناشكره دى!

آية: 18

مِنْ اَیِّ شَیْءٍ خَلَقَهٗ ۟ؕ

80-18 دى دغه (الله) له څه شي نه پیدا كړى دى؟

آية: 19

مِنْ نُّطْفَةٍ ؕ— خَلَقَهٗ فَقَدَّرَهٗ ۟ۙ

80-19 له نطفې نه، دى يې پیدا كړى دى، پس دى يې اندازه كړى دى

آية: 20

ثُمَّ السَّبِیْلَ یَسَّرَهٗ ۟ۙ

80-20 بیا يې ده ته لاره ور اسانه كړې ده

آية: 21

ثُمَّ اَمَاتَهٗ فَاَقْبَرَهٗ ۟ۙ

80-21 بیا يې دى مړ كړ، نو دى يې په قبر كې كېښود

آية: 22

ثُمَّ اِذَا شَآءَ اَنْشَرَهٗ ۟ؕ

80-22 بیا چې كله وغواړي دى به ژوندى كړي

آية: 23

كَلَّا لَمَّا یَقْضِ مَاۤ اَمَرَهٗ ۟ؕ

80-23 داسې نه ده، دغه (انسان) هغه كار نه دى كړى چې دغه (الله) ده ته حكم كړى دى

آية: 24

فَلْیَنْظُرِ الْاِنْسَانُ اِلٰى طَعَامِهٖۤ ۟ۙ

80-24 نو انسان دې خپل طعام ته وګوري

آية: 25

اَنَّا صَبَبْنَا الْمَآءَ صَبًّا ۟ۙ

80-25 چې بېشكه مونږ اوبه راتوى كړې دي، راتویول

آية: 26

ثُمَّ شَقَقْنَا الْاَرْضَ شَقًّا ۟ۙ

80-26 بیا مونږ ځمكه څیرې كړې ده، څیرول

آية: 27

فَاَنْۢبَتْنَا فِیْهَا حَبًّا ۟ۙ

80-27 نو مونږ په دې كې دانې را زرغونه كړي دي

آية: 28

وَّعِنَبًا وَّقَضْبًا ۟ۙ

80-28 او انګور او تركاريانې

آية: 29

وَّزَیْتُوْنًا وَّنَخْلًا ۟ۙ

80-29 او زیتون او كجورې

آية: 30

وَّحَدَآىِٕقَ غُلْبًا ۟ۙ

80-30 او ګڼ باغونه

آية: 31

وَّفَاكِهَةً وَّاَبًّا ۟ۙ

80-31 او مېوې او ګياه (واښه)

آية: 32

مَّتَاعًا لَّكُمْ وَلِاَنْعَامِكُمْ ۟ؕ

80-32 ستاسو او ستاسو د څارویو د فايدې لپاره

آية: 33

فَاِذَا جَآءَتِ الصَّآخَّةُ ۟ؗ

80-33 نو كله چې سخت اواز راشي

آية: 34

یَوْمَ یَفِرُّ الْمَرْءُ مِنْ اَخِیْهِ ۟ۙ

80-34 په هغه ورځ چې سړى به له خپل وروره تښتي

آية: 35

وَاُمِّهٖ وَاَبِیْهِ ۟ۙ

80-35 او له خپلې مور او خپل پلاره

آية: 36

وَصَاحِبَتِهٖ وَبَنِیْهِ ۟ؕ

80-36 او له خپلې ښځې او خپلو زامنو نه

آية: 37

لِكُلِّ امْرِئٍ مِّنْهُمْ یَوْمَىِٕذٍ شَاْنٌ یُّغْنِیْهِ ۟ؕ

80-37 په دوى كې د هر سړي لپاره به په دغه ورځ كې یو حال وي چې دى به (له نورو نه) بې پروا (بې غوره) كوي

آية: 38

وُجُوْهٌ یَّوْمَىِٕذٍ مُّسْفِرَةٌ ۟ۙ

80-38 څه مخونه به په دغې ورځ كې روښانه وي

آية: 39

ضَاحِكَةٌ مُّسْتَبْشِرَةٌ ۟ۚ

80-39 خندېدونكي (او) خوشاله به وي

آية: 40

وَوُجُوْهٌ یَّوْمَىِٕذٍ عَلَیْهَا غَبَرَةٌ ۟ۙ

80-40 او څه مخونه به په دغې ورځ كې پر هغو به ګرد پروت وي

آية: 41

تَرْهَقُهَا قَتَرَةٌ ۟ؕ

80-41 دغه (مخونه) به توروالي پټ كړي وي

آية: 42

اُولٰٓىِٕكَ هُمُ الْكَفَرَةُ الْفَجَرَةُ ۟۠

80-42 دغه (تور مخي) خلق هم دوى كافران (او) فاجران (بدكاران) دي