ترجمة معاني سورة الليل - الترجمة الأردية - محمد جوناكرهي - رقم الصفحة 595 - موسوعة القرآن الكريم

سورة الليل - لیل

آية: 1

وَالَّیْلِ اِذَا یَغْشٰی ۟ۙ

قسم ہے رات کی جب چھا جائے.(1)

(1) یعنی افق پر چھا جائے جس سے دن کی روشنی ختم اور اندھیرا ہو جائے۔

آية: 2

وَالنَّهَارِ اِذَا تَجَلّٰی ۟ۙ

اور قسم ہے دن کی جب روشن ہو.(1)

(1) یعنی رات کا اندھیرا ختم اور دن کا اجالا پھیل جائے۔

آية: 3

وَمَا خَلَقَ الذَّكَرَ وَالْاُ ۟ۙ

اور قسم ہے اس ذات کی جس نے نر وماده کو پیدا کیا.(1)

(1) یہ اللہ نے اپنی قسم کھائی، کیونکہ مرد وعورت دونوں کا خالق اللہ ہی ہے ماموصولہ ہے۔ - یعنی کوئی اچھے عمل کرتا ہے، جس کا صلہ جنت ہے اور کوئی برے عمل کرتا ہے جس کا بدلہ جہنم ہے۔

آية: 4

اِنَّ سَعْیَكُمْ لَشَتّٰی ۟ؕ

یقیناً تمہاری کوشش مختلف قسم کی ہے.(1)

(1) یعنی کوئی اچھے عمل کرتا ہے، جس کا صلہ جنت ہے اور کوئی برے عمل کرتا ہے جس کا بدلہ جہنم ہے۔ یہ جواب قسم ہے شَتَّى، شَتِيتٌ کی جمع ہے، جیسے مَرِيضٌ کی جمع مَرْضَى۔

آية: 5

فَاَمَّا مَنْ اَعْطٰی وَاتَّقٰی ۟ۙ

جس نے دیا (اللہ کی راه میں) اور ڈرا (اپنے رب سے).(1)

(1) یعنی خیر کے کاموں میں خرچ کرے گا اور محارم سے بچے گا۔

آية: 6

وَصَدَّقَ بِالْحُسْنٰی ۟ۙ

اور نیک بات کی تصدیق کرتا رہے گا.(1)

(1) یا اچھے صلے کی تصدیق کرے گا، یعنی اس بات پر یقین رکھے گا کہ انفاق اور تقویٰ کا اللہ کی طرف سے عمدہ صلہ ملے گا۔

آية: 7

فَسَنُیَسِّرُهٗ لِلْیُسْرٰی ۟ؕ

تو ہم بھی اس کو آسان راستے کی سہولت دیں گے.(1)

(1) يُسْرَى کا مطلب نیکی اور الْخَصْلَةُ الْحُسْنَى ہے۔ یعنی ہم اس کو نیکی واطاعت کی توفیق دیتے اور ان کو اس کے لئے آسان کر دیتے ہیں۔ مفسرین کہتے ہیں کہ یہ آیت حضرت ابوبکر صدیق (رضي الله عنه) کے بارے میں نازل ہوئی ہے، جنہوں نے چھ غلام آزاد کیے، جنہیں اہل مکہ مسلمان ہونے کی وجہ سے سخت اذیت دیتے تھے۔ ( فتح القدیر ) ۔

آية: 8

وَاَمَّا مَنْ بَخِلَ وَاسْتَغْنٰی ۟ۙ

لیکن جس نے بخیلی کی اور بے پرواہی برتی.(1)

(1) یعنی اللہ کی راہ میں خرچ نہیں کرے گا اور اللہ کے حکم سے بے پرواہی، کرے گا۔ - یا آخرت کی جزا اور حساب کتاب کا انکار کرے گا۔

آية: 9

وَكَذَّبَ بِالْحُسْنٰی ۟ۙ

اور نیک بات کی تکذیب کی.(1)

(1) یا آخرت کی جزا اور حساب کتاب کا انکار کرے گا۔-