معانی کا ترجمہ سورت لیل - اردو ترجمہ - محمد جوناگڑھی - صفحہ نمبر 595 - قرآن کریم انسائیکلوپیڈیا

لیل

آیت: 1

وَالَّیْلِ اِذَا یَغْشٰی ۟ۙ

قسم ہے رات کی جب چھا جائے.(1)

(1) یعنی افق پر چھا جائے جس سے دن کی روشنی ختم اور اندھیرا ہو جائے۔

آیت: 2

وَالنَّهَارِ اِذَا تَجَلّٰی ۟ۙ

اور قسم ہے دن کی جب روشن ہو.(1)

(1) یعنی رات کا اندھیرا ختم اور دن کا اجالا پھیل جائے۔

آیت: 3

وَمَا خَلَقَ الذَّكَرَ وَالْاُ ۟ۙ

اور قسم ہے اس ذات کی جس نے نر وماده کو پیدا کیا.(1)

(1) یہ اللہ نے اپنی قسم کھائی، کیونکہ مرد وعورت دونوں کا خالق اللہ ہی ہے ماموصولہ ہے۔ - یعنی کوئی اچھے عمل کرتا ہے، جس کا صلہ جنت ہے اور کوئی برے عمل کرتا ہے جس کا بدلہ جہنم ہے۔

آیت: 4

اِنَّ سَعْیَكُمْ لَشَتّٰی ۟ؕ

یقیناً تمہاری کوشش مختلف قسم کی ہے.(1)

(1) یعنی کوئی اچھے عمل کرتا ہے، جس کا صلہ جنت ہے اور کوئی برے عمل کرتا ہے جس کا بدلہ جہنم ہے۔ یہ جواب قسم ہے شَتَّى، شَتِيتٌ کی جمع ہے، جیسے مَرِيضٌ کی جمع مَرْضَى۔

آیت: 5

فَاَمَّا مَنْ اَعْطٰی وَاتَّقٰی ۟ۙ

جس نے دیا (اللہ کی راه میں) اور ڈرا (اپنے رب سے).(1)

(1) یعنی خیر کے کاموں میں خرچ کرے گا اور محارم سے بچے گا۔

آیت: 6

وَصَدَّقَ بِالْحُسْنٰی ۟ۙ

اور نیک بات کی تصدیق کرتا رہے گا.(1)

(1) یا اچھے صلے کی تصدیق کرے گا، یعنی اس بات پر یقین رکھے گا کہ انفاق اور تقویٰ کا اللہ کی طرف سے عمدہ صلہ ملے گا۔

آیت: 7

فَسَنُیَسِّرُهٗ لِلْیُسْرٰی ۟ؕ

تو ہم بھی اس کو آسان راستے کی سہولت دیں گے.(1)

(1) يُسْرَى کا مطلب نیکی اور الْخَصْلَةُ الْحُسْنَى ہے۔ یعنی ہم اس کو نیکی واطاعت کی توفیق دیتے اور ان کو اس کے لئے آسان کر دیتے ہیں۔ مفسرین کہتے ہیں کہ یہ آیت حضرت ابوبکر صدیق (رضي الله عنه) کے بارے میں نازل ہوئی ہے، جنہوں نے چھ غلام آزاد کیے، جنہیں اہل مکہ مسلمان ہونے کی وجہ سے سخت اذیت دیتے تھے۔ ( فتح القدیر ) ۔

آیت: 8

وَاَمَّا مَنْ بَخِلَ وَاسْتَغْنٰی ۟ۙ

لیکن جس نے بخیلی کی اور بے پرواہی برتی.(1)

(1) یعنی اللہ کی راہ میں خرچ نہیں کرے گا اور اللہ کے حکم سے بے پرواہی، کرے گا۔ - یا آخرت کی جزا اور حساب کتاب کا انکار کرے گا۔

آیت: 9

وَكَذَّبَ بِالْحُسْنٰی ۟ۙ

اور نیک بات کی تکذیب کی.(1)

(1) یا آخرت کی جزا اور حساب کتاب کا انکار کرے گا۔-