ترجمة معاني سورة التكوير - الترجمة الأوزبكية - محمد صادق - موسوعة القرآن الكريم

سورة التكوير - Таквир сураси

آية: 1

إِذَا ٱلشَّمۡسُ كُوِّرَتۡ

Вақтики, қуёшни буклаб, ўралса.

آية: 2

وَإِذَا ٱلنُّجُومُ ٱنكَدَرَتۡ

Ва вақтики юлдузлар узилиб тушиб, сочилиб кетса.

آية: 3

وَإِذَا ٱلۡجِبَالُ سُيِّرَتۡ

Ва вақтики, тоғлар жойидан кўчирилса.

آية: 4

وَإِذَا ٱلۡعِشَارُ عُطِّلَتۡ

Ва вақтики, ҳомиласига ўн ой тўлган туялар қаровсиз қолса.

آية: 5

وَإِذَا ٱلۡوُحُوشُ حُشِرَتۡ

Ва вақтики, ваҳший ҳайвонлар бир жойга тўпланса.

آية: 6

وَإِذَا ٱلۡبِحَارُ سُجِّرَتۡ

Ва вақтики, денгизлар аланга олиб ёнса.

آية: 7

وَإِذَا ٱلنُّفُوسُ زُوِّجَتۡ

Ва вақтики, нафслар жуфтлаштирилса.

(Яъни, руҳ танага қайтарилиб, икковлари бирлашсалар.)

آية: 8

وَإِذَا ٱلۡمَوۡءُۥدَةُ سُئِلَتۡ

Ва вақтики, тириклай кўмилган қиздан сўралса.

آية: 9

بِأَيِّ ذَنۢبٖ قُتِلَتۡ

У нима гуноҳ учун ўлдирилган?

آية: 10

وَإِذَا ٱلصُّحُفُ نُشِرَتۡ

Ва вақтики, саҳифалар нашр қилинса.

آية: 11

وَإِذَا ٱلسَّمَآءُ كُشِطَتۡ

Ва вақтики, осмон қўпорилса.

آية: 12

وَإِذَا ٱلۡجَحِيمُ سُعِّرَتۡ

Ва вақтики, жаҳаннам қиздирилса.

آية: 13

وَإِذَا ٱلۡجَنَّةُ أُزۡلِفَتۡ

Ва вақтики, жаннат яқинлаштирилса.

آية: 14

عَلِمَتۡ نَفۡسٞ مَّآ أَحۡضَرَتۡ

Ҳар бир жон нима ҳозирлаганини биладир.

آية: 15

فَلَآ أُقۡسِمُ بِٱلۡخُنَّسِ

(Кундузи) махфий бўлувчи(юлдуз)лар билан қасам.

آية: 16

ٱلۡجَوَارِ ٱلۡكُنَّسِ

(Кечалари) юрувчи, беркинувчи(юлдуз)лар билан қасам.

آية: 17

وَٱلَّيۡلِ إِذَا عَسۡعَسَ

Қоронғулиги ила кириб келган кеча билан қасам.

آية: 18

وَٱلصُّبۡحِ إِذَا تَنَفَّسَ

Нафас олиб кириб келган тонг билан қасам.

آية: 19

إِنَّهُۥ لَقَوۡلُ رَسُولٖ كَرِيمٖ

Албатта у(Қуръон) карамли элчининг сўзидир.

آية: 20

ذِي قُوَّةٍ عِندَ ذِي ٱلۡعَرۡشِ مَكِينٖ

У қувватли, арш Эгаси ҳузурида мартабаси олийдир.

آية: 21

مُّطَاعٖ ثَمَّ أَمِينٖ

Итоат қилинган, омонатлидир.

آية: 22

وَمَا صَاحِبُكُم بِمَجۡنُونٖ

Сизнинг соҳибингиз мажнун эмасдир.

آية: 23

وَلَقَدۡ رَءَاهُ بِٱلۡأُفُقِ ٱلۡمُبِينِ

Батаҳқиқ, ул ани очиқ-ойдин уфқда кўрди.

(Муҳаммад соллаллоҳу алайҳи ва саллам Жиброилни очиқ-ойдин уфқда ўз кўзлари билан асл яратилишида кўрдилар.)

آية: 24

وَمَا هُوَ عَلَى ٱلۡغَيۡبِ بِضَنِينٖ

Ва у ғайбга бахил эмасдир.

آية: 25

وَمَا هُوَ بِقَوۡلِ شَيۡطَٰنٖ رَّجِيمٖ

Ва у(Қуръон) тошбўрон қилинган шайтоннинг сўзи эмасдир.

آية: 26

فَأَيۡنَ تَذۡهَبُونَ

Бас, қаёққа кетмоқдасиз?!

آية: 27

إِنۡ هُوَ إِلَّا ذِكۡرٞ لِّلۡعَٰلَمِينَ

У (Қуръон) оламларга эслатмадан бошқа нарса эмасдир.

آية: 28

لِمَن شَآءَ مِنكُمۡ أَن يَسۡتَقِيمَ

Сизлардан истиқомат(тўғри йўл)да бўлишни хоҳловчилар учундир.

آية: 29

وَمَا تَشَآءُونَ إِلَّآ أَن يَشَآءَ ٱللَّهُ رَبُّ ٱلۡعَٰلَمِينَ

Оламларнинг Робби Аллоҳ хоҳламаса, сизлар хоҳлай олмассизлар.

(Ҳар бир нарса Аллоҳнинг хоҳишига боғлиқ. Ҳар бир нарса Аллоҳ таолонинг хоҳиши ила бўлади.)