ترجمة معاني سورة الليل - الترجمة الياؤو - موسوعة القرآن الكريم

سورة الليل - Al-Lail

آية: 1

وَٱلَّيۡلِ إِذَا يَغۡشَىٰ

Nguchilumbila chilo ndema jachikuunichila (chilichose ni chipi chakwe).

آية: 2

وَٱلنَّهَارِ إِذَا تَجَلَّىٰ

Ni muusi ndema jakukulanguka.

آية: 3

وَمَا خَلَقَ ٱلذَّكَرَ وَٱلۡأُنثَىٰٓ

Ni Ajula (Allah) Jwagumbile chachilume ni chachikongwe.

آية: 4

إِنَّ سَعۡيَكُمۡ لَشَتَّىٰ

Chisimu itendo yenu iŵele yakulekangana-lekangana.

آية: 5

فَأَمَّا مَنۡ أَعۡطَىٰ وَٱتَّقَىٰ

Sano mundu jwaakutola (petala lya Allah) ni kuŵa niwoga (wakun'jogopa Jwalakwe).

آية: 6

وَصَدَّقَ بِٱلۡحُسۡنَىٰ

Ni kulupilila yambone nnope (yatakalipidwe ligongo lyakutola).

آية: 7

فَسَنُيَسِّرُهُۥ لِلۡيُسۡرَىٰ

Basi chitun'jepepachisye litala lyakwalukangana (lyakutendela yambone).

آية: 8

وَأَمَّا مَنۢ بَخِلَ وَٱسۡتَغۡنَىٰ

Nambo mundu jwachatende ubayili ni kuliona kusichila.

آية: 9

وَكَذَّبَ بِٱلۡحُسۡنَىٰ

Ni kanila yambone nnope (yaakajiile kuipata akatole).

آية: 10

فَسَنُيَسِّرُهُۥ لِلۡعُسۡرَىٰ

Basi chitun'jepepachisye litala lyausito (lyakutendela yakusakala).

آية: 11

وَمَا يُغۡنِي عَنۡهُ مَالُهُۥٓ إِذَا تَرَدَّىٰٓ

Soni ngasichija kunkamuchisya chipanje chakwe ndema jagwila (ku Moto).

آية: 12

إِنَّ عَلَيۡنَا لَلۡهُدَىٰ

Chisimu Kukwetu nikwachili chongolo.

آية: 13

وَإِنَّ لَنَا لَلۡأٓخِرَةَ وَٱلۡأُولَىٰ

Soni chisimu Uwwe ni twachinsyene Akhera ni Duniya.

آية: 14

فَأَنذَرۡتُكُمۡ نَارٗا تَلَظَّىٰ

Basi nguntetela ya Moto waukolela (mwamachili).

آية: 15

لَا يَصۡلَىٰهَآ إِلَّا ٱلۡأَشۡقَى

Ngaaja kuwujinjila ikaŵeje jwakusakalilwa nnope.

آية: 16

ٱلَّذِي كَذَّبَ وَتَوَلَّىٰ

Ajula jwaakuŵa nkukanila ni kusyulula.

آية: 17

وَسَيُجَنَّبُهَا ٱلۡأَتۡقَى

Ni takaŵambasyidwe nao mundu jwawoga kusyene (wakun'jogopa Allah).

آية: 18

ٱلَّذِي يُؤۡتِي مَالَهُۥ يَتَزَكَّىٰ

Ajula jwaakutola chipanje chakwe pakuliswejesya.

آية: 19

وَمَا لِأَحَدٍ عِندَهُۥ مِن نِّعۡمَةٖ تُجۡزَىٰٓ

Soni pangali kwa jwalakwe jwalijose jwaŵantendele yaukoto yaikuŵa ili nkuusyidwa.

آية: 20

إِلَّا ٱبۡتِغَآءَ وَجۡهِ رَبِّهِ ٱلۡأَعۡلَىٰ

Ikaŵeje (jukutola) pakusachilila Ngope ja M’mbujeegwe (Allah) Jwapenani kusyene (kuti jukajione ku Akhera).

آية: 21

وَلَسَوۡفَ يَرۡضَىٰ

Ni juchija kusengwa.