ترجمة معاني سورة الشمس - الترجمة الياؤو - موسوعة القرآن الكريم

سورة الشمس - Ash-Shams

آية: 1

وَٱلشَّمۡسِ وَضُحَىٰهَا

Ngulilumbila lyuŵa ni lilanguka lyakwe.

آية: 2

وَٱلۡقَمَرِ إِذَا تَلَىٰهَا

Ni mwesi ndema jaukulikuya (lyuŵalyo).

آية: 3

وَٱلنَّهَارِ إِذَا جَلَّىٰهَا

Ni muusi ndema jaukulilosya palangulangu.

آية: 4

وَٱلَّيۡلِ إِذَا يَغۡشَىٰهَا

Ni chilo ndema jachikuliunichila (kuti likaoneka).

آية: 5

وَٱلسَّمَآءِ وَمَا بَنَىٰهَا

Kwisa soni liwunde ni Juŵalitaŵile (mwakulitalichisya).

آية: 6

وَٱلۡأَرۡضِ وَمَا طَحَىٰهَا

Ni litaka ni Juŵalitandiche (mwakulijaasasya).

آية: 7

وَنَفۡسٖ وَمَا سَوَّىٰهَا

Kwisa soni ntima ni Juŵaukolosisye.

آية: 8

فَأَلۡهَمَهَا فُجُورَهَا وَتَقۡوَىٰهَا

Basi ni jwaumanyisye yakusakala yakwe ni yambone yakwe.

آية: 9

قَدۡ أَفۡلَحَ مَن زَكَّىٰهَا

Pamasile paapundile jwauswejesye (ntima wakwe).

آية: 10

وَقَدۡ خَابَ مَن دَسَّىٰهَا

Soni pamasile papelelwe jwautwinyichisye (ntima wakwe mu sambi).

آية: 11

كَذَّبَتۡ ثَمُودُ بِطَغۡوَىٰهَآ

Ŵaakaaniile ŵanya Asamudu ligongo lyakusumba mpika kwao.

آية: 12

إِذِ ٱنۢبَعَثَ أَشۡقَىٰهَا

Ndema jajwalipeleche jwakusakalilwa jwao (kuulaga ngamiya).

آية: 13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

Basi Ntenga jwa Allah (Swaleh) ŵasalile kuti: “(Aji ni) ngamiya ja Allah, sano ngasin'jikanyaga kumwa mesi (palisiku lyakwe).

آية: 14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Nambo ŵankaaniile nikujiulaga; basi Ambuje ŵao ŵajonasile ligongo lya chileŵi chao; niŵalandenye pachonasikocho.

آية: 15

وَلَا يَخَافُ عُقۡبَٰهَا

Soni jwangajogopa yakuichisya yakwe.