Terjemahan makna Surah Surah Asy-Syams - Terjemahan Berbahasa Yau - Ensiklopedia Alquran Alkarim

Ash-Shams

Ayah: 1

وَٱلشَّمۡسِ وَضُحَىٰهَا

Ngulilumbila lyuŵa ni lilanguka lyakwe.

Ayah: 2

وَٱلۡقَمَرِ إِذَا تَلَىٰهَا

Ni mwesi ndema jaukulikuya (lyuŵalyo).

Ayah: 3

وَٱلنَّهَارِ إِذَا جَلَّىٰهَا

Ni muusi ndema jaukulilosya palangulangu.

Ayah: 4

وَٱلَّيۡلِ إِذَا يَغۡشَىٰهَا

Ni chilo ndema jachikuliunichila (kuti likaoneka).

Ayah: 5

وَٱلسَّمَآءِ وَمَا بَنَىٰهَا

Kwisa soni liwunde ni Juŵalitaŵile (mwakulitalichisya).

Ayah: 6

وَٱلۡأَرۡضِ وَمَا طَحَىٰهَا

Ni litaka ni Juŵalitandiche (mwakulijaasasya).

Ayah: 7

وَنَفۡسٖ وَمَا سَوَّىٰهَا

Kwisa soni ntima ni Juŵaukolosisye.

Ayah: 8

فَأَلۡهَمَهَا فُجُورَهَا وَتَقۡوَىٰهَا

Basi ni jwaumanyisye yakusakala yakwe ni yambone yakwe.

Ayah: 9

قَدۡ أَفۡلَحَ مَن زَكَّىٰهَا

Pamasile paapundile jwauswejesye (ntima wakwe).

Ayah: 10

وَقَدۡ خَابَ مَن دَسَّىٰهَا

Soni pamasile papelelwe jwautwinyichisye (ntima wakwe mu sambi).

Ayah: 11

كَذَّبَتۡ ثَمُودُ بِطَغۡوَىٰهَآ

Ŵaakaaniile ŵanya Asamudu ligongo lyakusumba mpika kwao.

Ayah: 12

إِذِ ٱنۢبَعَثَ أَشۡقَىٰهَا

Ndema jajwalipeleche jwakusakalilwa jwao (kuulaga ngamiya).

Ayah: 13

فَقَالَ لَهُمۡ رَسُولُ ٱللَّهِ نَاقَةَ ٱللَّهِ وَسُقۡيَٰهَا

Basi Ntenga jwa Allah (Swaleh) ŵasalile kuti: “(Aji ni) ngamiya ja Allah, sano ngasin'jikanyaga kumwa mesi (palisiku lyakwe).

Ayah: 14

فَكَذَّبُوهُ فَعَقَرُوهَا فَدَمۡدَمَ عَلَيۡهِمۡ رَبُّهُم بِذَنۢبِهِمۡ فَسَوَّىٰهَا

Nambo ŵankaaniile nikujiulaga; basi Ambuje ŵao ŵajonasile ligongo lya chileŵi chao; niŵalandenye pachonasikocho.

Ayah: 15

وَلَا يَخَافُ عُقۡبَٰهَا

Soni jwangajogopa yakuichisya yakwe.