অৰ্থানুবাদ ছুৰা ছুৰা আত-তাকৱীৰ - অসমীয়া অনুবাদ- আবু জুৱাইৰিয়া শ্বাইখ ৰফিকুল ইছলাম বিন হাবীবুৰ ৰহমান ৰিয়াজী - আল-কোৰআনুল কাৰীমৰ বিশ্বকোষ

ছুৰা আত-তাকৱীৰ

আয়াত: 1

اِذَا الشَّمْسُ كُوِّرَتْ ۟

সূৰ্যক যেতিয়া নিষ্প্ৰভ কৰা হ’ব,

আয়াত: 2

وَاِذَا النُّجُوْمُ انْكَدَرَتْ ۟

আৰু নক্ষত্ৰৰাজি যেতিয়া খহি পৰিব,

আয়াত: 3

وَاِذَا الْجِبَالُ سُیِّرَتْ ۟

পৰ্বতসমূহক যেতিয়া সঞ্চালিত কৰা হ’ব,

আয়াত: 4

وَاِذَا الْعِشَارُ عُطِّلَتْ ۟

আৰু যেতিয়া পূৰ্ণ গাভিনী উটবোৰক অযত্নে এৰি দিয়া হ’ব,

আয়াত: 5

وَاِذَا الْوُحُوْشُ حُشِرَتْ ۟

আৰু যেতিয়া বনৰীয়া পশুবোৰক একত্ৰিত কৰা হ’ব,

আয়াত: 6

وَاِذَا الْبِحَارُ سُجِّرَتْ ۟

আৰু যেতিয়া সাগৰসমূহক অগ্নিউত্তাল কৰা হ’ব,

আয়াত: 7

وَاِذَا النُّفُوْسُ زُوِّجَتْ ۟

আৰু যেতিয়া আত্মাসমূহক (সমগোত্ৰীয়সকলৰ লগত) মিলিত কৰা হ’ব,

আয়াত: 8

وَاِذَا الْمَوْءٗدَةُ سُىِٕلَتْ ۟

আৰু যেতিয়া জীৱন্ত সমাধিস্থ কন্যাশিশুক সোধা হ’ব,

আয়াত: 9

بِاَیِّ ذَنْۢبٍ قُتِلَتْ ۟ۚ

কি অপৰাধত তাইক হত্যা কৰা হৈছিল?

আয়াত: 10

وَاِذَا الصُّحُفُ نُشِرَتْ ۟

আৰু যেতিয়া আমলনামাসমূহ উন্মোচিত কৰা হ’ব,

আয়াত: 11

وَاِذَا السَّمَآءُ كُشِطَتْ ۟

আৰু যেতিয়া আকাশৰ আৱৰণ অপসাৰিত কৰা হ’ব,

আয়াত: 12

وَاِذَا الْجَحِیْمُ سُعِّرَتْ ۟

আৰু যেতিয়া জাহান্নামক ভীষণভাৱে প্ৰজ্জ্বলিত কৰা হ’ব,

আয়াত: 13

وَاِذَا الْجَنَّةُ اُزْلِفَتْ ۟

আৰু জান্নাতক যেতিয়া নিকটৱৰ্তী কৰা হ’ব,

আয়াত: 14

عَلِمَتْ نَفْسٌ مَّاۤ اَحْضَرَتْ ۟ؕ

তেতিয়া প্ৰত্যেক ব্যক্তিয়েই জানিব সি কি উপস্থিত কৰিছে।

আয়াত: 15

فَلَاۤ اُقْسِمُ بِالْخُنَّسِ ۟ۙ

এতেকে মই শপত কৰিছোঁ আৱৰ্তনশীল নক্ষত্ৰবোৰৰ,

আয়াত: 16

الْجَوَارِ الْكُنَّسِ ۟ۙ

যিবোৰ গতিশীল, অদৃশ্য,

আয়াত: 17

وَالَّیْلِ اِذَا عَسْعَسَ ۟ۙ

আৰু ৰাতিৰ শপত যেতিয়া ই বিদায় লয়,

আয়াত: 18

وَالصُّبْحِ اِذَا تَنَفَّسَ ۟ۙ

আৰু প্ৰভাতৰ শপত যেতিয়া ইয়াৰ আবিৰ্ভাৱ হয়,

আয়াত: 19

اِنَّهٗ لَقَوْلُ رَسُوْلٍ كَرِیْمٍ ۟ۙ

নিশ্চয় এই কোৰআনখন হৈছে সন্মানিত ৰাছুলে লৈ অহা বাণী।

আয়াত: 20

ذِیْ قُوَّةٍ عِنْدَ ذِی الْعَرْشِ مَكِیْنٍ ۟ۙ

যিজন শক্তিশালী, আৰশ্বৰ মালিকৰ ওচৰত মৰ্যদাসম্পন্ন,

আয়াত: 21

مُّطَاعٍ ثَمَّ اَمِیْنٍ ۟ؕ

মান্যবৰ, তাত তেওঁ বিশ্বস্ত।

আয়াত: 22

وَمَا صَاحِبُكُمْ بِمَجْنُوْنٍ ۟ۚ

আৰু তোমালোকৰ সঙ্গী উন্মাদ নহয়,

আয়াত: 23

وَلَقَدْ رَاٰهُ بِالْاُفُقِ الْمُبِیْنِ ۟ۚ

আৰু নিশ্চয় তেখেতে (নবীয়ে) তেখেতক (জিব্ৰীলক) স্পষ্ট দিগন্তত দেখিছে,

আয়াত: 24

وَمَا هُوَ عَلَی الْغَیْبِ بِضَنِیْنٍ ۟ۚ

আৰু তেওঁ গায়েবী বিষয় সম্পৰ্কে কৃপণালিও নকৰে।

আয়াত: 25

وَمَا هُوَ بِقَوْلِ شَیْطٰنٍ رَّجِیْمٍ ۟ۙ

আৰু এয়া কোনো অভিশপ্ত চয়তানৰো বাক্য নহয়।

আয়াত: 26

فَاَیْنَ تَذْهَبُوْنَ ۟ؕ

এতেকে তোমালোকে কোনফালে গতি কৰিছা?

আয়াত: 27

اِنْ هُوَ اِلَّا ذِكْرٌ لِّلْعٰلَمِیْنَ ۟ۙ

এইখন হৈছে বিশ্ববাসীৰ বাবে উপদেশ বাণী,

আয়াত: 28

لِمَنْ شَآءَ مِنْكُمْ اَنْ یَّسْتَقِیْمَ ۟ؕ

সেই ব্যক্তিৰ বাবে, তোমালোকৰ মাজৰ যিয়ে সৰল পথত চলিব বিচাৰে।

আয়াত: 29

وَمَا تَشَآءُوْنَ اِلَّاۤ اَنْ یَّشَآءَ اللّٰهُ رَبُّ الْعٰلَمِیْنَ ۟۠

তোমালোকে ইচ্ছা কৰিব নোৱাৰা, যেতিয়ালৈকে বিশ্বজগতৰ প্ৰতিপালক আল্লাহে ইচ্ছা নকৰে।