Prijevod značenja Sura Hud - Prijevod djela

Ajet: 98

يَقۡدُمُ قَوۡمَهُۥ يَوۡمَ ٱلۡقِيَٰمَةِ فَأَوۡرَدَهُمُ ٱلنَّارَۖ وَبِئۡسَ ٱلۡوِرۡدُ ٱلۡمَوۡرُودُ

Кыямат күнү Фараон элин өзү баштап келип, баары тозокко кирет. Тозокко алып баруучу жол кандай гана жаман жол.

Ajet: 99

وَأُتۡبِعُواْ فِي هَٰذِهِۦ لَعۡنَةٗ وَيَوۡمَ ٱلۡقِيَٰمَةِۚ بِئۡسَ ٱلرِّفۡدُ ٱلۡمَرۡفُودُ

Алар сууга чөгүп кыйрагандарына кошумча кылып Аллах аларды бул дүйнөдө Өз ырайымынан алыстатып, каргышка калтырды. Ошондой эле аларды кыямат күнү да Өз ырайымынан алыстатты. Алар үчүн бул дүйнөдө да акыретте да каргыштын үстүнө каргыш жана азап болгону кандай жаман!

Ajet: 100

ذَٰلِكَ مِنۡ أَنۢبَآءِ ٱلۡقُرَىٰ نَقُصُّهُۥ عَلَيۡكَۖ مِنۡهَا قَآئِمٞ وَحَصِيدٞ

Оо, пайгамбар! Сага бул сүрөөдө келген шаарлардын кабарын айтабыз. Бул шаарлардын кээ бирлеринин белгилери дагы эле турат. Кээ бирлеринин эч кандай белги калбастан өчүп жок болуп кеткен.

Ajet: 101

وَمَا ظَلَمۡنَٰهُمۡ وَلَٰكِن ظَلَمُوٓاْ أَنفُسَهُمۡۖ فَمَآ أَغۡنَتۡ عَنۡهُمۡ ءَالِهَتُهُمُ ٱلَّتِي يَدۡعُونَ مِن دُونِ ٱللَّهِ مِن شَيۡءٖ لَّمَّا جَآءَ أَمۡرُ رَبِّكَۖ وَمَا زَادُوهُمۡ غَيۡرَ تَتۡبِيبٖ

Аларга кыйроо алып келгенибиз менен биз аларга зулумдук кылбадык. Бирок алар Аллахка каапырлык кылышып, кыйроого алып келген жолду тандашып, өздөрүнө өздөрү зулумдук кылышты. Эй, пайгамбар! Раббиңдин аларды кыйратууга буйругу келгенде, аларга түшкөн азаптан алардын Аллахтан башкага сыйынып жаткан кудайлары ал азапты тосо алышпады. Алардын бул кудайлары аларга бир гана жоготуу жана кыйроону алып келди.

Ajet: 102

وَكَذَٰلِكَ أَخۡذُ رَبِّكَ إِذَآ أَخَذَ ٱلۡقُرَىٰ وَهِيَ ظَٰلِمَةٌۚ إِنَّ أَخۡذَهُۥٓ أَلِيمٞ شَدِيدٌ

Ошондой эле жалганга чыгарган шаарларды Аллах азаптады, мындай азаптоо жана жок кылуу бардык заманда жана бардык жерде болуп келген. Чындыгында залым болгон шаарлардын азабы жан чыдагыс катуу азап болот.

Ajet: 103

إِنَّ فِي ذَٰلِكَ لَأٓيَةٗ لِّمَنۡ خَافَ عَذَابَ ٱلۡأٓخِرَةِۚ ذَٰلِكَ يَوۡمٞ مَّجۡمُوعٞ لَّهُ ٱلنَّاسُ وَذَٰلِكَ يَوۡمٞ مَّشۡهُودٞ

Чындыгында ал эли заалым болгон шаарларды катуу азаптоосу кыямат күнүндөгү азаптан корккондорго сабак болот. Ал күнү Аллах ал жерге адамдарды сурак алыш үчүн чогултат. Ал күбө кылынган күн. Ал жерде чогулгандардын баарысы ага күбө болушат.

Ajet: 104

وَمَا نُؤَخِّرُهُۥٓ إِلَّا لِأَجَلٖ مَّعۡدُودٖ

Ал күбө кылына турган күндү кечиктирбей саны белгилүү болгон күнгө гана жылдырабыз.

Ajet: 105

يَوۡمَ يَأۡتِ لَا تَكَلَّمُ نَفۡسٌ إِلَّا بِإِذۡنِهِۦۚ فَمِنۡهُمۡ شَقِيّٞ وَسَعِيدٞ

Ошол күн келгенде эч бир жан далил кылып же шапаат сурап сүйлөй албайт, бир гана Аллах уруксат бергенден кийин сүйлөшөт. Ал жерде адамдар эки түрдүү болушат: бактысыздар тозокко кирет жана бактылуулар бейишке кирет.

Ajet: 106

فَأَمَّا ٱلَّذِينَ شَقُواْ فَفِي ٱلنَّارِ لَهُمۡ فِيهَا زَفِيرٞ وَشَهِيقٌ

Ал эми бактысыздар болсо каапырлык кылгандары жана кылган иштери туура эмес болгону үчүн тозокко киришет. Ал жакта тозоктун жалынынан өтө катуу запкы жегендиктеринен алардын үндөрү жана дем алгандары катуу чыгат.

Ajet: 107

خَٰلِدِينَ فِيهَا مَا دَامَتِ ٱلسَّمَٰوَٰتُ وَٱلۡأَرۡضُ إِلَّا مَا شَآءَ رَبُّكَۚ إِنَّ رَبَّكَ فَعَّالٞ لِّمَا يُرِيدُ

Асмандар менен жер турганда алар тозоктон чыгышпайт. Алар ал жакта түбөлүк калышат. Бир гана жалгыз Аллахка сыйынган күнөөкөрлөрдөн Аллах Өзү каалаганын ал жактан чыгарат. Эй, пайгамбар! Чындыгында Раббиң каалаганын кылуучу. Аллахты эч ким мажбурлай албайт.

Ajet: 108

۞ وَأَمَّا ٱلَّذِينَ سُعِدُواْ فَفِي ٱلۡجَنَّةِ خَٰلِدِينَ فِيهَا مَا دَامَتِ ٱلسَّمَٰوَٰتُ وَٱلۡأَرۡضُ إِلَّا مَا شَآءَ رَبُّكَۖ عَطَآءً غَيۡرَ مَجۡذُوذٖ

Ал эми бактылуулар болсо Аллахтын бактылуу болот деген мурда жазылган тагдыры менен ыйман келтиргендери үчүн жана жакшы иштери үчүн алар асман менен жер турганда бейиште түбөлүк болушат. Бир гана Аллах каалаган күнөөкөр ыймандууларды бейишке киргизерден мурда тозокко киргизет. Чындыгында бейиш ээлерине болгон Аллахтын жакшылыктары түгөнгүс.

Poruke i pouke ajeta na ovoj stranici:

• التحذير من اتّباع رؤساء الشر والفساد، وبيان شؤم اتباعهم في الدارين.

Бузукулук жана жамандыктын башчыларын ээрчүүдөн эскертүү жана аларды ээрчүү эки дүйнөдөгү жамандыктын белгиси.

• تنزه الله تعالى عن الظلم في إهلاك أهل الشرك والمعاصي.

Аллах таала ширк кылгандарды жана күнөөкөрлөрдү кыйратууда аларга зулумдук кылбайт.

• لا تنفع آلهة المشركين عابديها يوم القيامة، ولا تدفع عنهم العذاب.

Мушриктер сыйынган кудайлары өзүнө сыйынгандарга кыямат күнү пайда бербе алышпайт жана аларды азаптан да куткара алышпайт.

• انقسام الناس يوم القيامة إلى: سعيد خالد في الجنان، وشقي خالد في النيران.

Кыямат күнү адамдардын экиге бөлүнүшү. Бейиште түбөлүк калуучу бактылуулар жана түбөлүк тозокто калуучу бактысыздар.