Prijevod značenja Sura Et-Tekvir - Prijevod sažetog tefsira Kur'ana na paštu jezik. - Enciklopedija Kur'ana

تکویر

Intencije ove sure:

كمال القرآن في تذكير الأنفس باختلال الكون عند البعث.

د قرآن بشپړتيا نفسونو ته د بېرته را ژوندي کېدو پر مهال د نړۍ د ګډوډېدو ورپه يادولو کې.

---

Ajet: 1

اِذَا الشَّمْسُ كُوِّرَتْ ۟

کله چې د لمر ټوکۍ غونډه کړل شي، او رڼا يې له منځه ولاړه شي.

Ajet: 2

وَاِذَا النُّجُوْمُ انْكَدَرَتْ ۟

او کله چې ستوري را ولوېږي او رڼا يې له منځه ولاړه شي.

Ajet: 3

وَاِذَا الْجِبَالُ سُیِّرَتْ ۟

او کله چې غرونه له خپل ځايه وخوځول شي.

Ajet: 4

وَاِذَا الْعِشَارُ عُطِّلَتْ ۟

او کله چې هغه بلاربې اوښې چې څښتنان يې لېوالتيا پکې لري، هغوی په پرېښودلو سره همداسې هېرې کړي.

Ajet: 5

وَاِذَا الْوُحُوْشُ حُشِرَتْ ۟

او کله چې وحشي ځناور له انسانانو سره په يوه میدان کې راغونډ کړل شي.

Ajet: 6

وَاِذَا الْبِحَارُ سُجِّرَتْ ۟

او کله چې دريابونه ولګول شي تردې چې اور وګرځي

Ajet: 7

وَاِذَا النُّفُوْسُ زُوِّجَتْ ۟

او کله چې نفسونه له خپلو ورته سره يوځای کړل شي، نو بې لارې له بې لارې سره يوځای کړی شي او ځان ساتونکی له ځان ساتونکي سره.

Ajet: 8

وَاِذَا الْمَوْءٗدَةُ سُىِٕلَتْ ۟

او کله چې ژوندۍ خښه شوې ماشومه الله وپوښتي.

Ajet: 9

بِاَیِّ ذَنْۢبٍ قُتِلَتْ ۟ۚ

پر کومه ګناه وژل شوې يې چاچې وژلې يې؟!.

Ajet: 10

وَاِذَا الصُّحُفُ نُشِرَتْ ۟

او کله چې د بندګانو عملنامې پرانېستل شي؛ تر څو يې هر يو خپل د کړنو پاڼه ولولي.

Ajet: 11

وَاِذَا السَّمَآءُ كُشِطَتْ ۟

او کله چې آسمان داسې و اېستل شي لکه له پسه څخه چې پوستکی اېستل کيږي.

Ajet: 12

وَاِذَا الْجَحِیْمُ سُعِّرَتْ ۟

او کله چې اور بل کړل شي.

Ajet: 13

وَاِذَا الْجَنَّةُ اُزْلِفَتْ ۟

او کله چې ځان ساتونکو ته جنت را نېږدې کړی شي.

Ajet: 14

عَلِمَتْ نَفْسٌ مَّاۤ اَحْضَرَتْ ۟ؕ

هغه مهال به دغه څه تر لاسه شي چې هرڅوک به پر هغه څه پوه شي چې د دغې ورځې لپاره يې څه اعمال وړاندې کړي دي.

Ajet: 15

فَلَاۤ اُقْسِمُ بِالْخُنَّسِ ۟ۙ

الله پر هغو ستورو لوړه وکړه چې په شپه کې تر خپل روښانه کېدو مخکې پټ وي.

Ajet: 16

الْجَوَارِ الْكُنَّسِ ۟ۙ

په خپلو فلکونو کې روانو ستورو چې د سهار په ښکاره کېدو سره داسې پټيږي لکه هوسۍ چې خپل غار يعني کور ته ننوځي.

Ajet: 17

وَالَّیْلِ اِذَا عَسْعَسَ ۟ۙ

او الله د شپې پر لومړۍ برخه لوړه وکړه کله چې مخه کړي او د شپې پر وروستۍ برخه کله چې شا کړي.

Ajet: 18

وَالصُّبْحِ اِذَا تَنَفَّسَ ۟ۙ

او پر سهار يې لوړه وکړه کله يې چې رڼا ښکاره شي.

Ajet: 19

اِنَّهٗ لَقَوْلُ رَسُوْلٍ كَرِیْمٍ ۟ۙ

پرته له شکه پر محمد صلی الله عليه وسلم نازل کړل شوی قرآن هرومرو د الله وينا ده چې امانتداره پرېښتې رسولې ده چې هغه جبرئيل عليه السلام دی، الله هغه امين ګرځولی دی.

Ajet: 20

ذِیْ قُوَّةٍ عِنْدَ ذِی الْعَرْشِ مَكِیْنٍ ۟ۙ

د ځواک څښتن، د عرش د پالونکي الله پاک پر وړاندې د لويې مرتبې والا دی.

Ajet: 21

مُّطَاعٍ ثَمَّ اَمِیْنٍ ۟ؕ

د آسمان خلک يې پيروي کوي، د وحي په رسولو کې پرې باور شوی دی.

Ajet: 22

وَمَا صَاحِبُكُمْ بِمَجْنُوْنٍ ۟ۚ

او محمد صلی الله عليه وسلم چې ستاسو سره تل وي تاسو يې عقل، امانت او رېښتينولي پېژنئ لېونی نه دی لکه څنګه چې تاسو د تور لګولو دعوی کوئ.

Ajet: 23

وَلَقَدْ رَاٰهُ بِالْاُفُقِ الْمُبِیْنِ ۟ۚ

او ستاسو ملګري (محمد صلی الله عليه وسلم) هغه جبرئيل پر خپل اصلي حالت کې چې الله پر کوم حالت پيداکړی دی د څرګند آسمان په څوکو کې ليدلی دی.

Ajet: 24

وَمَا هُوَ عَلَی الْغَیْبِ بِضَنِیْنٍ ۟ۚ

او ستاسو ملګری پر تاسو بخيل نه دی، چې د هغه څه په رسولو کې بخيلي وکړي چې د رسولو امر يې ورته شوی دی، او نه مزدوري اخلي لکه څنګه چې غيب ويونکي مزدوري اخلي.

Ajet: 25

وَمَا هُوَ بِقَوْلِ شَیْطٰنٍ رَّجِیْمٍ ۟ۙ

او دغه قرآن د الله له رحمت څخه د رټل شوي شيطان خبره نه ده.

Ajet: 26

فَاَیْنَ تَذْهَبُوْنَ ۟ؕ

نو وروسته له دغو حجتونو څخه بيا تاسو د نټې لپاره چې هغه د الله له لوري دی پر کومه لاره ځئ؟!.

Ajet: 27

اِنْ هُوَ اِلَّا ذِكْرٌ لِّلْعٰلَمِیْنَ ۟ۙ

قرآن خو يوازې پند او نصيحت دی د پېريانو او انسانانو لپاره.

Ajet: 28

لِمَنْ شَآءَ مِنْكُمْ اَنْ یَّسْتَقِیْمَ ۟ؕ

له تاسو څخه د هغه چا لپاره چې غواړي د حق پر لار نېغ ولاړ شي.

Ajet: 29

وَمَا تَشَآءُوْنَ اِلَّاۤ اَنْ یَّشَآءَ اللّٰهُ رَبُّ الْعٰلَمِیْنَ ۟۠

او ستاسو پر غوښتنو څه نه کيږي کوم چې استقامت او نور څه غواړئ مګر داچې الله دغه وغواړي، چې د ټولو مخلوقاتو پالونکی دی.

Poruke i pouke ajeta na ovoj stranici:

• حَشْر المرء مع من يماثله في الخير أو الشرّ.

د هر انسان په خير او شر کې له ورته انسان سره را پاڅېدل.

• إذا كانت الموءُودة تُسأل فما بالك بالوائد؟ وهذا دليل على عظم الموقف.

کله چې له ژوندۍ خښې شوې ماشومې څخه پوښتنه کيږي؛ نو د خښوونکي حال به يې څه وي؟ دا د دريځ(د الله پر وړاندې د ودریدلو) پر لوی والي دليل دی.

• مشيئة العبد تابعة لمشيئة الله.

د بنده خوښه د الله د خوښې تابع وي.