Prijevod značenja Sura Sura et-Tarik - الترجمة الأوزبكية للمختصر في تفسير القرآن الكريم - Enciklopedija Kur'ana

Ториқ сураси

Intencije ove sure:

بيان قدرة الله وإحاطته في خلق الإنسان وإعادته.

Аллоҳнинг қудратини баён қилиш. У Зот инсонни яратишга ҳам, қайта тирилтиришга ҳам қодир.

---

Ajet: 1

وَٱلسَّمَآءِ وَٱلطَّارِقِ

Аллоҳ таоло осмонга ва тунда чиқадиган юлдузга қасам ичди.

Ajet: 2

وَمَآ أَدۡرَىٰكَ مَا ٱلطَّارِقُ

Эй Пайғамбар, сиз бу улкан юлдузнинг аҳамиятини қаердан ҳам билар эдингиз?!

Ajet: 3

ٱلنَّجۡمُ ٱلثَّاقِبُ

У чарақлаб, қоронғи осмонни ёритиб турувчи юлдуздир.

Ajet: 4

إِن كُلُّ نَفۡسٖ لَّمَّا عَلَيۡهَا حَافِظٞ

Бирон киши йўқки, Аллоҳ таоло унга уни қўриқлаб турадиган ҳамда Қиёмат кунидаги ҳисоб-китоб учун унинг амалларини қайд қилиб борадиган бир фариштани вакил қилмаган бўлса.

Ajet: 5

فَلۡيَنظُرِ ٱلۡإِنسَٰنُ مِمَّ خُلِقَ

Инсон Аллоҳ уни нимадан яратганини тафаккур қилсин. Шунда унга Аллоҳнинг қудрати ва ўзининг ожизлиги намоён бўлади.

Ajet: 6

خُلِقَ مِن مَّآءٖ دَافِقٖ

Аллоҳ уни бачадонга шиддат билан қуйиладиган сувдан яратди.

Ajet: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

У аёлнинг кўкрак қафаси ва эркакнинг умуртқа суягидан чиқади.

Ajet: 8

إِنَّهُۥ عَلَىٰ رَجۡعِهِۦ لَقَادِرٞ

Мана шу ҳақир сувдан инсонни яратган Аллоҳ субҳанаҳу у ўлгач, ҳисоб ва жазо учун уни яна қайта тирилтиришга қодирдир.

Ajet: 9

يَوۡمَ تُبۡلَى ٱلسَّرَآئِرُ

Сирлар синовдан ўтказиладиган кунда. Қалблардаги яширин ниятлар, эътиқодлар ва бошқа нарсалар фош бўлади. Шу билан яхши ва бузуқ ниятлар бир-биридан ажралиб қолади.

Ajet: 10

فَمَا لَهُۥ مِن قُوَّةٖ وَلَا نَاصِرٖ

Ўша куни инсонни Аллоҳнинг азобидан қутқарадиган бирон куч ҳам, унга ёрдам берадиган бирор ёрдамчи ҳам бўлмас.

Ajet: 11

وَٱلسَّمَآءِ ذَاتِ ٱلرَّجۡعِ

Аллоҳ Таоло ёмғирли осмонга қасам ичди. Чунки такрор-такрор ёғадиган ёмғир осмондан қуйилади.

Ajet: 12

وَٱلۡأَرۡضِ ذَاتِ ٱلصَّدۡعِ

Бутун наботот, мевалару дарахтлар униб чиқиши билан ёриладиган ерга қасам ичди.

Ajet: 13

إِنَّهُۥ لَقَوۡلٞ فَصۡلٞ

Муҳаммад алайҳиссаломга нозил бўлган бу Қуръон, шак-шубҳасиз, ботил билан ҳақни, рост билан ёлғонни ажратувчи сўздир.

Ajet: 14

وَمَا هُوَ بِٱلۡهَزۡلِ

Қуръон шунчаки ҳазил-мутойиба ёки ёлғон эмас, балки жиддият ва ҳақиқатдир.

Ajet: 15

إِنَّهُمۡ يَكِيدُونَ كَيۡدٗا

Пайғамбарларига келган динни ёлғонга чиқарувчилар унинг даъватини рад қилиб, беҳудага чиқариш учун жуда кўп ҳийла-найранглар қиладилар.

Ajet: 16

وَأَكِيدُ كَيۡدٗا

Аллоҳ Таоло айтади: "Мен эса динни ғолиб қилиш ва ботилни йўққа чиқариш учун ҳийла қиламан".

Ajet: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Эй Пайғамбар, кофирларга бирозгина муҳлат беринг. Уларга азоб келиб, ҳалок қилинишларига шошилманг.

Poruke i pouke ajeta na ovoj stranici:

• تحفظ الملائكة الإنسان وأعماله خيرها وشرها ليحاسب عليها.

Фаришталар инсоннинг яхши-ёмон амалларини ҳисоб-китоб қилиниши учун қайд қилиб борадилар.

• ضعف كيد الكفار إذا قوبل بكيد الله سبحانه.

Аллоҳнинг ҳийласи олдида кофирлар ҳийласининг заифлиги.

• خشية الله تبعث على الاتعاظ.

Аллоҳдан қўрқиш панд-насиҳат олишга ундайди.