ការបកប្រែអត្ថន័យ ជំពូក​ អាត់តរិក - ការអធិប្បាយសង្ខេបអំពីគម្ពីគួរអានជាភាសាអ៊ូបេគីស្ថាន - សព្វវចនាធិប្បាយនៃគម្ពីគួរអាន

Ториқ

គោល​បំណងនៃជំពូក:

بيان قدرة الله وإحاطته في خلق الإنسان وإعادته.

Аллоҳнинг қудратини баён қилиш. У Зот инсонни яратишга ҳам, қайта тирилтиришга ҳам қодир.

---

អាយ៉ាត់: 1

وَٱلسَّمَآءِ وَٱلطَّارِقِ

Аллоҳ таоло осмонга ва тунда чиқадиган юлдузга қасам ичди.

អាយ៉ាត់: 2

وَمَآ أَدۡرَىٰكَ مَا ٱلطَّارِقُ

Эй Пайғамбар, сиз бу улкан юлдузнинг аҳамиятини қаердан ҳам билар эдингиз?!

អាយ៉ាត់: 3

ٱلنَّجۡمُ ٱلثَّاقِبُ

У чарақлаб, қоронғи осмонни ёритиб турувчи юлдуздир.

អាយ៉ាត់: 4

إِن كُلُّ نَفۡسٖ لَّمَّا عَلَيۡهَا حَافِظٞ

Бирон киши йўқки, Аллоҳ таоло унга уни қўриқлаб турадиган ҳамда Қиёмат кунидаги ҳисоб-китоб учун унинг амалларини қайд қилиб борадиган бир фариштани вакил қилмаган бўлса.

អាយ៉ាត់: 5

فَلۡيَنظُرِ ٱلۡإِنسَٰنُ مِمَّ خُلِقَ

Инсон Аллоҳ уни нимадан яратганини тафаккур қилсин. Шунда унга Аллоҳнинг қудрати ва ўзининг ожизлиги намоён бўлади.

អាយ៉ាត់: 6

خُلِقَ مِن مَّآءٖ دَافِقٖ

Аллоҳ уни бачадонга шиддат билан қуйиладиган сувдан яратди.

អាយ៉ាត់: 7

يَخۡرُجُ مِنۢ بَيۡنِ ٱلصُّلۡبِ وَٱلتَّرَآئِبِ

У аёлнинг кўкрак қафаси ва эркакнинг умуртқа суягидан чиқади.

អាយ៉ាត់: 8

إِنَّهُۥ عَلَىٰ رَجۡعِهِۦ لَقَادِرٞ

Мана шу ҳақир сувдан инсонни яратган Аллоҳ субҳанаҳу у ўлгач, ҳисоб ва жазо учун уни яна қайта тирилтиришга қодирдир.

អាយ៉ាត់: 9

يَوۡمَ تُبۡلَى ٱلسَّرَآئِرُ

Сирлар синовдан ўтказиладиган кунда. Қалблардаги яширин ниятлар, эътиқодлар ва бошқа нарсалар фош бўлади. Шу билан яхши ва бузуқ ниятлар бир-биридан ажралиб қолади.

អាយ៉ាត់: 10

فَمَا لَهُۥ مِن قُوَّةٖ وَلَا نَاصِرٖ

Ўша куни инсонни Аллоҳнинг азобидан қутқарадиган бирон куч ҳам, унга ёрдам берадиган бирор ёрдамчи ҳам бўлмас.

អាយ៉ាត់: 11

وَٱلسَّمَآءِ ذَاتِ ٱلرَّجۡعِ

Аллоҳ Таоло ёмғирли осмонга қасам ичди. Чунки такрор-такрор ёғадиган ёмғир осмондан қуйилади.

អាយ៉ាត់: 12

وَٱلۡأَرۡضِ ذَاتِ ٱلصَّدۡعِ

Бутун наботот, мевалару дарахтлар униб чиқиши билан ёриладиган ерга қасам ичди.

អាយ៉ាត់: 13

إِنَّهُۥ لَقَوۡلٞ فَصۡلٞ

Муҳаммад алайҳиссаломга нозил бўлган бу Қуръон, шак-шубҳасиз, ботил билан ҳақни, рост билан ёлғонни ажратувчи сўздир.

អាយ៉ាត់: 14

وَمَا هُوَ بِٱلۡهَزۡلِ

Қуръон шунчаки ҳазил-мутойиба ёки ёлғон эмас, балки жиддият ва ҳақиқатдир.

អាយ៉ាត់: 15

إِنَّهُمۡ يَكِيدُونَ كَيۡدٗا

Пайғамбарларига келган динни ёлғонга чиқарувчилар унинг даъватини рад қилиб, беҳудага чиқариш учун жуда кўп ҳийла-найранглар қиладилар.

អាយ៉ាត់: 16

وَأَكِيدُ كَيۡدٗا

Аллоҳ Таоло айтади: "Мен эса динни ғолиб қилиш ва ботилни йўққа чиқариш учун ҳийла қиламан".

អាយ៉ាត់: 17

فَمَهِّلِ ٱلۡكَٰفِرِينَ أَمۡهِلۡهُمۡ رُوَيۡدَۢا

Эй Пайғамбар, кофирларга бирозгина муҳлат беринг. Уларга азоб келиб, ҳалок қилинишларига шошилманг.

ក្នុង​ចំណោម​អត្ថប្រយោជន៍​នៃអាយ៉ាត់ទាំងនេះក្នុងទំព័រនេះ:

• تحفظ الملائكة الإنسان وأعماله خيرها وشرها ليحاسب عليها.

Фаришталар инсоннинг яхши-ёмон амалларини ҳисоб-китоб қилиниши учун қайд қилиб борадилар.

• ضعف كيد الكفار إذا قوبل بكيد الله سبحانه.

Аллоҳнинг ҳийласи олдида кофирлар ҳийласининг заифлиги.

• خشية الله تبعث على الاتعاظ.

Аллоҳдан қўрқиш панд-насиҳат олишга ундайди.