Check out the new design

Translation of the Meanings of the Noble Qur'an - Luhya translation - International Society for Science and Culture * - Translations’ Index

Translation of the meanings Surah: Al-Kahf   Ayah:
Surahs’ Index Page Number HTML

Ayah: 62

فَلَمَّا جَاوَزَا قَالَ لِفَتَىٰهُ ءَاتِنَا غَدَآءَنَا لَقَدۡ لَقِينَا مِن سَفَرِنَا هَٰذَا نَصَبٗا
Olwa babura mana niboola imbeli, yaboolela omusiani wuwe oyo mbu: “Khwelesie eshiakhulia shiefu shieshitere. Toto khunyoolele khuluchendo lwefu luno amachonye.”
Arabic explanations of the Qur’an:

Ayah: 63

قَالَ أَرَءَيۡتَ إِذۡ أَوَيۡنَآ إِلَى ٱلصَّخۡرَةِ فَإِنِّي نَسِيتُ ٱلۡحُوتَ وَمَآ أَنسَىٰنِيهُ إِلَّا ٱلشَّيۡطَٰنُ أَنۡ أَذۡكُرَهُۥۚ وَٱتَّخَذَ سَبِيلَهُۥ فِي ٱلۡبَحۡرِ عَجَبٗا
Naboola mbu: “Olutsi, wakhuwulushile halia khushitulo? Esie toto ndibilile inyeni eyo. Ne abulaho owakhola ndebilila halali Shetani mbu ndalayitsulila tawe, mana niitila injila yayo niitsia munyanza okhutsia khwamakana."
Arabic explanations of the Qur’an:

Ayah: 64

قَالَ ذَٰلِكَ مَا كُنَّا نَبۡغِۚ فَٱرۡتَدَّا عَلَىٰٓ ءَاثَارِهِمَا قَصَصٗا
Naboola mbu: “Awo niho wakhwenyerenje.” Mana nibakalukha inyuma okhulonda injila yabu ilia ilia.
Arabic explanations of the Qur’an:

Ayah: 65

فَوَجَدَا عَبۡدٗا مِّنۡ عِبَادِنَآ ءَاتَيۡنَٰهُ رَحۡمَةٗ مِّنۡ عِندِنَا وَعَلَّمۡنَٰهُ مِن لَّدُنَّا عِلۡمٗا
Mana nibanyoola Omusumba mubasumba befu owakhwahelesia tsimbabaasi okhurula khwifwe, ne owakhwechesia amasomo okhurula khwifwe.
Arabic explanations of the Qur’an:

Ayah: 66

قَالَ لَهُۥ مُوسَىٰ هَلۡ أَتَّبِعُكَ عَلَىٰٓ أَن تُعَلِّمَنِ مِمَّا عُلِّمۡتَ رُشۡدٗا
Musa namuboolela mbu: “Koo, enyala ndakhulondakhwo unzechesiekhwo kobulunjifu kawechesibwa?”
Arabic explanations of the Qur’an:

Ayah: 67

قَالَ إِنَّكَ لَن تَسۡتَطِيعَ مَعِيَ صَبۡرٗا
Naboola mbu: “Toto ewe shonyala okhwifwila okhuba halala ninasi tawe.
Arabic explanations of the Qur’an:

Ayah: 68

وَكَيۡفَ تَصۡبِرُ عَلَىٰ مَا لَمۡ تُحِطۡ بِهِۦ خُبۡرٗا
Ne onyala orie okhwifwila kalia akolakamanyile obulayi muno tawe?”
Arabic explanations of the Qur’an:

Ayah: 69

قَالَ سَتَجِدُنِيٓ إِن شَآءَ ٱللَّهُ صَابِرٗا وَلَآ أَعۡصِي لَكَ أَمۡرٗا
Naboola mbu: “Nyasaye nachama, witsa okhuunyoola nendi omwisumilisi, ne shinditsa okhulobakhwo likhuwa lilio liosiliosi tawe.”
Arabic explanations of the Qur’an:

Ayah: 70

قَالَ فَإِنِ ٱتَّبَعۡتَنِي فَلَا تَسۡـَٔلۡنِي عَن شَيۡءٍ حَتَّىٰٓ أُحۡدِثَ لَكَ مِنۡهُ ذِكۡرٗا
Naboola mbu: “Mana niwunondakhwo, olandeeba liosiliosi tawe okhula esie anjake okhukhuboolela hekulu walio.”
Arabic explanations of the Qur’an:

Ayah: 71

فَٱنطَلَقَا حَتَّىٰٓ إِذَا رَكِبَا فِي ٱلسَّفِينَةِ خَرَقَهَاۖ قَالَ أَخَرَقۡتَهَا لِتُغۡرِقَ أَهۡلَهَا لَقَدۡ جِئۡتَ شَيۡـًٔا إِمۡرٗا
Mana nibarula, ne olwa banina mubwaro, nabufutula. Musa namureeba mbu: ‘‘Ofutule obwaro kho osishie abalimwo? Toto okholele likhuwa libii muno.”
Arabic explanations of the Qur’an:

Ayah: 72

قَالَ أَلَمۡ أَقُلۡ إِنَّكَ لَن تَسۡتَطِيعَ مَعِيَ صَبۡرٗا
Naboola mbu: “Shekhuboolelekhwo mbu sholanyala okwifwila ninasi tawe?”
Arabic explanations of the Qur’an:

Ayah: 73

قَالَ لَا تُؤَاخِذۡنِي بِمَا نَسِيتُ وَلَا تُرۡهِقۡنِي مِنۡ أَمۡرِي عُسۡرٗا
Naboola mbu: “Olambukulila obubii khukandibilile tawe, ne olasitoyelia amakhuwa kanje tawe.”
Arabic explanations of the Qur’an:

Ayah: 74

فَٱنطَلَقَا حَتَّىٰٓ إِذَا لَقِيَا غُلَٰمٗا فَقَتَلَهُۥ قَالَ أَقَتَلۡتَ نَفۡسٗا زَكِيَّةَۢ بِغَيۡرِ نَفۡسٖ لَّقَدۡ جِئۡتَ شَيۡـٔٗا نُّكۡرٗا
Mana boosi nibarula halala, nibanyoola Omusiani mulala mana namwira. Musa naboola mbu: “Ahh! Wirire omundu eshikhaya ubula libii, ulerere Omundu tawe? Toto okholele likhuwa libii muno.”
Arabic explanations of the Qur’an:
 
Translation of the meanings Surah: Al-Kahf
Surahs’ Index Page Number
 
Translation of the Meanings of the Noble Qur'an - Luhya translation - International Society for Science and Culture - Translations’ Index

Issued by International Society for Science and Culture

close