Translation of the Meanings of the Noble Qur'an - الترجمة اللوهيا * - Translations’ Index

Translation of the meanings Surah: Al-Mutaffifīn   Ayah:
Surahs’ Index Page Number HTML

Al-Mutaffifin (ABAKALAKALA BESHICHELO)

Ayah: 1

وَيۡلٞ لِّلۡمُطَفِّفِينَ
Bali khushibi abakalakala, beshichelo!
Arabic explanations of the Qur’an:

Ayah: 2

ٱلَّذِينَ إِذَا ٱكۡتَالُواْ عَلَى ٱلنَّاسِ يَسۡتَوۡفُونَ
Balia abeene nibechelela khubandu, benyanga betsusilibwe.
Arabic explanations of the Qur’an:

Ayah: 3

وَإِذَا كَالُوهُمۡ أَو وَّزَنُوهُمۡ يُخۡسِرُونَ
Nabo nibachelela abandu khushichelo nohomba khuratili, nibakatia.
Arabic explanations of the Qur’an:

Ayah: 4

أَلَا يَظُنُّ أُوْلَٰٓئِكَ أَنَّهُم مَّبۡعُوثُونَ
Koo, shibaparangakhwo mbu toto bakhayabululwe mubafu?
Arabic explanations of the Qur’an:

Ayah: 5

لِيَوۡمٍ عَظِيمٖ
Khulwe Inyanga ikhongo.
Arabic explanations of the Qur’an:

Ayah: 6

يَوۡمَ يَقُومُ ٱلنَّاسُ لِرَبِّ ٱلۡعَٰلَمِينَ
Inyanga yabandu baliema imbeli wa Nyasaye Omulesi webilonje bioosi.
Arabic explanations of the Qur’an:

Ayah: 7

كَلَّآ إِنَّ كِتَٰبَ ٱلۡفُجَّارِ لَفِي سِجِّينٖ
Shikali kario tawe (shinga olwa mukholanga)! Toto bwene amaandiko ka (ebikhole bia) abamabii kali mushitabu shilangwa mbu Sijjiin.
Arabic explanations of the Qur’an:

Ayah: 8

وَمَآ أَدۡرَىٰكَ مَا سِجِّينٞ
Ne ni shina shikhumanyia Sijjiin ino?
Arabic explanations of the Qur’an:

Ayah: 9

كِتَٰبٞ مَّرۡقُومٞ
Ni eshitabu shiahandikwamwo (ebikhole bia abonooni).
Arabic explanations of the Qur’an:

Ayah: 10

وَيۡلٞ يَوۡمَئِذٖ لِّلۡمُكَذِّبِينَ
Eshinyasio eshikhongo inyanga eyo shiliba khubakhayi.
Arabic explanations of the Qur’an:

Ayah: 11

ٱلَّذِينَ يُكَذِّبُونَ بِيَوۡمِ ٱلدِّينِ
Balia bakatsulanga inyanga yeyindukho.
Arabic explanations of the Qur’an:

Ayah: 12

وَمَا يُكَذِّبُ بِهِۦٓ إِلَّا كُلُّ مُعۡتَدٍ أَثِيمٍ
Ne shibachikatsulanga inyanga eyo tawe okhuyiniakhwo buli wabura eshichelo, omukholi wetsimbi.
Arabic explanations of the Qur’an:

Ayah: 13

إِذَا تُتۡلَىٰ عَلَيۡهِ ءَايَٰتُنَا قَالَ أَسَٰطِيرُ ٱلۡأَوَّلِينَ
Nasoomelwa ebimanyisio biefu naboola mbu: “Etso ni tsingano etsia abakhale!”
Arabic explanations of the Qur’an:

Ayah: 14

كَلَّاۖ بَلۡۜ رَانَ عَلَىٰ قُلُوبِهِم مَّا كَانُواْ يَكۡسِبُونَ
Shikali kario tawe! Habula emioyo chiabu chakhupa tsindebelende okhurulana khu kalia kabakholanga.
Arabic explanations of the Qur’an:

Ayah: 15

كَلَّآ إِنَّهُمۡ عَن رَّبِّهِمۡ يَوۡمَئِذٖ لَّمَحۡجُوبُونَ
Shikali kario tawe! Toto bwene abo inyanga eyo baliikalilwa okhunyoola emikabo chia Nyasaye wabu Omulesi.
Arabic explanations of the Qur’an:

Ayah: 16

ثُمَّ إِنَّهُمۡ لَصَالُواْ ٱلۡجَحِيمِ
Ne mana bakhenjile mumulilo!
Arabic explanations of the Qur’an:

Ayah: 17

ثُمَّ يُقَالُ هَٰذَا ٱلَّذِي كُنتُم بِهِۦ تُكَذِّبُونَ
Mana baboolelwe mbu: “Kano niko kamwakhayanga.”
Arabic explanations of the Qur’an:

Ayah: 18

كَلَّآ إِنَّ كِتَٰبَ ٱلۡأَبۡرَارِ لَفِي عِلِّيِّينَ
Shikali kario tawe (shingala mukholanga)! Toto bwene amaandiko ka (ebikhole bia) abamalayi kali mushitabu shilangwa mbu I’liyyin.
Arabic explanations of the Qur’an:

Ayah: 19

وَمَآ أَدۡرَىٰكَ مَا عِلِّيُّونَ
Ne nishina shilikhumanyia I’liyyin ino?
Arabic explanations of the Qur’an:

Ayah: 20

كِتَٰبٞ مَّرۡقُومٞ
Ni eshitabu shiahandikwamwo.
Arabic explanations of the Qur’an:

Ayah: 21

يَشۡهَدُهُ ٱلۡمُقَرَّبُونَ
Bakhashilole balia abarebwa hambi nende Nyasaye.
Arabic explanations of the Qur’an:

Ayah: 22

إِنَّ ٱلۡأَبۡرَارَ لَفِي نَعِيمٍ
Toto bwene abakholi bamalayi baliba mubwokholo.
Arabic explanations of the Qur’an:

Ayah: 23

عَلَى ٱلۡأَرَآئِكِ يَنظُرُونَ
Baliikhala khubifumbi bioluyali nibahenga.
Arabic explanations of the Qur’an:

Ayah: 24

تَعۡرِفُ فِي وُجُوهِهِمۡ نَضۡرَةَ ٱلنَّعِيمِ
Olibamanyila khukhumesamesa khwobweni bwabu okhurulana khubwokholo.
Arabic explanations of the Qur’an:

Ayah: 25

يُسۡقَوۡنَ مِن رَّحِيقٖ مَّخۡتُومٍ
Balinywesibwa ebinywebwa ebilayi biafunikhwa.
Arabic explanations of the Qur’an:

Ayah: 26

خِتَٰمُهُۥ مِسۡكٞۚ وَفِي ذَٰلِكَ فَلۡيَتَنَافَسِ ٱلۡمُتَنَٰفِسُونَ
Ishifunikho shiabio shiliwunya obulayi shinga imisk. Ne khulwa okhunyoola kano, bashilane balia abenya okhushilana.
Arabic explanations of the Qur’an:

Ayah: 27

وَمِزَاجُهُۥ مِن تَسۡنِيمٍ
Ne shiasasibwamwo nende (amaatsi ka) Tasniim.
Arabic explanations of the Qur’an:

Ayah: 28

عَيۡنٗا يَشۡرَبُ بِهَا ٱلۡمُقَرَّبُونَ
(Tasniim eyo) ni Isebele yabalia abali hambi nende Nyasaye balinywamwo.
Arabic explanations of the Qur’an:

Ayah: 29

إِنَّ ٱلَّذِينَ أَجۡرَمُواْ كَانُواْ مِنَ ٱلَّذِينَ ءَامَنُواْ يَضۡحَكُونَ
Toto bwene abakholi betsimbi batsekhaanga abasuubili.
Arabic explanations of the Qur’an:

Ayah: 30

وَإِذَا مَرُّواْ بِهِمۡ يَتَغَامَزُونَ
Ne olwa baburanga ewa bali, babakhondiolanga nibechesania.
Arabic explanations of the Qur’an:

Ayah: 31

وَإِذَا ٱنقَلَبُوٓاْ إِلَىٰٓ أَهۡلِهِمُ ٱنقَلَبُواْ فَكِهِينَ
Ne nibakalukha mubandu babu, bakalukha nibasangaalile.
Arabic explanations of the Qur’an:

Ayah: 32

وَإِذَا رَأَوۡهُمۡ قَالُوٓاْ إِنَّ هَٰٓؤُلَآءِ لَضَآلُّونَ
Ne nibabalola, baboola mbu: “Toto bano nibo bakora.”
Arabic explanations of the Qur’an:

Ayah: 33

وَمَآ أُرۡسِلُواْ عَلَيۡهِمۡ حَٰفِظِينَ
Nabo abo shibarumwa okhuba abalindi babu tawe.
Arabic explanations of the Qur’an:

Ayah: 34

فَٱلۡيَوۡمَ ٱلَّذِينَ ءَامَنُواْ مِنَ ٱلۡكُفَّارِ يَضۡحَكُونَ
Kho olwa lelo Abasuubila nibo abatsekha Abakhayi.
Arabic explanations of the Qur’an:

Ayah: 35

عَلَى ٱلۡأَرَآئِكِ يَنظُرُونَ
Nibekhaale khubifumbi nibahenga.
Arabic explanations of the Qur’an:

Ayah: 36

هَلۡ ثُوِّبَ ٱلۡكُفَّارُ مَا كَانُواْ يَفۡعَلُونَ
Ne koo! Abakhayi barunjilwe khukabakholanga?
Arabic explanations of the Qur’an:
 
Translation of the meanings Surah: Al-Mutaffifīn
Surahs’ Index Page Number
 
Translation of the Meanings of the Noble Qur'an - الترجمة اللوهيا - Translations’ Index

ترجمة معاني القرآن الكريم إلى اللغة اللوهيا صادرة عن الجمعية الدولية للعلوم والثقافة.

close