Translation of the meanings Surah An-Nahl - Filipino Translation (Maguindanaon) - Rowad Translation Center - Page Number 276 - The Noble Qur'an Encyclopedia

Ayah: 80

وَٱللَّهُ جَعَلَ لَكُم مِّنۢ بُيُوتِكُمۡ سَكَنٗا وَجَعَلَ لَكُم مِّن جُلُودِ ٱلۡأَنۡعَٰمِ بُيُوتٗا تَسۡتَخِفُّونَهَا يَوۡمَ ظَعۡنِكُمۡ وَيَوۡمَ إِقَامَتِكُمۡ وَمِنۡ أَصۡوَافِهَا وَأَوۡبَارِهَا وَأَشۡعَارِهَآ أَثَٰثٗا وَمَتَٰعًا إِلَىٰ حِينٖ

Endu su Allah i minaluy sa lekanu kanu walay nu a bangintelenan nu endu binaluy nin sa lekanu su manga upis a binatang a walay a pedsengkanu kanu gay a kabpelalakaw nu, endu gay a katana nu, endu su kaped kanu bumbul nu binatang na aden antu na gabaloy nu a kasangkapan nu endu kaliliniyan nu (gagalu bu) sa taman bu kanu tinpu a nataratantu.

Ayah: 81

وَٱللَّهُ جَعَلَ لَكُم مِّمَّا خَلَقَ ظِلَٰلٗا وَجَعَلَ لَكُم مِّنَ ٱلۡجِبَالِ أَكۡنَٰنٗا وَجَعَلَ لَكُمۡ سَرَٰبِيلَ تَقِيكُمُ ٱلۡحَرَّ وَسَرَٰبِيلَ تَقِيكُم بَأۡسَكُمۡۚ كَذَٰلِكَ يُتِمُّ نِعۡمَتَهُۥ عَلَيۡكُمۡ لَعَلَّكُمۡ تُسۡلِمُونَ

Endu su Allah na binaluy nin sa lekanu su manga kayu a pedsilungan nu, endu binaluy nin sa lekanu kanu manga palaw i takub, endu binaluy nin sa lekanu su balegkas nu a paka-alaw nu sa mayaw, endu manga balegkas a paka-alaw nu sa kambunuwa (kelung), mamba i kapedsampulna kanu limu nin sa lekanu, ka malemu-lemu sa lekanu i kasangkup nu sa lekanin.

Ayah: 82

فَإِن تَوَلَّوۡاْ فَإِنَّمَا عَلَيۡكَ ٱلۡبَلَٰغُ ٱلۡمُبِينُ

Na amayka di silan tumalima na ya bu wagib sa leka (Muhammad) na kapapedsampay bu a mapayag.

Ayah: 83

يَعۡرِفُونَ نِعۡمَتَ ٱللَّهِ ثُمَّ يُنكِرُونَهَا وَأَكۡثَرُهُمُ ٱلۡكَٰفِرُونَ

Katawan nilan i limu nu Allah, mawli na supaken nilan, endu ya madakel kanilan na manga kafir.

Ayah: 84

وَيَوۡمَ نَبۡعَثُ مِن كُلِّ أُمَّةٖ شَهِيدٗا ثُمَّ لَا يُؤۡذَنُ لِلَّذِينَ كَفَرُواْ وَلَا هُمۡ يُسۡتَعۡتَبُونَ

Endu su gay a pambuwaten nami sa uman i lumpukan i saksi (langun a taw na saksi su nabi nin) mawli na di den kasugutan su manga kafir sa kadawa, endu dala den kanilan i makapangeni sa kasuwatan silan.

Ayah: 85

وَإِذَا رَءَا ٱلَّذِينَ ظَلَمُواْ ٱلۡعَذَابَ فَلَا يُخَفَّفُ عَنۡهُمۡ وَلَا هُمۡ يُنظَرُونَ

Endu amayka naylay nu manga kafir su siksa na di den silan kapegkagan, endu dala den kandedelengi sa kanilan.

Ayah: 86

وَإِذَا رَءَا ٱلَّذِينَ أَشۡرَكُواْ شُرَكَآءَهُمۡ قَالُواْ رَبَّنَا هَٰٓؤُلَآءِ شُرَكَآؤُنَا ٱلَّذِينَ كُنَّا نَدۡعُواْ مِن دُونِكَۖ فَأَلۡقَوۡاْ إِلَيۡهِمُ ٱلۡقَوۡلَ إِنَّكُمۡ لَكَٰذِبُونَ

Endu amayka naylay nu manga mushrik su manga barahala nilan, na ya nilan kadtalu: Kadenan nami nan su manga barahala nami a sinimba nami a salakaw sa leka, na padtalun nu Allah su barahala sa imbalingan nilan su kadtalu: sekanu i manga malbut (di kena ku pidtalu i simba aku nu).

Ayah: 87

وَأَلۡقَوۡاْ إِلَى ٱللَّهِ يَوۡمَئِذٍ ٱلسَّلَمَۖ وَضَلَّ عَنۡهُم مَّا كَانُواْ يَفۡتَرُونَ

Endu entuba a gay na semangkup silan sa Allah, endu natading kanilan su ipedtebu nilan (a barahala).