Translation of the Meanings of the Noble Qur'an - Filipino Translation (Maguindanaon) - Rowad Translation Center * - Translations’ Index
وَلَمَّا رَجَعَ مُوسَىٰٓ إِلَىٰ قَوۡمِهِۦ غَضۡبَٰنَ أَسِفٗا قَالَ بِئۡسَمَا خَلَفۡتُمُونِي مِنۢ بَعۡدِيٓۖ أَعَجِلۡتُمۡ أَمۡرَ رَبِّكُمۡۖ وَأَلۡقَى ٱلۡأَلۡوَاحَ وَأَخَذَ بِرَأۡسِ أَخِيهِ يَجُرُّهُۥٓ إِلَيۡهِۚ قَالَ ٱبۡنَ أُمَّ إِنَّ ٱلۡقَوۡمَ ٱسۡتَضۡعَفُونِي وَكَادُواْ يَقۡتُلُونَنِي فَلَا تُشۡمِتۡ بِيَ ٱلۡأَعۡدَآءَ وَلَا تَجۡعَلۡنِي مَعَ ٱلۡقَوۡمِ ٱلظَّٰلِمِينَ
Guna makawli si Musa lu kanu manga taw nin sa galipunget a galidu i ginawa nin, pidtalu nin: ngin den a kawag i nalikudan ku sa lekanu, ngintu ka pinamagayasan nu i siksa nu kadenan endu inibetad nin su Taurat, na kinwa nin i ulu nu suled nin (kinakangan nin sa buk) sa tinundan nin, tig nu suled nin (Harun): o wata ni ina (Musa), manga taw a nya na pinakalubay aku nilan, endu paydu saman na bunun aku nilan, na dika pedtempu (pedsendit) sa laki i manga satru anan, endu di aku pagkuyug kanu manga taw a dhalimeen.
Arabic explanations of the Qur’an:
إِنَّ ٱلَّذِينَ ٱتَّخَذُواْ ٱلۡعِجۡلَ سَيَنَالُهُمۡ غَضَبٞ مِّن رَّبِّهِمۡ وَذِلَّةٞ فِي ٱلۡحَيَوٰةِ ٱلدُّنۡيَاۚ وَكَذَٰلِكَ نَجۡزِي ٱلۡمُفۡتَرِينَ
Su manga taw a minumbal sa sapi a sinimba nilan na makwa (masugat) silan a lipunget ebpun kanu kadenan nilan endu makalusak sya sa uyag-uyag sa dunya, na mamba i kabalas nami kanu manga taw a pedtetebu sa kalbutan.
Arabic explanations of the Qur’an:
وَٱلَّذِينَ عَمِلُواْ ٱلسَّيِّـَٔاتِ ثُمَّ تَابُواْ مِنۢ بَعۡدِهَا وَءَامَنُوٓاْ إِنَّ رَبَّكَ مِنۢ بَعۡدِهَا لَغَفُورٞ رَّحِيمٞ
Endu su manga taw a penggalbek sa manga malat, mawli na mid-tawbat sa ulyan nin endu nangimbenal silan na su kadenan nengka sa ulyan antu na bangampun a malimu.
Arabic explanations of the Qur’an:
وَلَمَّا سَكَتَ عَن مُّوسَى ٱلۡغَضَبُ أَخَذَ ٱلۡأَلۡوَاحَۖ وَفِي نُسۡخَتِهَا هُدٗى وَرَحۡمَةٞ لِّلَّذِينَ هُمۡ لِرَبِّهِمۡ يَرۡهَبُونَ
Guna den makatelen su lipunget nu Musa na kinwa nin su Taurat endu nakasulat su tutulu endu limu lu kanu manga taw endu bangandamen nilan i Kadenan nilan.
Arabic explanations of the Qur’an:
وَٱخۡتَارَ مُوسَىٰ قَوۡمَهُۥ سَبۡعِينَ رَجُلٗا لِّمِيقَٰتِنَاۖ فَلَمَّآ أَخَذَتۡهُمُ ٱلرَّجۡفَةُ قَالَ رَبِّ لَوۡ شِئۡتَ أَهۡلَكۡتَهُم مِّن قَبۡلُ وَإِيَّٰيَۖ أَتُهۡلِكُنَا بِمَا فَعَلَ ٱلسُّفَهَآءُ مِنَّآۖ إِنۡ هِيَ إِلَّا فِتۡنَتُكَ تُضِلُّ بِهَا مَن تَشَآءُ وَتَهۡدِي مَن تَشَآءُۖ أَنتَ وَلِيُّنَا فَٱغۡفِرۡ لَنَا وَٱرۡحَمۡنَاۖ وَأَنتَ خَيۡرُ ٱلۡغَٰفِرِينَ
Endu namili si Musa kanu taw nin sa pitu pulu a mama kanu waktu nami, guna silan masugat na linug (sabap kanu pidtalu nilan kani Musa sa di kami mangimbenal sa leka, taman sa di nengka ipailay su Kadenan nengka) tig nu Musa: Kadenan ku u kahanda nengka i binasan silan, na nawna den abpeg ku, na di kami pembinasa sabap kanu galbekan nu manga di mataw sa lekami, ka dala i nya ya tabya na tyuba nengka, ipedtading nengka kanu magkahanda nengka, endu pedtutulun nengka su magkahanda nengka, seka i pedtuldu sa lekami na ampun kami nengka, ka seka i mapya gayd a mangampun.
Arabic explanations of the Qur’an:
Translation of the Meanings of the Noble Qur'an - Filipino Translation (Maguindanaon) - Rowad Translation Center - Translations’ Index
translated by Rowwad Translation Center, in cooperation with the Islamic Propagation Office in Rabwah and the Association for Serving Islamic Content in Languages.