ترجمهٔ معانی سوره سوره غاشيه - الترجمة القيرغيزية - دایرة المعارف قرآن کریم

Гаaшия

آیه: 1

هَلۡ أَتَىٰكَ حَدِيثُ ٱلۡغَٰشِيَةِ

(Оо, Мухаммад!) сага Ороп алуучунун кабары келдиби?^[1]

[1] “Гаашиянын” мааниси “Ороп алуучу”. “Ороп алуучу” – бул Кыямат окуясы. Анткени, Кыямат окуясы башталганда ааламдык кыйроолор жана башка дүрбөлөңдүү алааматтар себептүү бардык жан-жаныбарларды чоң коркунуч ороп калат. Айрыкча каапырлар катуу коркушат. Себеби, алар бул күнгө ишенишпеген эле. Кийинки аяттар ошол күнкү каапырлардын абалы жөнүндө.

آیه: 2

وُجُوهٞ يَوۡمَئِذٍ خَٰشِعَةٌ

Ал Күндө (каапыр) жүздөр коркууда(н кубарып, жер карайт).

آیه: 3

عَامِلَةٞ نَّاصِبَةٞ

(Тозоктогу кишендерден) чарчаган, кыйналган абалда...

آیه: 4

تَصۡلَىٰ نَارًا حَامِيَةٗ

кызыган отко кирет!

آیه: 5

تُسۡقَىٰ مِنۡ عَيۡنٍ ءَانِيَةٖ

(Аларга) кайнаган булактан суу ичирилет!

آیه: 6

لَّيۡسَ لَهُمۡ طَعَامٌ إِلَّا مِن ضَرِيعٖ

Алар үчүн (тозокто) тикенден башка тамак жок!^[1]

[1] Бул тикен “зарийь” деп аталат.

آیه: 7

لَّا يُسۡمِنُ وَلَا يُغۡنِي مِن جُوعٖ

(Ал) семиртпейт жана тойдурбайт!

آیه: 8

وُجُوهٞ يَوۡمَئِذٖ نَّاعِمَةٞ

Ал күндө (ыймандуу) жүздөр шат-куунак!

آیه: 9

لِّسَعۡيِهَا رَاضِيَةٞ

(Бул дүйнөдөгү адал, сооп) иш-аракеттерине ыраазы!

آیه: 10

فِي جَنَّةٍ عَالِيَةٖ

Жогорку бейиште!

آیه: 11

لَّا تَسۡمَعُ فِيهَا لَٰغِيَةٗ

Анда маанисиз сөздөрдү укпайт.

آیه: 12

فِيهَا عَيۡنٞ جَارِيَةٞ

Анда агып тураган булактар,

آیه: 13

فِيهَا سُرُرٞ مَّرۡفُوعَةٞ

бийик сөрүлөр,

آیه: 14

وَأَكۡوَابٞ مَّوۡضُوعَةٞ

(ичишке даярдап) коюлган чөйчөктөр,

آیه: 15

وَنَمَارِقُ مَصۡفُوفَةٞ

сап-сап тизилген жаздыктар

آیه: 16

وَزَرَابِيُّ مَبۡثُوثَةٌ

жана төшөлгөн килемдер бар!

آیه: 17

أَفَلَا يَنظُرُونَ إِلَى ٱلۡإِبِلِ كَيۡفَ خُلِقَتۡ

Алар (Каапырлар) карашпайбы, төөнүн кандай жаратылганына?!

آیه: 18

وَإِلَى ٱلسَّمَآءِ كَيۡفَ رُفِعَتۡ

Асмандын кандай көтөрүп коюлганына...,

آیه: 19

وَإِلَى ٱلۡجِبَالِ كَيۡفَ نُصِبَتۡ

Тоолордун кандай сайып коюлганына...,^[1]

[1] Тоолор - жердин казыктары. Тоолордун жердин түбүнө сайылган бөлүгү жер үстү бөлүгүнөн үч-төрт эсеге узун. Алар менен бекемделгени себептүү жер аман-эсен турат.

آیه: 20

وَإِلَى ٱلۡأَرۡضِ كَيۡفَ سُطِحَتۡ

Жана жердин кандай жайып коюлганына?^[1]

[1] Жетинчи кылымдын кишисине “жердин тоголоктугуна карашпайбы?” деген кайрылуу болсо алар муну түшүнмөк да эмес, ишенмек да эмес. Айрыкча ал чөл адамы болсо, андан бетер таң калмак. Андан көрө аларга жердин кандай төшөк сымал жайып, тегиз кылып коюлганы айтылса, Аллахтын кудуретине көбүрөөк ушундан далил табышы мүмкүн эле.

آیه: 21

فَذَكِّرۡ إِنَّمَآ أَنتَ مُذَكِّرٞ

(Оо, Мухаммад) эскерткин! Анткени, сен эскертүүчүсүң!^[1]

[1] Демек, пайгамбарлар – эскертүүчүлөр. Алар адамдарга Аллах тааланын өкүмдөрүн жеткирип, эскертип гана коюшат. Алардын аркаларынан “жасадыбы, жасабадыбы?” деп акмалап жүрүшпөйт жана зордук-зомбулук да көргөзүшпөйт.

آیه: 22

لَّسۡتَ عَلَيۡهِم بِمُصَيۡطِرٍ

Сен аларга үстөмдүк кылуучу эмессиң!

آیه: 23

إِلَّا مَن تَوَلَّىٰ وَكَفَرَ

Бирок, ким жүз бурса жана каапыр болсо,

آیه: 24

فَيُعَذِّبُهُ ٱللَّهُ ٱلۡعَذَابَ ٱلۡأَكۡبَرَ

аны Аллах чоң азапка салат!

آیه: 25

إِنَّ إِلَيۡنَآ إِيَابَهُمۡ

Алар (өлгөндөн соң) Бизге кайтышат.

آیه: 26

ثُمَّ إِنَّ عَلَيۡنَا حِسَابَهُم

Кийин алар менен Өзүбүз эсептешип алабыз!