ترجمهٔ معانی سوره سوره ضحى - الترجمة الأوزبكية للمختصر في تفسير القرآن الكريم - دایرة المعارف قرآن کریم

Зуҳо сураси

از اهداف این سوره:

بيان عناية الله بنبيه في أول أمره وآخره.

Ишнинг бошида ҳам, охирида ҳам Аллоҳнинг Ўз пайғамбарига кўрсатган инояти баёни.

---

آیه: 1

وَٱلضُّحَىٰ

Аллоҳ таоло кундузнинг аввалги қисмига қасам ичди.

آیه: 2

وَٱلَّيۡلِ إِذَا سَجَىٰ

Зулмат босиб, одамлар ҳаракатдан тўхтаб қолган кечага қасам ичди.

آیه: 3

مَا وَدَّعَكَ رَبُّكَ وَمَا قَلَىٰ

Эй Пайғамбар, ваҳий тўхтаб қолган пайтда Парвардигорингиз сизни на тарк қилди ва на ёмон кўриб қолди. Мушрикларнинг гапига парво қилманг.

آیه: 4

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ

Сиз учун, албатта, охират диёри дунёдан афзалроқдир. Чунки у ерда битмас-туганмас бахт-саодат бордир.

آیه: 5

وَلَسَوۡفَ يُعۡطِيكَ رَبُّكَ فَتَرۡضَىٰٓ

Яқинда Аллоҳ таоло сизга ва умматингизга жуда кўп мукофотлар ато этади. Сиз ўзингизгаю умматингизга берилган бу марҳаматлардан рози бўласиз.

آیه: 6

أَلَمۡ يَجِدۡكَ يَتِيمٗا فَـَٔاوَىٰ

Отангиз вафот этиб, Парвардигорингиз сизни етим ҳолда топгач, сизга бошпана берди. Ўшанда аввал бобонгиз Абдулмутталиб, сўнгра амакингиз Абу Толиб сизга меҳрибон, ғамхўр бўлди.

آیه: 7

وَوَجَدَكَ ضَآلّٗا فَهَدَىٰ

Сизни на китоб ва на иймон нималигини билмаган ҳолингизда топди ва билмаган нарсаларингизни ўргатди.

آیه: 8

وَوَجَدَكَ عَآئِلٗا فَأَغۡنَىٰ

Сизни фақир ҳолда топиб, бой қилди.

آیه: 9

فَأَمَّا ٱلۡيَتِيمَ فَلَا تَقۡهَرۡ

Гўдаклигида отасидан ажралган етимга қўпол муомала қилманг, уни хорламанг.

آیه: 10

وَأَمَّا ٱلسَّآئِلَ فَلَا تَنۡهَرۡ

Муҳтож бўлиб сўраб келган одамни жеркиманг.

آیه: 11

وَأَمَّا بِنِعۡمَةِ رَبِّكَ فَحَدِّثۡ

Аллоҳ сизга ато этган неъматларга шукр қилинг ва улар ҳақида гапиринг.

از فواید آیات این صفحه:

• منزلة النبي صلى الله عليه وسلم عند ربه لا تدانيها منزلة.

Набий алайҳиссаломнинг Парвардигори ҳузуридаги мартабаларига бирон мартаба тенглашолмайди.

• شكر النعم حقّ لله على عبده.

Неъматларга шукр қилиш Аллоҳнинг бандалари зиммасидаги ҳаққидир.

• وجوب الرحمة بالمستضعفين واللين لهم.

Мазлумларга нисбатан раҳмдил ва мулойим бўлиш фарздир.