Маънолар таржимаси Сура Зуҳо сураси - الترجمة الأوزبكية للمختصر في تفسير القرآن الكريم - Қуръони Карим қомуси

Зуҳо сураси

Суранинг мақсадларидан..:

بيان عناية الله بنبيه في أول أمره وآخره.

Ишнинг бошида ҳам, охирида ҳам Аллоҳнинг Ўз пайғамбарига кўрсатган инояти баёни.

---

Оят: 1

وَٱلضُّحَىٰ

Аллоҳ таоло кундузнинг аввалги қисмига қасам ичди.

Оят: 2

وَٱلَّيۡلِ إِذَا سَجَىٰ

Зулмат босиб, одамлар ҳаракатдан тўхтаб қолган кечага қасам ичди.

Оят: 3

مَا وَدَّعَكَ رَبُّكَ وَمَا قَلَىٰ

Эй Пайғамбар, ваҳий тўхтаб қолган пайтда Парвардигорингиз сизни на тарк қилди ва на ёмон кўриб қолди. Мушрикларнинг гапига парво қилманг.

Оят: 4

وَلَلۡأٓخِرَةُ خَيۡرٞ لَّكَ مِنَ ٱلۡأُولَىٰ

Сиз учун, албатта, охират диёри дунёдан афзалроқдир. Чунки у ерда битмас-туганмас бахт-саодат бордир.

Оят: 5

وَلَسَوۡفَ يُعۡطِيكَ رَبُّكَ فَتَرۡضَىٰٓ

Яқинда Аллоҳ таоло сизга ва умматингизга жуда кўп мукофотлар ато этади. Сиз ўзингизгаю умматингизга берилган бу марҳаматлардан рози бўласиз.

Оят: 6

أَلَمۡ يَجِدۡكَ يَتِيمٗا فَـَٔاوَىٰ

Отангиз вафот этиб, Парвардигорингиз сизни етим ҳолда топгач, сизга бошпана берди. Ўшанда аввал бобонгиз Абдулмутталиб, сўнгра амакингиз Абу Толиб сизга меҳрибон, ғамхўр бўлди.

Оят: 7

وَوَجَدَكَ ضَآلّٗا فَهَدَىٰ

Сизни на китоб ва на иймон нималигини билмаган ҳолингизда топди ва билмаган нарсаларингизни ўргатди.

Оят: 8

وَوَجَدَكَ عَآئِلٗا فَأَغۡنَىٰ

Сизни фақир ҳолда топиб, бой қилди.

Оят: 9

فَأَمَّا ٱلۡيَتِيمَ فَلَا تَقۡهَرۡ

Гўдаклигида отасидан ажралган етимга қўпол муомала қилманг, уни хорламанг.

Оят: 10

وَأَمَّا ٱلسَّآئِلَ فَلَا تَنۡهَرۡ

Муҳтож бўлиб сўраб келган одамни жеркиманг.

Оят: 11

وَأَمَّا بِنِعۡمَةِ رَبِّكَ فَحَدِّثۡ

Аллоҳ сизга ато этган неъматларга шукр қилинг ва улар ҳақида гапиринг.

Ушбу саҳифадаги оят фойдаларидан:

• منزلة النبي صلى الله عليه وسلم عند ربه لا تدانيها منزلة.

Набий алайҳиссаломнинг Парвардигори ҳузуридаги мартабаларига бирон мартаба тенглашолмайди.

• شكر النعم حقّ لله على عبده.

Неъматларга шукр қилиш Аллоҳнинг бандалари зиммасидаги ҳаққидир.

• وجوب الرحمة بالمستضعفين واللين لهم.

Мазлумларга нисбатан раҳмдил ва мулойим бўлиш фарздир.