ترجمهٔ معانی سوره سوره نازعات - الترجمة الأوزبكية - مركز رواد الترجمة - دایرة المعارف قرآن کریم

Нозиъот сураси

آیه: 1

وَٱلنَّٰزِعَٰتِ غَرۡقٗا

Шиддат билан (жонни) суғуриб олувчи (фаришта)ларга қасам.

آیه: 2

وَٱلنَّٰشِطَٰتِ نَشۡطٗا

Юмшоқлик билан жон олувчи (фаришта)ларга қасам.

آیه: 3

وَٱلسَّٰبِحَٰتِ سَبۡحٗا

Сузиб юрувчи (фаришта)ларга қасам.

آیه: 4

فَٱلسَّٰبِقَٰتِ سَبۡقٗا

Ўзишда мусобақа қилувчи (фаришта)ларга қасам.

آیه: 5

فَٱلۡمُدَبِّرَٰتِ أَمۡرٗا

Ишнинг тадбирини қилувчи (фаришта)ларга қасам.

آیه: 6

يَوۡمَ تَرۡجُفُ ٱلرَّاجِفَةُ

Титрагувчи титраган кунда.

آیه: 7

تَتۡبَعُهَا ٱلرَّادِفَةُ

Унга эргашувчи эргашганда.

آیه: 8

قُلُوبٞ يَوۡمَئِذٖ وَاجِفَةٌ

Ўша кунда қалблар қўрқувга тушгувчидир.

آیه: 9

أَبۡصَٰرُهَا خَٰشِعَةٞ

Кўзлари эса эгилиб қолгувчидир!

آیه: 10

يَقُولُونَ أَءِنَّا لَمَرۡدُودُونَ فِي ٱلۡحَافِرَةِ

Дейдилар: «Биз ростдан ҳам ортга қайтариламизми?»

آیه: 11

أَءِذَا كُنَّا عِظَٰمٗا نَّخِرَةٗ

«Чириган суяк бўлганимиздан кейин ҳам-а?»

آیه: 12

قَالُواْ تِلۡكَ إِذٗا كَرَّةٌ خَاسِرَةٞ

«Ундай бўлса, бу зиёнли қайтиш-ку!» – дерлар.

آیه: 13

فَإِنَّمَا هِيَ زَجۡرَةٞ وَٰحِدَةٞ

Албатта, у бир қичқириқдан бошқа нарса эмас.

آیه: 14

فَإِذَا هُم بِٱلسَّاهِرَةِ

Қарабсизки, улар ер устида бўлиб қолурлар!

آیه: 15

هَلۡ أَتَىٰكَ حَدِيثُ مُوسَىٰٓ

Сизга Мусонинг хабари келдими?

آیه: 16

إِذۡ نَادَىٰهُ رَبُّهُۥ بِٱلۡوَادِ ٱلۡمُقَدَّسِ طُوًى

Эсланг, Парвардигори унга муқаддас Туво водийсида (шундай) нидо қилган эди:

آیه: 17

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

«Фиръавннинг ёнига бор, чунки у ҳаддидан ошди.

آیه: 18

فَقُلۡ هَل لَّكَ إِلَىٰٓ أَن تَزَكَّىٰ

Унга: «Сенда покланишга (рағбат) борми?

آیه: 19

وَأَهۡدِيَكَ إِلَىٰ رَبِّكَ فَتَخۡشَىٰ

Сени Парвардигоринг сари бошласам, бас, (У зотдан) қўрқсанг», деб айт».

آیه: 20

فَأَرَىٰهُ ٱلۡأٓيَةَ ٱلۡكُبۡرَىٰ

Унга бир улкан мўъжиза кўрсатди.

آیه: 21

فَكَذَّبَ وَعَصَىٰ

(Фиръавн) уни ёлғонга чиқарди ва осий бўлди.

آیه: 22

ثُمَّ أَدۡبَرَ يَسۡعَىٰ

Сўнг юз ўгириб, тезлаб кетди.

آیه: 23

فَحَشَرَ فَنَادَىٰ

Сўнг (ўз одамларини) тўплаб, жар солди:

آیه: 24

فَقَالَ أَنَا۠ رَبُّكُمُ ٱلۡأَعۡلَىٰ

«Мен сизларнинг энг олий Парвардигорингиздирман», деди.

آیه: 25

فَأَخَذَهُ ٱللَّهُ نَكَالَ ٱلۡأٓخِرَةِ وَٱلۡأُولَىٰٓ

Бас, Аллоҳ уни охират ва дунё азобига гирифтор қилди.

آیه: 26

إِنَّ فِي ذَٰلِكَ لَعِبۡرَةٗ لِّمَن يَخۡشَىٰٓ

Албатта, бунда У зотдан қўрқадиганлар учун ибрат бордир.

آیه: 27

ءَأَنتُمۡ أَشَدُّ خَلۡقًا أَمِ ٱلسَّمَآءُۚ بَنَىٰهَا

Сизларни яратиш қийинми ёки осмонними? Уни (Аллоҳ) бино қилди.

آیه: 28

رَفَعَ سَمۡكَهَا فَسَوَّىٰهَا

Шифтини баланд қилиб, тиклади.

آیه: 29

وَأَغۡطَشَ لَيۡلَهَا وَأَخۡرَجَ ضُحَىٰهَا

Кечасини қоронғу қилиб, (ундан) кундузини чиқарди.

آیه: 30

وَٱلۡأَرۡضَ بَعۡدَ ذَٰلِكَ دَحَىٰهَآ

Ундан кейин ерни ёйиб текис қилди.

آیه: 31

أَخۡرَجَ مِنۡهَا مَآءَهَا وَمَرۡعَىٰهَا

Ундан сувини, ўтлоқларини чиқарди.

آیه: 32

وَٱلۡجِبَالَ أَرۡسَىٰهَا

Ва тоғларни ўрнаштирди.

آیه: 33

مَتَٰعٗا لَّكُمۡ وَلِأَنۡعَٰمِكُمۡ

Сизларга ва чорваларингизга фойдали бўлиши учун.

آیه: 34

فَإِذَا جَآءَتِ ٱلطَّآمَّةُ ٱلۡكُبۡرَىٰ

Катта бало келганида.

آیه: 35

يَوۡمَ يَتَذَكَّرُ ٱلۡإِنسَٰنُ مَا سَعَىٰ

Инсон ўз қилмишини ёдга олган кунда.

آیه: 36

وَبُرِّزَتِ ٱلۡجَحِيمُ لِمَن يَرَىٰ

Ва дўзах кўрадиган кимсага кўрсатиб қўйилганида.

آیه: 37

فَأَمَّا مَن طَغَىٰ

Ўшанда ким ҳаддидан ошган бўлса.

آیه: 38

وَءَاثَرَ ٱلۡحَيَوٰةَ ٱلدُّنۡيَا

Ва бу дунё ҳаётини устун қўйган бўлса.

آیه: 39

فَإِنَّ ٱلۡجَحِيمَ هِيَ ٱلۡمَأۡوَىٰ

Унинг жойи фақат жаҳаннам бўлур.

آیه: 40

وَأَمَّا مَنۡ خَافَ مَقَامَ رَبِّهِۦ وَنَهَى ٱلنَّفۡسَ عَنِ ٱلۡهَوَىٰ

Ким Парвардигори қошида туришдан қўрқиб, нафсни хоҳиш-истаклардан тийган бўлса.

آیه: 41

فَإِنَّ ٱلۡجَنَّةَ هِيَ ٱلۡمَأۡوَىٰ

Бас, унинг жойи жаннатдир.

آیه: 42

يَسۡـَٔلُونَكَ عَنِ ٱلسَّاعَةِ أَيَّانَ مُرۡسَىٰهَا

Сиздан, Қиёмат қачон бўлиши ҳақида сўрайдилар.

آیه: 43

فِيمَ أَنتَ مِن ذِكۡرَىٰهَآ

Сиз қаёқда-ю, уни зикр қилиш қаёқда?!

آیه: 44

إِلَىٰ رَبِّكَ مُنتَهَىٰهَآ

Уни (билиш) ёлғиз Парвардигорингизга бориб тўхтар.

آیه: 45

إِنَّمَآ أَنتَ مُنذِرُ مَن يَخۡشَىٰهَا

Сиз фақат ундан қўрқадиган кишиларни огоҳлантиргувчисиз, холос.

آیه: 46

كَأَنَّهُمۡ يَوۡمَ يَرَوۡنَهَا لَمۡ يَلۡبَثُوٓاْ إِلَّا عَشِيَّةً أَوۡ ضُحَىٰهَا

Уни кўрадиган кунда худди (бу дунёда) биргина Пешиндан сўнг ёки чошгоҳ пайтида тургандек бўлиб қолурлар!