Firo maanaaji Simoore Simoorw Taahaa - Eggo e Filipineewo (Bisayaawo) - ñiiɓirde Rowad ngam eggo. - Tonngoode hello ngoo 313 - Mawsuuwa al-quraan tedduɗo oo

Aaya: 13

وَأَنَا ٱخۡتَرۡتُكَ فَٱسۡتَمِعۡ لِمَا يُوحَىٰٓ

Ug gipili Ko ikaw (isip Akong Mensahero), busa paminaw sa unsay gipadayag (kanimo).

Aaya: 14

إِنَّنِيٓ أَنَا ٱللَّهُ لَآ إِلَٰهَ إِلَّآ أَنَا۠ فَٱعۡبُدۡنِي وَأَقِمِ ٱلصَّلَوٰةَ لِذِكۡرِيٓ

Sa pagkatinuod Ako mao ang Allah, walay dios (nga angayan simbahon) gawas Kanako, busa simbaha ninyo Ako lamang, ug buhata ang pag-ampo alang sa Paghinumdum Kanako.

Aaya: 15

إِنَّ ٱلسَّاعَةَ ءَاتِيَةٌ أَكَادُ أُخۡفِيهَا لِتُجۡزَىٰ كُلُّ نَفۡسِۭ بِمَا تَسۡعَىٰ

Sa pagkatinuod ang Takna (ang Adlaw sa Pagkalaglag) moabot, ug ang Akong Kabubut-on mao ang pagtago niini, aron ang matag kalag mabawsan sa unsay iyang gipaningkamotan.

Aaya: 16

فَلَا يَصُدَّنَّكَ عَنۡهَا مَن لَّا يُؤۡمِنُ بِهَا وَٱتَّبَعَ هَوَىٰهُ فَتَرۡدَىٰ

Busa ayaw itugot nga ang mga dili motuo niini ug nagsunod sa ilang mga tinguha makabalda kanimo gikan niini, o ikaw malaglag.’”

Aaya: 17

وَمَا تِلۡكَ بِيَمِينِكَ يَٰمُوسَىٰ

Unsa kanang anaa sa imong tuong kamot, O Moises?"

Aaya: 18

قَالَ هِيَ عَصَايَ أَتَوَكَّؤُاْ عَلَيۡهَا وَأَهُشُّ بِهَا عَلَىٰ غَنَمِي وَلِيَ فِيهَا مَـَٔارِبُ أُخۡرَىٰ

Si (Moises) miingon: "Kini mao ang akong sungkod, nga diin ako nagasandig, ug akong bunalan ang mga sanga pinaagi niini aron ang mga dahon mangatagak alang sa akong karnero, ug ako aduna pay lain nga gamitan niini."

Aaya: 19

قَالَ أَلۡقِهَا يَٰمُوسَىٰ

(Ang Allah) miingon: "Iitsa kini, O Moises!"

Aaya: 20

فَأَلۡقَىٰهَا فَإِذَا هِيَ حَيَّةٞ تَسۡعَىٰ

Busa iya kining gisalibay; ug dihadiha kini (nahimong) usa ka bitin nga naglihok nga mapaspas.

Aaya: 21

قَالَ خُذۡهَا وَلَا تَخَفۡۖ سَنُعِيدُهَا سِيرَتَهَا ٱلۡأُولَىٰ

(Ang Allah) miingon: "Kuhaa kini ug ayaw kahadlok; Among ibalik kini sa iyang kanhing kahimtang",

Aaya: 22

وَٱضۡمُمۡ يَدَكَ إِلَىٰ جَنَاحِكَ تَخۡرُجۡ بَيۡضَآءَ مِنۡ غَيۡرِ سُوٓءٍ ءَايَةً أُخۡرَىٰ

Ug ibutang ang imong kamot sa imong kilid, ug kini mahimo nga maputi (uban ang kahayag), walay buling, ingon nga lain pang (dugang nga) Timaan;

Aaya: 23

لِنُرِيَكَ مِنۡ ءَايَٰتِنَا ٱلۡكُبۡرَى

Aron Kami makapakita kanimo (sa pipila) sa Among Dagkung mga Timaan,

Aaya: 24

ٱذۡهَبۡ إِلَىٰ فِرۡعَوۡنَ إِنَّهُۥ طَغَىٰ

Lakaw ngadto kang Paraon, kay siya sa pagkatinuod nakalapas sa tanan nga mga utlanan.”

Aaya: 25

قَالَ رَبِّ ٱشۡرَحۡ لِي صَدۡرِي

Si Moises miingon: "(Oh Allah) akong Ginoo, palapda ang akong dughan alang kanako3,".

3. ug hatagi ako ug katagbawan, kaisog ug uban pa".

Aaya: 26

وَيَسِّرۡ لِيٓ أَمۡرِي

Ug himoa nga sayon ​​alang kanako ang akong buluhaton,

Aaya: 27

وَٱحۡلُلۡ عُقۡدَةٗ مِّن لِّسَانِي

Ug tangtanga ang higot gikan sa akong dila,

Aaya: 28

يَفۡقَهُواْ قَوۡلِي

(Aron) sila makasabut sa akong sinultihan;

Aaya: 29

وَٱجۡعَل لِّي وَزِيرٗا مِّنۡ أَهۡلِي

Ug hatagi ako ug katabang gikan sa akong pamilya:

Aaya: 30

هَٰرُونَ أَخِي

Si Aaron, nga akong igsoon,

Aaya: 31

ٱشۡدُدۡ بِهِۦٓ أَزۡرِي

Dugangi ang akong kusog pinaagi kaniya,

Aaya: 32

وَأَشۡرِكۡهُ فِيٓ أَمۡرِي

ug tugoti siya sa pag-ambit akong buluhaton,

Aaya: 33

كَيۡ نُسَبِّحَكَ كَثِيرٗا

Aron kami makabayaw (pagpasidungog ug pagdayeg) Kanimo pag-ayo.

Aaya: 34

وَنَذۡكُرَكَ كَثِيرًا

Aron kami Kanimo mahinumdom sa kanunay,

Aaya: 35

إِنَّكَ كُنتَ بِنَا بَصِيرٗا

Sa pagkatinuod, Nakita ug nahibal-an nimo ang tanan bahin kanamo.”

Aaya: 36

قَالَ قَدۡ أُوتِيتَ سُؤۡلَكَ يَٰمُوسَىٰ

(Ang Allah) miingon: "Ikaw sa pagkatinuod gihatagan sa imong gihangyo, O Moises".

Aaya: 37

وَلَقَدۡ مَنَنَّا عَلَيۡكَ مَرَّةً أُخۡرَىٰٓ

Ug sa pagkatinuod Kami mihatag kanimo og usa ka Pabor sa laing panahon;