Traduction des sens Sourate AL-QIYÂMAH - Traduction en azéri - 'Alî Khân Mosaïev - Encyclopédie du Noble Coran

əl-Qiyamə

Verset: 1

لَآ أُقۡسِمُ بِيَوۡمِ ٱلۡقِيَٰمَةِ

And içirəm Qiyamət gününə!

Verset: 2

وَلَآ أُقۡسِمُ بِٱلنَّفۡسِ ٱللَّوَّامَةِ

And içirəm özünü qınayan nəfsə!

Verset: 3

أَيَحۡسَبُ ٱلۡإِنسَٰنُ أَلَّن نَّجۡمَعَ عِظَامَهُۥ

Məgər insan (ölüb çürüdükdən sonra) onun sümüklərini bir yerə yığa bilməyəcəyimizimi zənn edir?!

Verset: 4

بَلَىٰ قَٰدِرِينَ عَلَىٰٓ أَن نُّسَوِّيَ بَنَانَهُۥ

Bəli, Biz onun barmaq uclarını da bərpa etməyə qadirik.

Verset: 5

بَلۡ يُرِيدُ ٱلۡإِنسَٰنُ لِيَفۡجُرَ أَمَامَهُۥ

Lakin insan (bundan sonra da) günah etmək istəyər.

Verset: 6

يَسۡـَٔلُ أَيَّانَ يَوۡمُ ٱلۡقِيَٰمَةِ

O: “Qiyamət günü nə vaxt olacaq!”– deyə (rişxəndlə) soruşur.

Verset: 7

فَإِذَا بَرِقَ ٱلۡبَصَرُ

Göz bərələcəyi,

Verset: 8

وَخَسَفَ ٱلۡقَمَرُ

ay tutulacağı

Verset: 9

وَجُمِعَ ٱلشَّمۡسُ وَٱلۡقَمَرُ

günəşlə ayın qovuşacağı zaman –

Verset: 10

يَقُولُ ٱلۡإِنسَٰنُ يَوۡمَئِذٍ أَيۡنَ ٱلۡمَفَرُّ

o gün insan: “Qaçacaq yer haradadır?”– deyəcəkdir.

Verset: 11

كَلَّا لَا وَزَرَ

Xeyr, (o gün) pənah aparılacaq yer olmayacaqdır.

Verset: 12

إِلَىٰ رَبِّكَ يَوۡمَئِذٍ ٱلۡمُسۡتَقَرُّ

O gün qayıdış (ancaq) Rəbbinə olacaqdır.

Verset: 13

يُنَبَّؤُاْ ٱلۡإِنسَٰنُ يَوۡمَئِذِۭ بِمَا قَدَّمَ وَأَخَّرَ

O gün insana etdiyi və sonraya saxladığı (əməlləri) barədə xəbər veriləcəkdir.

Verset: 14

بَلِ ٱلۡإِنسَٰنُ عَلَىٰ نَفۡسِهِۦ بَصِيرَةٞ

Əslində, insan öz əleyhinə şahiddir.

Verset: 15

وَلَوۡ أَلۡقَىٰ مَعَاذِيرَهُۥ

Hər cür üzrxahlıq etsə də (fayda verməz)!

Verset: 16

لَا تُحَرِّكۡ بِهِۦ لِسَانَكَ لِتَعۡجَلَ بِهِۦٓ

(Ey Peyğəmbər! Cəbrail sənə Quranı nazil etdikdə) onu tələm-tələsik yadda saxlamaq üçün dilini tərpətmə!

Verset: 17

إِنَّ عَلَيۡنَا جَمۡعَهُۥ وَقُرۡءَانَهُۥ

Şübhəsiz ki, onu (qəlbində) cəm etmək və (dilində) oxutmaq Bizə aiddir.

Verset: 18

فَإِذَا قَرَأۡنَٰهُ فَٱتَّبِعۡ قُرۡءَانَهُۥ

Biz onu (Cəbrailin dili ilə) oxuduğumuz zaman sən onun oxunuşuna tabe ol.

Verset: 19

ثُمَّ إِنَّ عَلَيۡنَا بَيَانَهُۥ

Sonra onu bəyan etmək də Bizə aiddir.

Verset: 20

كَلَّا بَلۡ تُحِبُّونَ ٱلۡعَاجِلَةَ

Xeyr! Əksinə, siz tez ötüb keçəni (fani dünyanı) sevirsiniz.

Verset: 21

وَتَذَرُونَ ٱلۡأٓخِرَةَ

Axirəti isə tərk edirsiniz.

Verset: 22

وُجُوهٞ يَوۡمَئِذٖ نَّاضِرَةٌ

O gün (bir çox) üzlər parlayacaq,

Verset: 23

إِلَىٰ رَبِّهَا نَاظِرَةٞ

öz Rəbbinə baxacaqdır.

Verset: 24

وَوُجُوهٞ يَوۡمَئِذِۭ بَاسِرَةٞ

O gün (bir çox) üzlər də tutulub qaralacaq,

Verset: 25

تَظُنُّ أَن يُفۡعَلَ بِهَا فَاقِرَةٞ

ona böyük bir müsibət üz verəcəyini zənn edəcəkdir.

Verset: 26

كَلَّآ إِذَا بَلَغَتِ ٱلتَّرَاقِيَ

Xeyr, (ruh) körpücük sümüklərinə yetişəcəyi zaman;

Verset: 27

وَقِيلَ مَنۡۜ رَاقٖ

“Kimdir ovsun edən?”– deyiləcək.

Verset: 28

وَظَنَّ أَنَّهُ ٱلۡفِرَاقُ

(Can verən kimsə dünya həyatından) ayrıldığını yəqin edəcəyi

Verset: 29

وَٱلۡتَفَّتِ ٱلسَّاقُ بِٱلسَّاقِ

ayaq ayağa dolaşacağı zaman –

Verset: 30

إِلَىٰ رَبِّكَ يَوۡمَئِذٍ ٱلۡمَسَاقُ

o gün (hər kəs) Rəbbinin hüzuruna gətiriləcək.

Verset: 31

فَلَا صَدَّقَ وَلَا صَلَّىٰ

O (kafir) nə (Quranı) təsdiq etdi, nə də namaz qıldı.

Verset: 32

وَلَٰكِن كَذَّبَ وَتَوَلَّىٰ

Lakin (haqqı) yalan saydı və üz döndərdi.

Verset: 33

ثُمَّ ذَهَبَ إِلَىٰٓ أَهۡلِهِۦ يَتَمَطَّىٰٓ

Sonra da lovğa-lovğa ailəsinin yanına getdi.

Verset: 34

أَوۡلَىٰ لَكَ فَأَوۡلَىٰ

Vay sənin halına, vay!

Verset: 35

ثُمَّ أَوۡلَىٰ لَكَ فَأَوۡلَىٰٓ

Sonra da vay sənin halına, vay!

Verset: 36

أَيَحۡسَبُ ٱلۡإِنسَٰنُ أَن يُتۡرَكَ سُدًى

Yoxsa insan başlı-başına buraxılacağınımı güman edir?!

Verset: 37

أَلَمۡ يَكُ نُطۡفَةٗ مِّن مَّنِيّٖ يُمۡنَىٰ

Məgər o, mənidən axıdılan bir damla nütfə deyildimi?

Verset: 38

ثُمَّ كَانَ عَلَقَةٗ فَخَلَقَ فَسَوَّىٰ

Sonra laxtalanmış qan oldu. Allah onu yaradıb kamil bir surət verdi.

Verset: 39

فَجَعَلَ مِنۡهُ ٱلزَّوۡجَيۡنِ ٱلذَّكَرَ وَٱلۡأُنثَىٰٓ

Ondan da biri kişi, biri qadın olmaqla iki cift yaratdı.

Verset: 40

أَلَيۡسَ ذَٰلِكَ بِقَٰدِرٍ عَلَىٰٓ أَن يُحۡـِۧيَ ٱلۡمَوۡتَىٰ

Məgər (bunları edən) Allah ölüləri diriltməyə qadir deyilmi?