Traduction des sens Sourate AL-MA’ÂRIJ - الترجمة الفولانية للمختصر في تفسير القرآن الكريم - Encyclopédie du Noble Coran

Simoore al-maarij

Parmi les objectifs de la sourate:

بيان حال وجزاء الخلق يوم القيامة.

Hollirde ngonko e njobdi tagoore ñande darnga.

---

Verset: 1

سَأَلَ سَآئِلُۢ بِعَذَابٖ وَاقِعٖ

Gooto e sirkooɓe ɓen toranike e hoore mun e yimɓe mun ɓen lette, himo jalkita, sikkugol lette ɗen waɗaatah. Hara ɗum waɗay Ñalnde Darngal.

Verset: 2

لِّلۡكَٰفِرِينَ لَيۡسَ لَهُۥ دَافِعٞ

Wonannde yedduɓe Allah ɓen, alah duñanoowo ɓe ɗee lette.

Verset: 3

مِّنَ ٱللَّهِ ذِي ٱلۡمَعَارِجِ

Ko immorde ka Allha, Jom toowal e darja, e ɓure e neemaaji.

Verset: 4

تَعۡرُجُ ٱلۡمَلَٰٓئِكَةُ وَٱلرُّوحُ إِلَيۡهِ فِي يَوۡمٖ كَانَ مِقۡدَارُهُۥ خَمۡسِينَ أَلۡفَ سَنَةٖ

Malaa'ika'en wonndude e Jibriilu hino e ƴawa e ɗin darjaaji Ñalnde Darngal, juutungal, eɓɓirtengal duuɓi ujune cappanɗe jowi.

Verset: 5

فَٱصۡبِرۡ صَبۡرٗا جَمِيلًا

Muñño tun, yo Nulaaɗo, muñal ngal jillah ɗenƴagol maa wullitagol.

Verset: 6

إِنَّهُمۡ يَرَوۡنَهُۥ بَعِيدٗا

Kamɓe hiɓe reeni ɗee lette ko woɗɗiiɗe tultooje.

Verset: 7

وَنَرَىٰهُ قَرِيبٗا

Menen le Meɗen reeni ɗe ko ɓadiiɗe, yanayɗe feere mun alaa.

Verset: 8

يَوۡمَ تَكُونُ ٱلسَّمَآءُ كَٱلۡمُهۡلِ

Ñalnde kammu ngun wa'oyta wano sila maa kaŋŋe taayinaaɗum.

Verset: 9

وَتَكُونُ ٱلۡجِبَالُ كَٱلۡعِهۡنِ

Pelle ɗen kadi wa'oya wano hottollo goobaako saraako.

Verset: 10

وَلَا يَسۡـَٔلُ حَمِيمٌ حَمِيمٗا

Ka ɓadondiraaɗo lamdotaako fii musiɗɗo mun, tawde haray mo kala hino sokliri hoore mun.

Parmi les bénéfices ( méditations ) des versets de cette page:

• تنزيه القرآن عن الشعر والكهانة.

Alqur'aana hino woɗɗi wonnde gimi maa mbilewu

• خطر التَّقَوُّل على الله والافتراء عليه سبحانه.

Hino hulɓinii haalde e fefindagol baka e Allah ko O wowlaali.

• الصبر الجميل الذي يحتسب فيه الأجر من الله ولا يُشكى لغيره.

Muñal labaangal, ko habborteengal njoɓdi mun ndin ka Allah, hara jillaa wullitagol e goɗɗo.

Verset: 11

يُبَصَّرُونَهُمۡۚ يَوَدُّ ٱلۡمُجۡرِمُ لَوۡ يَفۡتَدِي مِنۡ عَذَابِ يَوۡمِئِذِۭ بِبَنِيهِ

Kala maɓɓe yi'ay ɓadondiraaɗo mun on ka suuɗaaki. Wondude e ɗum fof gooto lamndotaako fii oya hakkee ko annde. Hannduɗo e Yiite ngen yeloo jonnugol ɓiɗɓe makko ɓen fii sottorgol mo lette ɗen.

Verset: 12

وَصَٰحِبَتِهِۦ وَأَخِيهِ

O sottora gennda makko e neene gooto makko on.

Verset: 13

وَفَصِيلَتِهِ ٱلَّتِي تُـٔۡوِيهِ

o sottora kadi gorol makko ɓaɗiiɓe mo, ɓen ɓannitaynoo ɓe mo si sattii.

Verset: 14

وَمَن فِي ٱلۡأَرۡضِ جَمِيعٗا ثُمَّ يُنجِيهِ

O sottora kadi kala yimɓe e jinna ekw ko woni kon ka leydi, refti o jonnira ɗum fii sottoragol, daɗnda hoore makko lette Yiite ngen.

Verset: 15

كَلَّآۖ إِنَّهَا لَظَىٰ

Ɗum gasirtaa wano bonɗo on yelori. Yiite laakara ngen ko uuyaynge huɓɓa.

Verset: 16

نَزَّاعَةٗ لِّلشَّوَىٰ

Ɓoltaynge wippita guri hoore; hakkee ko nge wuli e konge huɓɓi.

Verset: 17

تَدۡعُواْ مَنۡ أَدۡبَرَ وَتَوَلَّىٰ

Hinge nodda on ɗuurniiɗo goonga, o hucciti o salii gomɗinnde mbo o ronki gollude.

Verset: 18

وَجَمَعَ فَأَوۡعَىٰٓ

O mooɓi jawle, o mari ndi fii wata o nafqu ndi e laawol Allah.

Verset: 19

۞ إِنَّ ٱلۡإِنسَٰنَ خُلِقَ هَلُوعًا

Pellet, neɗɗo on tagaama ko o tiiɗuɗo reerɗugol.

Verset: 20

إِذَا مَسَّهُ ٱلشَّرُّ جَزُوعٗا

Si lorra nawnaare maa baasal memii mo, tawaa ko o fanɗuɗo muñal.

Verset: 21

وَإِذَا مَسَّهُ ٱلۡخَيۡرُ مَنُوعًا

Si ko heɓii mbo ko weltinta hono amo e ngalu heɓii mo, o wona tiiɗuɗo salorgol ɗum e fii laawol Allah ngol.

Verset: 22

إِلَّا ٱلۡمُصَلِّينَ

Si wanaa juulooɓe ɓen, ɓen ɗon hino hisi e ɗin jikkuuji ŋiñaaɗi.

Verset: 23

ٱلَّذِينَ هُمۡ عَلَىٰ صَلَاتِهِمۡ دَآئِمُونَ

Ɓen tawɓe ko duumiiɓe e juulde maɓɓe nden, ɓe welsindotaako e mayre, ɓe tottira nde e waqtu mayre happaaɗo on.

Verset: 24

وَٱلَّذِينَ فِيٓ أَمۡوَٰلِهِمۡ حَقّٞ مَّعۡلُومٞ

E ɓen tawɓe hino e jawle maɓɓe ɗen geɓal dottangal farlangal.

Verset: 25

لِّلسَّآئِلِ وَٱلۡمَحۡرُومِ

Geɓal nagl ɓe ittanta torotooɗo ɓe e baaso mo torortaako.

Verset: 26

وَٱلَّذِينَ يُصَدِّقُونَ بِيَوۡمِ ٱلدِّينِ

E ɓen goooginanyɓe Ñalaande Darngal nden. Ñalnde Allah yoɓitoyta kala e ko o haanndi kon.

Verset: 27

وَٱلَّذِينَ هُم مِّنۡ عَذَابِ رَبِّهِم مُّشۡفِقُونَ

E ɓen tawɓe hiɓe huli lette Joomi maɓɓe ɗen, e hoore ko ɓe ardini e golle moƴƴe kon fow.

Verset: 28

إِنَّ عَذَابَ رَبِّهِمۡ غَيۡرُ مَأۡمُونٖ

Pellet, lette Joomi maɓɓe ɗen, ko hulɓiniiɗe ɗe haqqilɗo haanaa hoolaade daɗugol.

Verset: 29

وَٱلَّذِينَ هُمۡ لِفُرُوجِهِمۡ حَٰفِظُونَ

E ɓen tawɓe hino reenirɓe farjuuji maɓɓe ɗin : surragol woɗɗitoo e pankare.

Verset: 30

إِلَّا عَلَىٰٓ أَزۡوَٰجِهِمۡ أَوۡ مَا مَلَكَتۡ أَيۡمَٰنُهُمۡ فَإِنَّهُمۡ غَيۡرُ مَلُومِينَ

Si wanaa e rewɓe maɓɓe ɓen maa e horɓe ko ɓe jeyi kon, ɓe feletaake ɗon on fii dakmitorgol ɓen mbalndi e tanaa mun.

Verset: 31

فَمَنِ ٱبۡتَغَىٰ وَرَآءَ ذَٰلِكَ فَأُوْلَٰٓئِكَ هُمُ ٱلۡعَادُونَ

Kala non ɗaɓɓuɗo ka dakmitora hara wanaa e ɓen rewɓe e horɓe jantaaɓe, haray ko ɓen woi yawtuɓe keeri Allah ɗin.

Verset: 32

وَٱلَّذِينَ هُمۡ لِأَمَٰنَٰتِهِمۡ وَعَهۡدِهِمۡ رَٰعُونَ

E ɓen tawɓe si ɓe hoolnaama e jawle e gunndoo ekw, e aynitooɓe ahadiiji maɓɓe ɗin e yimɓe ɓen kulol wata hoolaare bonu ɓe firtatah aadi.

Verset: 33

وَٱلَّذِينَ هُم بِشَهَٰدَٰتِهِمۡ قَآئِمُونَ

E ɓen tawɓe ko ñiiɓirɓe e seedeeji maɓɓe ɗin no haaniri, tawata jeydal maa e ngayngu battintaa e mun.

Verset: 34

وَٱلَّذِينَ هُمۡ عَلَىٰ صَلَاتِهِمۡ يُحَافِظُونَ

E ɓen tawɓe hiɓe reenorii e julde maɓɓe nden, tottirgol nden e waqtu mayre, wonndude e laaɓal e deeƴere, hara huunde sokoliŋtaa ɓe e mayre.

Verset: 35

أُوْلَٰٓئِكَ فِي جَنَّٰتٖ مُّكۡرَمُونَ

Ɓen siforaaɓe ɗin sifaaji, ɓe teddiniroyte e Aljannaaji, neemaaji ñiiɓuɗi, e ndaaroygol Yeeso Allah Teddungo ngon.

Verset: 36

فَمَالِ ٱلَّذِينَ كَفَرُواْ قِبَلَكَ مُهۡطِعِينَ

E ko nanngi sirkooɓe jeyaaɓe e yimɓe maa ɓen, an Nulaaɗo, hiɓe heñora fennugol ma?

Verset: 37

عَنِ ٱلۡيَمِينِ وَعَنِ ٱلشِّمَالِ عِزِينَ

Hiɓe huuɓitir-maa ka ñaamo e ka nano, koɓe dentoy-dentoy.

Verset: 38

أَيَطۡمَعُ كُلُّ ٱمۡرِيٕٖ مِّنۡهُمۡ أَن يُدۡخَلَ جَنَّةَ نَعِيمٖ

Hara gooto kala e maɓɓe tamƴini nde Allah naadoyta mo Aljanna neemaaji, ka o neeminorta neemaaji duumiiɗi, e hoore ko o heddii e keeferaaku mum?

Verset: 39

كَلَّآۖ إِنَّا خَلَقۡنَٰهُم مِّمَّا يَعۡلَمُونَ

Wanaa no ɓe sikkiri non ! Men tagiriɓe e ko ɓe anndi fii mun, woni ndihal hoykal, ɓe lohiri non kamɓe kadi, tawde ɓe waawah nafude ko'e maɓɓe wanah fii lorra. Ko honno non ɓe townitorta?

Verset: 40

فَلَآ أُقۡسِمُ بِرَبِّ ٱلۡمَشَٰرِقِ وَٱلۡمَغَٰرِبِ إِنَّا لَقَٰدِرُونَ

Alla woondiri Hoore Makko ko Kanko woni jom Funnaangeeji e Hirnaangeeji naange e lewru e denndaangal koode wonde ko O kattanɗo.

Parmi les bénéfices ( méditations ) des versets de cette page:

• شدة عذاب النار حيث يود أهل النار أن ينجوا منها بكل وسيلة مما كانوا يعرفونه من وسائل الدنيا.

Lette Yiite ɗen sattoyay, haa yimɓe magge ɓen yeloo daɗirgol nge kala feere nde ɓe anndi fii mun ka aduna.

• الصلاة من أعظم ما تكفَّر به السيئات في الدنيا، ويتوقى بها من نار الآخرة.

Juulde hino jeyaa ko ɓuri mawnude e ko bakkaatu heefirtee e aduna, nde daɗninoree e Yiite laakara.

• الخوف من عذاب الله دافع للعمل الصالح.

Hulugol lette Allah ɗen, hino duña e golle golle moƴƴe.

Verset: 41

عَلَىٰٓ أَن نُّبَدِّلَ خَيۡرٗا مِّنۡهُمۡ وَمَا نَحۡنُ بِمَسۡبُوقِينَ

Meɗen hattani wattirgol ɓe woɗɓe goo, ɗoftotooɓe Allah, Men halka fii maɓɓe kamɓe. Men siforaa ronkooɓe gaynude fii maɓɓe, wattitira ɓe woɗɓe goo si Men faandanike ɗum.

Verset: 42

فَذَرۡهُمۡ يَخُوضُواْ وَيَلۡعَبُواْ حَتَّىٰ يُلَٰقُواْ يَوۡمَهُمُ ٱلَّذِي يُوعَدُونَ

Accuɓe yo Nulaaɗo, ɓe jumpa e meere e majjere ko woni e mun, ɓe fija e nguurndam maɓɓe aduna ɗam haa ɓe hawroya e Ñalaande Darngal nde ɓe kammbiranaa nden ka Alqur'aana.

Verset: 43

يَوۡمَ يَخۡرُجُونَ مِنَ ٱلۡأَجۡدَاثِ سِرَاعٗا كَأَنَّهُمۡ إِلَىٰ نُصُبٖ يُوفِضُونَ

Ñalnde ɓe yaltirorta e gaburuuji ɗin heñaare, wa si tawii hara ko kaaƴe sanamu ɓe adandirta.

Verset: 44

خَٰشِعَةً أَبۡصَٰرُهُمۡ تَرۡهَقُهُمۡ ذِلَّةٞۚ ذَٰلِكَ ٱلۡيَوۡمُ ٱلَّذِي كَانُواْ يُوعَدُونَ

Hara gite maɓɓe no heli, koyeera no suddi ɓe. Ko nden woni ñalaande nde ɓe kammbirananoo nden e aduna, nde ɓe ittaanoo yiila e mun.

Parmi les bénéfices ( méditations ) des versets de cette page:

• خطر الغفلة عن الآخرة.

Welsindagol e saare laakara nden ko ko hulɓinii.

• عبادة الله وتقواه سبب لغفران الذنوب.

Rewugol Allah, hula Mo hino wona sabu yaafaneede junuubi.

• الاستمرار في الدعوة وتنويع أساليبها حق واجب على الدعاة.

Duumagol e noddangol Allah, waɗira ɗum laawi ɗuuɗuɗi, hino waɗɗii e noddooɓe ɓen.