Traduction des sens Sourate AL-INFITÂR - الترجمة الكينيارواندية - Encyclopédie du Noble Coran

Alinfitwaar (Ugusatagurika)

Verset: 1

إِذَا ٱلسَّمَآءُ ٱنفَطَرَتۡ

Igihe ikirere kizasatagurika,

Verset: 2

وَإِذَا ٱلۡكَوَاكِبُ ٱنتَثَرَتۡ

N’igihe inyenyeri zizanyanyagira,

Verset: 3

وَإِذَا ٱلۡبِحَارُ فُجِّرَتۡ

N’igihe inyanja zizuzura (amazi yazo akarenga inkombe),

Verset: 4

وَإِذَا ٱلۡقُبُورُ بُعۡثِرَتۡ

N’igihe imva zizabirindurwa (zigakurwamo ibizirimo),

Verset: 5

عَلِمَتۡ نَفۡسٞ مَّا قَدَّمَتۡ وَأَخَّرَتۡ

(Icyo gihe) umuntu azamenya ibyo yakoze mbere n’ibyo yigijeyo ngo azabe abikora (byaba ibyiza cyangwa ibibi).

Verset: 6

يَٰٓأَيُّهَا ٱلۡإِنسَٰنُ مَا غَرَّكَ بِرَبِّكَ ٱلۡكَرِيمِ

Yewe muntu! N’iki cyaguteye kwirengagiza Nyagasani wawe, Nyirubutagatifu?

Verset: 7

ٱلَّذِي خَلَقَكَ فَسَوَّىٰكَ فَعَدَلَكَ

We wakuremye akagutunganya ndetse akanaguha imiterere igukwiye?

Verset: 8

فِيٓ أَيِّ صُورَةٖ مَّا شَآءَ رَكَّبَكَ

Yaragutunganyije aguha ishusho ashaka.

Verset: 9

كَلَّا بَلۡ تُكَذِّبُونَ بِٱلدِّينِ

Oya! Nyamara muhakana umunsi w’ibihembo.

Verset: 10

وَإِنَّ عَلَيۡكُمۡ لَحَٰفِظِينَ

Ariko mu by’ukuri mufite ababagenzura (abamalayika babashinzwe),

Verset: 11

كِرَامٗا كَٰتِبِينَ

Bubashywe kandi bandika (ibikorwa byanyu byiza n’ibibi),

Verset: 12

يَعۡلَمُونَ مَا تَفۡعَلُونَ

Bazi ibyo mukora byose.

Verset: 13

إِنَّ ٱلۡأَبۡرَارَ لَفِي نَعِيمٖ

Mu by’ukuri abakora ibyiza bazaba mu munezero uhambaye (Ijuru);

Verset: 14

وَإِنَّ ٱلۡفُجَّارَ لَفِي جَحِيمٖ

Naho abangizi bazaba mu muriro ugurumana,

Verset: 15

يَصۡلَوۡنَهَا يَوۡمَ ٱلدِّينِ

Bazawuhiramo ku munsi w’ibihembo,

Verset: 16

وَمَا هُمۡ عَنۡهَا بِغَآئِبِينَ

Kandi ntibazigera bawuvamo.

Verset: 17

وَمَآ أَدۡرَىٰكَ مَا يَوۡمُ ٱلدِّينِ

None se ni iki kizakumenyesha umunsi w’ibihembo?

Verset: 18

ثُمَّ مَآ أَدۡرَىٰكَ مَا يَوۡمُ ٱلدِّينِ

Nanone, ni iki kizakumenyesha umunsi w’ibihembo?

Verset: 19

يَوۡمَ لَا تَمۡلِكُ نَفۡسٞ لِّنَفۡسٖ شَيۡـٔٗاۖ وَٱلۡأَمۡرُ يَوۡمَئِذٖ لِّلَّهِ

(Uzaba) ari umunsi umuntu atazagira icyo amarira undi, kandi kuri uwo munsi itegeko ryose rizaba ari irya Allah.